بسم الله الرحمن وبه نستعين والسلام عليكم اجمعين..
ايها الاخوه الاوفيا والكرام من اداره موقره واعضاء
وشعار واخوات محترمات,,,
تقبل الله حج من ادى النسك..
وعيدكم مبارك وكل سنه وانتم بالف خير..
اعود لكم وكلي اشتياق لكم ولا ارائكم وانتقادكم واطرائكم
بهذه القصيده المهداه الى الاخ الفاضل والاستاذ الشاعرالراقي
والاديب/عبدالله بن راجس الخظاري الرجباني....
تقبلوها بكل مافيها ودمتم بخييييير... |
المطلق اللي جازفيه اطلاق شيهان الحروف=يهوي على الفكره كما تهوي
فكره من ابواب القصيد اللي مسمى ومعروف=لكن بأسلوبي انتشلته من سحيق الهاويه
والمدح شمسه لااشرقت ماعاد يلحقها كسوف=والراس لامنه طرب جاب القوافي داويه
ماكل رجل ينمدح ولاكل كد بمخلوف=ولاالشيم متخالفه ولاالعرب متساويه
للمدح رجال كفو وللمعرفه رجل عروف=وللجرح طب الا الردى ماله دوى ومداويه
وانا ارى فيما ارى في شخص ابو راجس وصوف=على الحسب متوارده ومن الفخرمتراويه
واشوف اذا للذوق ذواق وللوقفه وقوف=صفات عبدالله على طيب المبادي حاويه
عبدالله ابن راجس سليل اكرام شرهين الكفوف=عاداتهم فكاكت اعقود البلا المتلاويه
ذوي رجب والنعم مايوفي مقاديم الصفوف=يوم الخلايق باديه وصفوفها متهاويه
أمحزمت ظهر الرفيق ومخضبت حدب السيوف=اموردين الظاميه ومسنعين الغاويه
امعقدت وجه العدا ومدلهة بال الضيوف=اموجبين العانيه ومكعمين الناويه
خياطت الخصم القوي وداية احوال الضعوف=امخلصين الناخيه وملبخين العاويه
انا لاسريها كذا مدح بسيرات السلوف= طالت وهي تارد مواريد العلا متقاويه
يالابة ماكونت وقت الخطرعهد وحلوف= اصلابهم للمفخرات املازمه ومتاويه
يرحمهم الله من سلوف ابقاهم الله من خلوف =امجلين وجيه وطيور الخلا شلاويه
من شان عبد الله ماقيس القدر في ذبح الخروف=لوكان غيري يحسبونه راس مال معاويه
لان الخضاري ظحكه احجاجه تنسيك الحتوف= رجباني ما اشوف مثله فا الخصال مخاويه
مطق واديب وقرم قلبه في هوى العليا شغوف=وعروق راسه بالحمايا حيه ونداويه
مرجع ادب يغنيك عن كتب ملت شهب الرفوف=سريالي التعبير محرج للعقول الخاويه
له فاالفصيحات البليغ له فا النسب شم الانوف=له فا الطول العاليه له فا الجمايل قاويه
شاعر محنك وقفته تعرف على عسر الضروف=مكرم عن كل شعار الكلام الذاويه
والمدح حالة تستحب اوكل حق مايطوف= وانا قصيدي في عشير الغانمات مهاويه
وشلون لاجالي ابن عم ومحزم ومسند كتوف= رجبان هامه راس مقطع حق دون مراويه
لاقيمو اهل الادب على زمان اهل الالوف= كم باحث وكم شاعر يحشربركن الزاويه
ولامرجعت خير النسوب وقيمت خيرالصنوف=يبقى الصحيح وكل قاع بالحيا سناويه
مانقبل انصاف الحلول وحن لناعين تشوف=وماللصداره غيرنا لوان طواها طاويه
مثل الغيوم المرويه من فوق خلق الله قنوف= شم العلوم الزايديه ماحصاها الراويه
حنا الملوك اللي تهز عروش وتهدالسقوف=وحنامزبنة الملوك الا وزت جلاويه
وان عودت للشعر لايمكن ولاعلا وسوف=فينا دهاة الشعرماينحى لهم نحاويه
وان جات للفريس ربعي لااعتلو القب القحوف=تقلط على الموت الحمروقلوبها جراويه
حصن تصافق روسهامن طيبهامن غيرخوف=كل يقول الزودعندي والعمرفداويه
دواسر تسمو بصيت افعالها فوق الشفوف=بأسم امبراطورية الامجاد جات سماويه
ونا لياجات النسب علياولافيها حفوف=فعلي يجمل لابتي واللاش فعلي كاويه
شاعرعلى وضح النقا مانيب اطمرها الجروف=ودعاني من طيب ربعي هب عود وجاويه