مساندة لترشيح ابن غصين المشاويه في الكويت و حلفاه
الفزعه اللي ماتجي في لزومها = سواً بها لامن تجلت غيومها
تكفون ياربعي هل الطيب والوفا =فزعتكم اللي ماتوانا عزومها
اليوم يوم الوقفه الدوسريه =تكفون ياشجعانها ياقرومها
خلوا فهد يرقا و يرقا حليفه=ندر حرارً وافياتً قسومها
خيالة الهيلا مع خزنة الظفر =وحمر النواظر صايباتً سهومها
قبايلً ترسي على الحق والقدا = لأجل الكويت ارواحها ماتسومها
تبيعها بيع المفادي على النقا =لادقت الساعه وفوا في لزومها
يوم ان بعض الناس عميت بصيرته =ناس ً من العله تلوي خشومها
ناسً على الفتنه تعقد حبالها = وبثت نواياها الخبيثه سمومها
قومً على كويت المحبه تحزبوا = يبون عوجاً ماترقع ثلومها
أكالة التمره ومصاصة العجم =ضبان قيضً نفختها زهومها
كلوا من النعمه وخانوا ضميرهم =وكبرت علابيهم وزادت شحومها
نسوا قوانين الكويت وجميلها =وبالطائفيه رشحوا صوت بومها
على القبايل بالتعنصر تطاولوا = وشنوا من أحقاد الضماير هجومها
وحنا حلفنا مانخلي كويتنا = في صف حكامً جزالً علومها
بالعدل بين شعوبهم ماتغيروا = آل الصباح اللي تعلوا نجومها
هذا وأنا ربعي هل الطيب والوفا =دواسرً تثبت وفاها سلومها
شعر صالح ابن محمد الصليبي الحقبان