::: مـنتدى قبيلـة الـدواسـر الـرسمي ::: - عرض مشاركة واحدة - اقولها بالصراحه فيهم الظن خاب
عرض مشاركة واحدة
قديم 16-05-2011, 05:10 PM   #1
 
إحصائية العضو







مسفر جمعان الصفا غير متصل

مسفر جمعان الصفا is on a distinguished road


:r-r-5: اقولها بالصراحه فيهم الظن خاب

قالوا لي اسرع وسجّل مع هل الانتخاب = مجالس البلدية فتْحت ابوابها
بادر بتسجيل صوتك واختيارك صواب = اختار من به تثق والناس لاقرابها
شوف البشر شرّفوا شيبانهم والشباب = قومٍ نهار المواجه تدعم اصحابها
قلت اعذروني انا حسبت كل الحساب = اربع سنينٍ مضت ما زالت صْعابها
راحت وعود المرشح مثل طيف السراب= ووجه الحقيقه مغطى تحت جلبابها
ناسٍ بدعوى الامل تفتح لنا الفين باب = تلعب علينا وحنا نصدق العابها
يعني بدت بالكذاب وتنتهي بالكذاب = والصدق حطّته جسر لمهرة اكذابها
والواجب إنّا قبل نجيب علم ونجاب = اللجنه الماضيه نبحث في كْتابها
ومن قبل نغلق كتاب البحث نفتح كتاب = ونحاسب اللجنه الاولى مع احزابها
ليه الشوارع رهينه تحت حفنة تراب؟ = واليه الحدائق عليها يزمي ترابها ؟
وليه المدينه من الضلّمأ تقول بْضباب ؟ = والاعمده فالشوارع طاحب اخشابها
وليه النظافه تبشر بالحياه الذباب؟ = وبموتها تنعش الامال لذبابها
وليه الشوارع بزحمتها بدون انسياب؟ = كل الشوارع تكظ بزحمة اركابها
وليه المطر يغرق الاحياء بسيل عباب ؟ = والناس تعيش مرعوبه على اعصابها
وليه المنح تنتهب ياهل القرار انتهاب ؟ = وتعطى لناسٍ وتحرم ناسٍ اولى بها
وباقي سوالٍ جوابه مثل حد النصاب = صرف الملايين نبغي كشف لحسابها
فان كان ما به جوابٍ يبعد الارتياب = ويكشف خفايا الامور ويشرح اسبابها
وش فائدتنا اذن من مجلس الانتخاب = واللجنه اللي تواجدها كما غيابها
واقولها بالصراحه فيهم الظن خاب = والواجب ان المجالس تغْلق ابوابها

 

 

 

 

 

 

التوقيع

والدواسر سيف يقص الحديد = عزوة المضهود فاليوم النكيد
باسهم عند اللقا باس شديد = وخيلهم يوم المواجه مرعبات

    

رد مع اقتباس