السلام عليكم ورحمة الله وبركاته
احب انقل لكم هذه الرائعه للشاعر المبدع / عبدالله بن فهد الصخابره الدوسري
بين الحقيقه وختلاف المفاهيم = بحر المحيط ايهول عرضه وطوله
ماعودت بيض النوايا مجاهيم = ولاكل من يرجي التمني ينوله
العمر يمضي والطوارق مباهيم = وغيب الليالي محكمات اقفوله
حي العرب مابين شداد ومقيم = ونازلها لابد يدني رحوله
نمشي مع الايام وحداثها هيم =والجم بعض احبالنا ماتطوله
يمكن نحصل من وراها تعاليم= ونول من كثرالتجارب بطوله
ولو يروي البيدا غزير المراديم =تابس غصون الزرع مادار حوله
يرحل بها من عايش الحيف الضيم = واللي لهم بالمجد صوله وجوله
لوكان في عز الكنف عاش ويهيم =تبقى مع الايام جرة انعوله
الرجل ياخذ في حياته تعاليم = ولايدرك المأمول بابسط سهوله
الابروم المجد ومعانق الغيم =وفعل يطابق سير نهجه وقوله