زين العابدين=خلوووها
ياحسني مبارك ترى ماعاد بالمجلاس فود=انحش قبل تاطاك بقعا يالخبل برجولها
ان طعتني حددر علي وارتاح بديار الفهود=سنين ياحسني ومصر تلقمك من فوولها
حسني=خلوووها
يابن علي سنيت سنه جعل عرفك مايعود=عقبك مجانين العرب قامت تطق طبولها
يومك تلقيت الخلا لا تحسب ان حسني شرود=بتشوف لك فعلاً يقص ايمانها وذيولها
زين=خلووووها
انا رفيقك خابرك لامن احتمى الموقف تحود=ماينفعك لو قامت احزابك تعن خيولها
قبلك تحزمت الحزام وسقت للشعب الجنود=يومين والثالث..علي ضاقة وساع سهولها
حسني= خلووووها
بهوش دام ان الشجاعه ورث من ورث الجدود=اما نموت بدارنا.. ولا نعدل ميولها
والله لا اجيك ان تكبر الضيفه وتزداد الحشود=ويجيك مع لبنان..زيديها يسابق زولها
زين=خلووها
ترى الخطا ياحسني مبارك مسامير الكبود=وهذي عواقبها علينا تدرج بحمولها
شد الرحال وطيعني تراك منته بمعقود=تبغى القياده..والله انك رحت منتب حولها
حسني=خلوووها
ماعاد نبغاها طمع يا عل تطمعها اليهود=نبغى الستيره لين برضانا ياشين ..نقولها
يابن علي مامنك زود انا اشهد ان مامنك زود=هوّنتها وهي من اول عرضها في طولها