قصيدة فارس في فرسه

[معلومات العضو الجماعين]

الفارس والشاعر المشهور عبيد العلي الرشيد كان لديه فرس أصيلة وأثيرة في نفسه انتقاها من مرابط خيوله الكثيرة وجربها وخبرها في عدة معارك طاحنة وكانت هذه الفرس من المربط المسمى (كروش) وقد ذاع صيتها وسمع بشهرتها أحد القادة في زمانه ويدعى (بيه) وقد طلبها من الفارس عبيد العلي ورفض طلبه قائلاً قصيدة يوضح فيها أسباب تمسكه بها حيث يقول:

يا بيه أنا لكروش ما أعطي ولا أبيع =قبلك طلبها فيصل وابن هادي
يا بيه لو كثرت بالقول ما أطيع =يا حيف تبغيني اسلم جوادي
يا بيه ما يرهم على مثلها البيع =ولا يجي مثله يقوده مهادي
ما جمع أصله بالقراطيس تجميع =أصله يعرفونه جميع البوادي
باغ إلى ما لقموها المصاريع =وصاح الصياح وثار عج الطرادي
انهج عليها وتعدي بالتراتيع =مثل الفحل لا صال وقت الهدادي
واصلها لعيون بيض مفاريع =فوق الحنايا والسبايا غوادي
هذاك بيعه والصبايا مفاريع =فوق الحنايا والسبايا غوادي
هذاك بيعه والصبايا مفاريع =بين القنا ومخفرات الهنادي
هذاك بيعه كان ما تفهم البيع =ليا منهن جلبن بسوق المزادي
يا بيه أنا ما اسمع كلامك ولا أطيع =هرجك بمقلة ناظري والفوادي
يا سابقي ما نرخصك بالمطاميع =حتم ولو قيل ارفعوا بالجوادي
ابغى إلى ثار الدخن بالزعازيع =وحطوا على عجلاتهم والعدادي
بيوم يشيب من حذاه المراضيع =حدين وحاديهن من الخوف حادي
انطح ورا ربعي وجيه المداريع =واقضي عليها دينهم والعبادي
وانشد اعني وعنها بعاد المفازيع =هو هرجنا ذا كذب والا وكادي
مذلابة بالحرب ما هم مطاويع =ولا تحسب بالمداس العوادي
حلفت ما يطري علينا بها البيع =للحشر ما يفخت سواده سوادي
ما دام راسي للرياح الزعازيع =بالعون طالبها من الناس غادي

وسامحونا على القصور يالربع

تحاياي ..

 

 

 

 

[معلومات العضو منقع الطيب]

أخي وابن عمي الجماعين المحترم

شكرا على ايرادك لهذه المعاني الجزله

وهذا دليل على ان ذوقك راقي وأصيل

أخوك

محمد المسعري

 

 

 

 

[معلومات العضو صالح الجعيدي]

القصور يتعداك أخوي العزيز/ الجماعين ،،،

صح لسانك ولسان الفارس الشاعر المشهور/ عبيد العلي الرشيد.
لا هنت وبيض الله وجهك على إيرادها يالنشمي.

ولا تحرمنا جديدك ومشاركاتك.
وتقبل خالص تحيات وتقدير أخوك ومحبك في الله/ صالح الجعيدي

 

 

 

 

[معلومات العضو ابن وتيد السباعي]

ماحصل قصور وافي ومن ربوعن وافين


لاهنت يالجماعيين على ايراد ونشر هذه الرائعه

وهذا دليل على ان ذوقك راقي وأصيل

في انتظاااااااار جديدك وعسااااااااك على القوه

اخوك/ابن وتيد

 

 

 

 

[معلومات العضو فهاد]

السلام عليكم ورحمة الله وبركاته

لاهنت يالجماعين على المشاركة الطيبة والله يعطيك العافية

 

 

 

 

[معلومات العضو الجماعين]

اررررررررررررحبوو يارجال

يالله حيهم جميع

مشكوووورين يابني عمي على المرور والتعليق

وجعلكم تسلمون على الكلام الطيب

الجماعين يتمنى لكم اسعد الاوقات .

 

 

 

 

[معلومات العضو الفارس]

لاهنت يالجماعين على القصه والقصيده الرائعه

والى الامام .

اخوك:

................ . الفارس . ................

 

 

 

 

[معلومات العضو رعاد]

مششششششششششكور اخوي والله يعطيك العافية