لا يغرك صغر سني

**معلومات** **العضو** · 24-01-2008, 04:01 AM

لايغرك صـغــر سـنَـي لي عقل يـوزن جبال
كم كبيرٍ عـاش عمره جـاهـلٍ مـالـه فهيمه

وكم صغيرٍ في الشدايد صار يضرب به مـثـال
رافعٍ راسه بعزَه ما انحنى في وقت ضيمه

تدري لو صارت حروب وصوتوا لجل القتال
صرت اولهم شجاع وغيري فر من الهزيمه

ما اهـاب الـمـوت لأنـي مـا أبـي الدنـيـا لمال
بايعٍ مـاني بشـاري دار ماهي مستديمه

كـيـف ابـيـهـا واشتريها واعرف انها للزوال
مابقت لي ومابقت لك في السما ماتدوم غيمه

ولايـغـرك مــظــهـر الدنيـا ترى في كل حال
فيها كلٍٍَ يختلف واللص ماتهمه جريمه

مايحـس بهـم غيـره ومـا يـهـمـه قـيـل وقـال
بـس ربـك مـايـفـوتـهـا ولوكانت قديمه

مستـهـيـن بـصـغـر سـنًـي بسألك بالله سـؤال
وافهمه وحطّه في بالك لا تخليها ظليمه

بس خـبـرني وقـلـي وش هـو معنات الرجال
الـرجـال بـفـعـلـهـا ولاً كلامٍ ماله قيمه

الرجل لـي كـلـمـتـه في هالهوى صارت هـزال
من يلوم البنت لي ضاعت ولي قالوا غشيمه

لعن ابوها من رجوله افقـدت كـل الـخـصـال
مابقى للروح معنى والقبر يبكي نديمه

مـن فـقـد هاليـوم دمـه ما أبي مـنـه الـوصـال
بس جروح القلب تكفي ذقت طعناتٍ أليمه

انـجـحـت خـطـة عـدوكـم وابتسم وجـه السبال
مـن يـحس يـفـور دمه صارت النخوه يـتـيمه

دنـيـتـك لـو اضـحـكت لك وافتحت لجلك مجال
مـاتـحـبـك تستـغـلك تحسب انها لك كـريـمه

وان جـفـيـت الـدربـهـا تغريك تـرمـي لـك حبـال
بـس هدفها تستجرك لين ما تـُصبـح غنيـمه

مـاتــقــول في يوم ابـعـد دوم تـنـده لـك تـعـال
ليـن مـاتـظـفـر بصيدك وماتبقًي لك حشيـمه

الـــعــقــل الله وهب لك لـلـفـكـر يـابـن الـحـلال
قـبـل لا تـبـغـي اتـكـلم خل وجهاتك سليـمه

اسعى في اول مسيرك من ظـمـيـرك بـبـتهال
ثابر وتابع عزومك ضد نـاسٍ لـك وشـيمـه

الـطـمـوح الــيـا رمـيـتـه بيـن هبلان وخبال
الـنـدم لـجـلـك يـرحب والـحـسـد ثم النميمه

بـالـركـاده و الـرزانـه تـرتـقي فـوق وتـنـال
رايـةٍ تـرفـع اهـلـهـا بـالـمـقـاديـر الـعـظيمه

الـطـريـق أخوي واضح مـايـبـي لف وجدال
مـن يـطـيـق الـظـلم يندم والزمن مافيه شيمه

خذ علومك من مجرب ماطرق باب الدلال
مافـعـل شـيٍ وإلا نـيـتـه فـقـصـى صميمه

الـمـراجـل درب واسـع عـد حـبـات الـرمـال
بس تـبغي شخص نـاجـح للفعل قول وعزيمه