قصيدة للشاعر / مفرج بن جنبان المخاريم

[معلومات العضو جلعود المخاريم]

رائعة من روائع الشاعر الكبير في عيون محبيه

مفرج بن ناصر بن جنبان المخاريم

الذي مازال يكمل فيها وسوف نوافيكم ببقية القصيدة في حال اكتمالها

يالله يالمعبود يامنشي الغيوم = ياذا الجلال اللي على خلقه رحوم
يالمعتلي يافارجً كل الهموم = أنت الآله ولالنا غيرك إلاه
يافارج الكربات يارب العباد = ياذا الجلال اللي عليك الإعتماد
يارافعٍ سبعٍ بلا عمدٍ شداد = ياواحدٍ نرجيه مانرجي سواه
ياخالقٍ الكون يامجري السحاب = ياخالق الإنسان من ماء وتراب
ياالله توفقنا على قول الصواب = ويالله ترحمنا ليا جات الوفاه
من بعد ذكره زان بدع القاف زان = ولا جيب ياكود الجزيلات السمان
والشعر سبك وحبك وافكار ومعان = ولا كلٍ يصيب الهدف لأمن رماه
سلام ياشيوخٍ فعايلهم تعد = شيخان عزٍ من على أبٍ وجد
أنتم ذرى وإنا لكم درع وسند = وأنتم لنا وإنا لكم مامن غناه
سلام مني يامطوعة العنيد = ياأهل الوفاوالطيب والرأي السديد
يامحزمي في الضيق ياسيفي الحديد = يافزعة اللي يشتكي من ما دهاه
يازين والله شوفكم دايم جميع = ياأهل الوفى يامطوعه مالا يطيع
أنتم حماة الدار والحصن المنيع = وأنتم كما نجم تعلا في سماه
جمعا القبيله دوم يرفعه شانها = وترى تفرقها يهز أركانها
ولا تجتمع إلا بجمع أعيانها = والإعتصام بحبل من نرجي رضاه
الله يبيض وجه من حط إجتماع = اللجنة العليا لهم شكرٌ يذاع
قاموا بجهد وذكرهم بالطيب شاع = قادوا المراجل والكفو يظهر نباه
حطوا المزاين للبعيد وللقريب = وقاموا به ربوع يحلون الصعيب
دواسر لامن عو ذيبٍ لذيب = أبشر بهم كل حضر وجهٍ وجاه
يعيش رجلٍ لادعا الداعي حضر = ماصد في الشده ولادور عذر
كريم سبلا مايحسب لو خسر = وليا عطا مايلحق المنة عطاه
حنا الدواسر ماذكر فينا ردي = والطيب ملك التغلبي والزايدي
ورجّالنا وصفه كما وصف الجدي = ووقت الشدايد سعد رجال نصاه
حنا هل الناموس موفين العهود = اهل الكرم والجود حامين الحدود
ولامن نصانا الضيف نذبح له قعود = ونفوسنا ترخص له ونتبع هواه
وحنا هل العليا وحنا هل الكرم = وفعل الكرم طبع لنا منذُ القدم
وعيب علينا نبيع مانا واللحم = وأفعالنا تشهدبها كل الرواه
يشهد لنا جريس اليماني بالجميل = من يوم جانا يشكي الحمل الثقيل
شلنا حموله ثم عطيناه النخيل = وعود بذودٍ شوفها غاية مناه
وجانا الهلالي هو وربعه ضايفين = عامر بن بدران سقم المعتدين
ذبح لهم خمسين مع زود أربعين = تسعينٍ من البل ذبحها يوم جاه
وحنا ودينا الجار والسبة جدار = وهذي لنا رمز وفخر وأيضا شعار
ونرفى خمال الجار لو الجار جار = من سلمنا والجار ناسم له عصاه
والشمري يشهد لنا بيوم عبوس = في يوم حرب كنها حرب البسوس
موتره شليناه في سبعة جموس = ساعة وقف والحرب دايرة رحاه
نخى الدواسر قالوا إنا لك حزام = واللي معه ربعٍ يردون الجهام
ألاد زايد مروية حد الحسام = الكل منهم شاش يوم أنه نخاه
فكوه ثم فوق المواتر حملوه = وحمله على كل المواتر وزعوه
خويهم والكل منهم كنه أخوه = ونجا بفضل الله ثم فضل أخوياه
وأيضا الخوي يومه بوسط البير طاح = ثم أنكسر ماله جدا كون الصياح
زهم خويه والخوي ماعنه راح = وأحتار في وضعه وهم برضٍ فلاه
ذبح ذلوله قال عنك الهم زال = وساعة ذبحها جلدها حطها حبال
ونزل عليه وطلعه وافي الخصال = ونجى الخوي والرب كاتب له نجاه
يشهد لنا أبن مطرف بيوم مخيف = نصى الدواسر يوم جلاه الشريف
ودخيلنا منزاله برأس المنيف = زبن علينا وحن مزبنة الجناه
جانا الشريف يقود قوم وعسكرى = ويقول أنا في حربكم لاسمع لارى
وقلنا له أبشر لك بسيفٍ أبترى = وبالسيف والبارود داوينا عماه
ووسيم تشهد فعلنا بوقت مضى= أعيالها وأخوانها راحوا قضى
تشكي علينا يوم ضاق بها الفضى = وعاشت حياة الفقر من عقب الغناة
وايضا الدويخ يوم ينخى في الذلول = ومن دونها راحوا مناعير زحول
يقول ردوها ياماضين الفعول = وجاته ذلوله والشداد وما حواه
وحنا هل البل من قديمات الليال = ماجاتنا إسترفاد ولا بدفع مال
ورث لنا وأثمانها بيض السلال = وياما حميناها من يدين الغزاه
البل عطيا الله لها مجدٍ قديم = ولايملك البل كود رجال حشيم
والبل ذكرها الله في القول الحكيم = وناقة نبي الله خلقها من حصاه
وكل القبايل كفو ما فيهم قصور = وكل ظهر فعله بقديمات العصور
وكل على ما قيل يالربع مخبور = وكل يعد أفعول جدانه وأباه
وهذي القصيده قلتها بوقت قصير = شاعر صغير وغصتنا البحر الغزير
وشاعر مايمدح لابته مافيه خير = ولاخير في شعرٍ ينزل مستواه
وختامها مني صلاة على النبي = على الرسول الهاشمي اليعربي
عداد من يقرا ومن هو يكتبي = وعداد من زار الحرم وأدا الزكاه

 

 

 

 

[معلومات العضو لين]

وشاعر مايمدح لابته مافيـه خيـر=ولاخير في شعـرٍ ينـزل مستـواه

تسلم أخ جلعود المخاريم
وصح لسان الشاعر مفرج بن ناصر بن جنبان المخاريم وصدق في قوله
تقبل تحياتي ومرورري

 

 

 

 

[معلومات العضو ولد ودعان]

وشاعر مايمدح لابته مافيـه خيـر=ولاخير في شعـرٍ ينـزل مستـواه

والله ونعم بالشعر مفرج المخاريم

ولاهنت على ارداة القصيده الجميله اخوي الغالي
تقبل تقديري واحترامي

ولد ودعان

 

 

 

 

[معلومات العضو الخضراني2]

بيض الله وجهك يامفرج

كفيت وفيت

وصح لسانك

 

 

 

 

[معلومات العضو أبونواف الدوسري]

بيض الله وجهك يامفرج

كفيت وفيت

وصح لسانك

 

 

 

 

[معلومات العضو جلعود المخاريم]

ارحبو ومشكوررررررين على المرور ويشرفني مرورك يا اخ لين ولد ودعان و خضراني 2 و بو نواف الدوسري

 

 

 

 

[معلومات العضو فتىالوادي]

بيض الله وجهك يامفرج

كفيت وفيت

وصح لسانك

 

 

 

 

[معلومات العضو فيصل بن جزاء]

تسلم أخ جلعود المخاريم
وصح لسان الشاعر مفرج بن ناصر بن جنبان المخاريم وصدق في قوله
تقبل تحياتي ومرورري

 

 

 

 

[معلومات العضو شافي القويسي المخاريم]

ماقصر ابن ناصر


لاهنت يا جلعود

 

 

 

 

[معلومات العضو ابواسرارالودعاني]

بيض الله وجهك يامفرج

كفيت وفيت

وصح لسانك

 

 

 

 

[معلومات العضو السيف دايـم]

بيض الله وجهك يامفرج وصح لسانك

 

 

 

 

[معلومات العضو يحيى الودعاني]

تسلم و بيض الله وجهك


و صح لسان الشاعر

 

 

 

 

[معلومات العضو غازي المسعري]

تسلم أخ جلعود المخاريم

وصح لسان الشاعر مفرج بن ناصر بن جنبان المخاريم