اشعل الليله سمر والنار اداه=ننتظر نجمة جدي ولاّ سهيل !!

[معلومات العضو إبن دوسر]

السلام عليكم ورحمة الله وبركاته,,

اقدّم لكم هذي القصيدة الكيبورديّه التي نسّقت على لحن جديد ,

واسلوب جديد وبسيط .. وهذه اوّل مره اكتب على هذه الطريقه.. :

يا حلا يا ما حلا ياما حلاه=شوفة الريضان مع جو ٍ عليل
تنزل امطاره وفي كل اتجاه=والربع حولك على بنٍ وهيل
والنفل جنب الخزامى قد علاه=والاراضي المخضره بعد المسيل
اشعل الليله سمر والنار اداه=ننتظر نجمة جدي ولاّ سهيل
مع صحاب ٍ قدرهم عالي مداه=خوة ٍ في اللين والوقت الذليل
معهم الصاحب تخلّى عن بلاه=يترك همومه ولاكداره يزيل
مع سواليف ٍ مصادرها رواه=هرجنا ندراه عن قاله وقيل
بعدها اذّن مأذّن للصلاه=حان وقت ٍ في التعبد للجليل
ثم بان النور في اعلى سماه=ياصباح الخير يالصبح الجميل
مايهون السامعي واللي قراه=ياعسى وصفي وصلكم من قليل

وسلامتكم يالنشامى.. وسلامتكم جميعاً ..!!

اخوكم / محمد بن عبدالله الودعاني ..!!

 

 

 

 

[معلومات العضو زايد جد الدواسر]

اشكرك اخوي على هذه القصيده الرائعه جداجداجدا

 

 

 

 

[معلومات العضو ابو فهد الغييثي]

الله يعطيك العافيه على القصيده وبيض الله وجهك

 

 

 

 

[معلومات العضو بدر بن صقر العجالين]

ومن قال لاهان يا أبوعبدالله والله يسلمك..

صح الله لسانك على ذا الجزله..

وبيض الله وجهك ..

والله لايهينك ..

تقبل تحياتي،،

 

 

 

 

[معلومات العضو فرحان فهد ال فرحان]

الحقيقه من تتبعيي لمواضيعك اجدك خبره في المنتديات واعتبرك مكسب كبير للمنتدى
ارحب تراحيب المطر
بس ماقلت لي من السليل والا الوادي

 

 

 

 

[معلومات العضو إبن دوسر]

المشاركة الأصلية كتبت بواسطة زايد جد الدواسر

لا شكر على واجب وانا اخوك.. تسلم تسلم يالغالي

شاكر لك مرورك البسيط والرائع.. !!

 

 

 

 

[معلومات العضو بدر ابن نايف]

السلام عليكم


الله الله


ياسلام

صح الله السانك

ولاهنت


قصيده جميله


تقبل

تحياتى

 

 

 

 

[معلومات العضو إبن دوسر]

المشاركة الأصلية كتبت بواسطة ابو فهد الغييثي

الله يعطيك العافيه على القصيده وبيض الله وجهك

الله يعافيك يابو فهد.. ووجهك ابيض يالذيب !!

لا هنت يالغالي على المرور الجميل والخفيف

 

 

 

 

[معلومات العضو حسن عبداللةالبطحيه]

ابو عبدالله صح السانك و اعتلى شانك ياطويل العمر قصيدة جزله من راس جزل عسى الله لايهينك

 

 

 

 

[معلومات العضو إبن دوسر]

المشاركة الأصلية كتبت بواسطة بدر بن صقر العجالين

ومن قال لاهان يا أبوعبدالله والله يسلمك..

صح الله لسانك على ذا الجزله..

وبيض الله وجهك ..

والله لايهينك ..

تقبل تحياتي،،

تسلم يابو زايد.. صح بدنك كلّه يالغالي

ووجهك ابيض يابدر.. ولا هنت ياذيب العجالين !!

وعز الله انّ مرورك وردّك له مكانه لديّ وتقدير ياخوك!!

لا عدمناك ولا عدمنا هالمرور الرائع يالرائع.. شكراً لك !!

 

 

 

 

[معلومات العضو إبن دوسر]

المشاركة الأصلية كتبت بواسطة فرحان فهد ال فرحان

الحقيقه من تتبعيي لمواضيعك اجدك خبره في المنتديات واعتبرك مكسب كبير للمنتدى
ارحب تراحيب المطر
بس ماقلت لي من السليل والا الوادي

يامرحبا يابو فهد .. تسلم تسلم يالذيب ولا عليك زود !!

الله يحيّيك ويبقيك يالغالي.. لا هنت والله

من ( القرينه ) طال عمرك..