ساره ياساره يام العيون السود . . . . .

**معلومات** **العضو** · 07-05-2008, 01:23 PM

مساكم ورد وريحاان . .

هذي قصة شخص انا اعرفه شخصيا ( والله العظيم اعرفه ) والقصه حقيقيه
كان بالمرحله الثانويه وكان يعشق فتاه تسكن بالرياض وهو بالشرقيه
مرت معرفتهم لبعض ثلاث سنوات الى ان اخذ الله امانته وتتوفى البنت
بحادث على طريق الرياض - الدمام السريع ومن شدة حزنه وتعلقه فيها
كتب الابيات هذي وللمعلوميه هو ليس بشاعر ولاكن طلعت معه هالابيات
اللي تدل على تعلقه فيها وانه حاول يحب بس مالقا من ينسيه
اترككم مع الابيات:

ليت الزمان يرجع ورى ولا يعود
وترجع ايامي مع ذيك العنود

ساره ياساره ياام العيون السود
احبك والله وانا فيس محسود

ليتس تكفين عن ذيك الرحله صدود
لاكن هذا قدر ربي ويومك الموعود

لاتحسبين اني لحبنا جحود
انتي مكانس القلب وغيرس منه مطرود

حبيت من بعدك ومالقيت إلاوعود
كلهم نفس الكلام بيفرشون دربي بالورود

انتظرت ابيهم يوفون
وفي الاخير طلع حكي ومايفعلون

أنا إذا حبيت ابد ما اخون
دورت منهو مثل طبعي حنون

احبه ويحبني واكون له ممنون
مايتركني لو يسمع الناس فيني يحكون

ما ابي إذا حبيته راح ويخليني مغبون
يكفي حبي الاول وانتم عنه تدرون

ابي حب ينسيني حبي الاول تكفون
بكررها وانا ادري ان الحب ملعون

هذا حالي مع الحب ياللي تحبون
حياتي كلها هموم وبالقلب طاعون

وسلامتكم . . . .

**معلومات** **العضو** · 07-05-2008, 11:58 PM

صح لسانكــــ والله يرحم حبيبتكــــــ ويعوضكـــــ
عنها بزوجه بالحلال انشالله

**معلومات** **العضو** · 08-05-2008, 03:14 PM

معسفة المهار شاكر لك مرورك يالغلا .. . .

مستغرب كم اللي شاهدوا ورد واحد بس ؟؟؟؟

ترى عاادي اذا فيها شي خطأ يستحسن التصحيح من لديه الجواب

تحيااااتي . . . . . . .

**معلومات** **العضو** · 08-05-2008, 05:22 PM

ذيب الفصام

صح لسان شاعرها

وتسلم يد ناقلها

قصيده راائعه ومؤثره

والله يعوض صاحبها خير

يعطيك العافيه

ونتريا الزوود من صوبك

لاعدمناك

**معلومات** **العضو** · 08-05-2008, 05:55 PM

بنت الذيب صح بدنك

وتشكرات لك على هالمرور . . . . .

تحياااااتيـــ

**معلومات** **العضو** · 08-05-2008, 07:00 PM

صح لسانك ولسان من قالها والله يعوض عليه بالحلال مثلها وياذيب الفصاصمه افتح أيميلك و رد علي تحياتي لك ولجميع المنتدى والله يجمعنا وياكم على المعزة والعلوم الغانمه بعد طاعته ورضاه

**معلومات** **العضو** · 19-05-2008, 07:44 PM

صح لسانك ولسان من قالها

**معلومات** **العضو** · 19-05-2008, 07:54 PM

ذيـــــب الفــــصام .....لا هنت على النقل وصح لسان من قالها يالسنافي
يا مال القوم والله أنها قصه حزيــــــــنه

أخـــــــــــوك:

ابن قرنين

**معلومات** **العضو** · 10-06-2008, 03:09 AM

يابري حالي اشهد انها كلمات ع الجرح

لاهنت اخوي ذيب الفصام ع النقل القصيده
والله يعوضه خير يارب

والبنيه الله يسكنها واسع رحمته يارب

تقبل مروربـ

**معلومات** **العضو** · 10-06-2008, 11:32 AM

الله يخلف علينا بخير ولا الدعوى منبقه

**معلومات** **العضو** · 21-06-2008, 06:34 PM

الله يكون في عونه ويصبره .....

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية