بسم الله الرحمن الرحيم
إخواني الكرام / أعضاء منتدى خطلان الأيدي الرسمي السلام عليكم ورحمة الله وبركاته وبعد : إليكم هذه القصيدة الجميلة في مدح قبائل الجزيرة العربية وقد قيل : أنها للشاعر الكبير / فيصل الرياحي البقمي ويقول فيها :
قبأيـلٍ تسكـن بشـبـه الجـزيـره
جزيـرةٍ تبـهـر عريـضـه كبـيـره
والكـل منهـم لـه منـازل وديـره
من ساحل الأحمر ليـا ساحـل عمـان
منهـم " عتيبـه " نعـم والله عتيـبـه
قبيـلـةٍ بـيـن القبـايـل عريـبـه
أمجادهـم تعـرف ولا هـي غريـبـه
ليا حل طـار المجـد يطـرون عتبـان
ومنهم بني الحارث هل المذهـب الزيـن
كسابة القالـه علـى العسـر والليـن
تاريخهـم معـروف مـا هـم غبييـن
والنعم يإبن الحـارث طيـور حـوران
ومنهم " سبيع " ونعـم بسبيـع دايـم
تاريخهـم يشهـد لهـم فـي القـدايـم
نقـول حـق ولا نـحـب الظـلايـم
يستاهلـون المـدح والنعـم سبعـان
و " غامد " ونعم بغامد أهـل الشكالـه
قيـف شجيـع كامـلات خصـالـه
الطيـب فيهـم والكـرم والبسـالـه
إلاّ وفـي وقـت المحاضيـر شجـعـان
و " قحطان " ساس الأصل نعم القبيلـه
أفعالهـم مـن غيـرهـم مستحيـلـه
بالطيب عـدو كـل عيطـاء طويلـه
والنعـم والله يـا صناديـد قحـطـان
والنعم " بالأشراف " نسـل الصحابـه
الديـن فيهـم والسخـاء واللبـابـه
والعـرف والمعـروف شـدوا ركابـه
والنصح والإرشاد عـن كـل عصيـان
وأولاد وائــل نـعـم والله قبيـلـه
أهـل الفعايـل والعمـوق الأصيـلـه
منهـم ملـوك يكسـبـون النفيـلـه
اسم ( عنزه ) فـي قمـة المجـد عنـوان
و " شمر " ليا عـدت فعـول النحايـا
والنعـم والله يـا رجـال ا لطنـايـا
حمـايـة القـالـه سـهـوم المنـايـا
نقولهـا فـي حقهـم سـر وإعــلان
والنعم " للعجمان " مـا فيـه معـروف
قول وفعل ما تنفـع نقـاط وحـروف
مجـدٍ تعـلا كنـه سهيـل مشيـوف
دليلنـا فـي مدحهـم فعـل راكـان
و " مطير " حمران النواظر هـل الجـود
تاريخهم مـن قبـل واضـح ومعـدود
مجـدٍ مثبـتـة براهـيـن وشـهـود
مـا ينجحـد مجـد وأهاليـه مطـران
ونعمٍ " بحرب " ليا طرا طاري الأمـداح
أهل الموا قف كل مـا صـاح صيـاح
حرابهـم بالنـوم مـا هـوب يرتـاح
من ضيمهم ما يمـرح الليـل سهـران
و " سليم " أهل مجد مسجل بالأسطـار
ذربين أهـل قالـه وبالعـرف شعـار
وأظن هرج الصدق مـا يقبـل إنكـار
أخذ الأدب والعرف من روس سِلمـان
وجمع " الدواسر " ما بهم قـول قايـل
دوسـر جمـل يشتـال كـل الثقايـل
باسمـه تسمـوا والفعـايـل دلايــل
غـدران مـوت مـا تحلـى بغـدران
و " بني تميم " اللـي فخرهـم مقيمـي
ودليلنا قـول ابـن صقيـه ا لتميمـي
يدري بهـم مـن كـان قلبـه فهيمـي
أخبارهـم شاعـت لحضـر وبـدوان
وأيضا " بني خالد " عـذاب العنيـدي
جو من سلالة " خالد بـن الوليـدي "
قـول محقـق مـا نقـول السريـدي
نقرأ ونبحث ليـن نـدري بمـا كـان
و " زهران " جن الحرب يوم الحرايـب
اللـي طعنهـم يـودع ا لـدم رايـب
هبت لهم مـن كـل طيـب هبايـب
والنعـم والله يـا رجاجيـل زهــران
و " عسير " عسرين على كـل طمـاع
سباعٍ تعشي سبـاع الأقـذال بسبـاع
السيـف بيديهـم مخلـد ومـطـواع
ورمـاه ليـا رد النظـر لام نيـشـان
و " شهران " مشهورين والجـد شاهـر
الكـل منهـم فالمهـمـات مـاهـر
طيب ليا عـدوا هـل الطيـب ظاهـر
معـروف مـا يطويـه بعـد ونسيـان
و " بلقرن " قرن المـوت شرابـة الـدم
حرابهـم يسقونـه الصبـر والـسـم
في رؤسهـم شيمـه وعـادات ولـزم
مـا ينحصـي تعريفهـم عبـر قيفـان
وأيضا " بني مالـك " ذكرنـا فخرهـا
الطيب طـوع يدينهـم مـا عسرهـم
ليا ماجت أمواج البحـر مـن بحرهـم
بحر يكـز المـوج مـن غيـر جيـلان
والنعم " بالأحمر " علـى كـل حالـي
فـي كـل صعبـات اللـوازم رجالـي
شوامـخ مـا هـم بجـرف هيـالـي
كسبان يا حايز علـى المـدح كسبـان
و " شمران " ليا شمر عن الساعد الثـوب
حرابهـم يقفـي مذلـل ومـرعـوب
كم كدروا يوم الكدر كـل مشـروب
ياهل الوفاء محد جحـد فعـل شمـران
والنعم " بالأسمـر " ليـا حـل طـاري
شمعـة فخرهـم ماذرتهـا الــذواري
يـروون صفحـات القنـا والشبـاري
ويوردون ا لسيـف لا صـار عطشـان
وصبيان " يام " أهل العمـوق العريقـة
ستـر الظعـن يـوم الاّيـادي طليقـة
ما تختفـي عـن عيـن عاقـل حقيقـة
يام الحرايب يـوم سوقـات الأظعـان
والنعم والله في رجـال " الشـرارت "
الطيب لـه فيهـم مـواري وإمـارات
أهل المراجـل يـوم الأيـام عسـرات
الكل منهـم يجلـب الـروح قربـان
أيضا " بني هاجـر " كفـوف الأسـود
ييثبت لهم فـي كـل عليـاء وجـودي
قول عليـه الفعـل الأبيـض شهـودي
والصـدق قايـد للمعانـي وقبـطـان
ونذكر " بلي " بلواء على كل عاصـي
ليا جاء نهـار فيـه شيـب النواصـي
رجالهـم ينطـح خشـوم الرصاصـي
ليا طار ستر الوجه عن دعـج الأعيـان
وأيضا " جهينه " عـزوة باسهـم بـاس
نطاحة ا لغـاره علـى قـب الأفـراس
أمجادهم من يوم خلقـوا علـى سـاس
بيت جويـد مـا نخلـع فيـه بيبـان
وأيضا " السهول " لهم مواقف وتشجيع
يطـوعـون الـضـد لازام تطـويـع
ويقـال عنهـم انهـم حلـف لسبيـع
ذولا وذولا نعـم وافـيـن الأفـنـان
وأيضا " الظفير " أهل الظفـر والمدايـح
يـوم الثميـدي مثـل وبـل الروايـح
ارجـال مـا فيهـم غمـوز وقدايـح
منهم زبون أهـل المقاصيـر " نومـان "
وسفيان من قبـل النبـوه لهـم بيـت
صحيح لا أز ل بكلامـي ولا أخطيـت
قريت في كتـب التواريـخ وأوحيـت
سفيان سلسلة العريـب ابـن سفيـان
و " طويرق " أهل الشيمـه المستديمـه
وأهل الوفاء وأهـل اليديـن الكريمـه
للجـار عـز وللمـعـادي هزيـمـه
أقولـهـا مـانـي بـراعـي تـلـوان
و " هذيل " أهل غيره ومذهب وجيـره
وميزاتهـم مـن غيـر هـذا كثـيـره
وليا قـدح للحـرب قـادح ذخيـره
تلقـى مقاديـم الرياجيـل هــذلان
و " قريش " مجد قريـش كـل درابـه
قوم الرسول وقـوم بعـض الصحابـه
ومجـد تعـدى الهاشـمـي وشنبـابـه
اللي مـن قلـوب البشـر زال الأدران
و " ثقيف " ما يحتاج نذكـر فخرهـم
ما دام " ابن يوسف " على طول منهـم
يكفيهـم " الحجـاج " مجـد شهرهـم
بالكتب والتاريـخ فـي كـل ديـوان
و " بني رشيد " مـن القبائـل يعـدون
ليا جـت مجـالات المواقـف يبـدون
يبنـون بنيـان الفخـر مـا يهـدون
واللي نقدهم مـا معـه علـم بخصـان
ونذكر " بني مـره " ونعـم آل مـره
للجـار عـز واللمـعـادي مـضـره
واليـوم فـي نعمـه وسـره وقــره
بين الثلاث اللـي خذتهـم بالأحصـان
و " أكلب " هل الطالات وأهل النواميس
إمسيسـن بدوحـة المجـد تسـيـس
كلامنـا مـا بـه مجامـل وتلبـيـس
والقول لاسلـم الغـوى والخطـاء زان
والمعـذره يــا واسعـيـن المعـرفـه
إن غاب عن تفكيري أحـد مـا أعرفـه
للشعـر تصـريـف وللهرج صـرفـه
ولا ينتجـازى الناسـي إلا بغـفـران
منقول مع خالص التحية وأطيب الأمنيات وأنتم سالمون وغانمون والسلام .
19-03-2009, 03:00 PM
قصيدة في مدح قبائل الجزيرة العربية
رد: قصيدة في مدح قبائل الجزيرة العربية
بجميع قبائل الجزيرة العربية
العرض العادي
