قصيدة الشاعر محمد بن مبارك بن محمد الرجباني ............؟؟

**معلومات** **العضو** · 31-12-2009, 11:06 PM

السلام عليكم ورحمة الله وبركاته

هذه قصيدة للشاعر \محمد بن مبارك بن محمد الرجباني
إبن الشاعر الكبير مبارك بن محمد بن مبارك الرجباني

بمناسبة شفاء وعودة سيدي ولي العهد سلطان ابن عبدالعزيز العزيز لأرض الوطن ....

سجـــدت لك يارب شكـــــراًوعرفـــــان ***** على سـلامة ولـي العهــد الأميــن
سجدت شكر على شفى أبوي سلطان ***** وشـكراًعلـى إيـابه لـدار المـحبيـــن
عودة ولــي العهــد سلــطان الإنســان ***** أبـواليتـامى والفـقارى المسـاكيـن
مشــاعر إحســاس الفرح بعد الأحــزان ***** يامـا سهـرعيـن وياما بكــى عيـــن
حبك لشــعبــك سيـــدي خيــر برهــان ***** محبتـــن تملا قلــوب المـــلاييــــن
سلــطان سلــطان المكـارم والإحسـان ***** سلـطان سلـطان خلــيفة سلاطين
عضــــيدعبـــدالله ونايـــف وسلــمــــان ***** ودرع البــلاد اللي تضــم الحرمــين
ابن المــليــك اللـــي بنا صرح الإيمــــان *****وأرسى كيانه فوق سـبع الاراضــين
مـلا ســعى للـــعــز في كـــل ميــــدان *****لا فاد فـي الدنــيا ولا فـاد في الدين
واليــوم في عــهد أبو متـــعب كحيـــلان *****نهـجه على نــهج الملوك المياميــن
رجــل التضــامن والوفـاء مصـلح الشـان *****وتشهد على فعله قضية فلسـطين
فضــايلــه غـــيثا علــى الأرض هتـــــان ***** ويشهد له العالم بعـــدل المــوازين
أنــتــم لنــا ذخـراً بصــكات الأزمــــــــان ***** يرفع بكم ظلم ويقضــــا بكـــم دين
ياسيـدي سلطــان وجــه الدهــر شـــان ***** وأنت الذي ننصاك بالعسر والـــلين
حـاولـة أخفـي حاجتــي قـدر الإمــكــان ***** لكن هـــمومي زادة الصاع صاعين
بيــــني وبــين أبــوي قــفــلاً وســجـــان***** وأنتم مـــلاذي بعد رب المصليـــــن
فـــزعتــك فــرصــه ماتقــدر بالأثــمــــان ***** والعفو عنــد المـقدرة يااحمر العين
وصــــلاة ربــــي عـــــــد ماكــاينــاً كــان ***** علـى نبـي قــــدوة للمسلــميـــن

أرجو عدم النقل

حرر في تاريخ 14|1|1431هـ

**معلومات** **العضو** · 01-01-2010, 03:05 PM

معقووووووووووووووووله 14 مشاهده
ولا رد على الموضوع لوشكرا

ماراح ينقص من رصيدك شي حتى لو ماعجبتك قول ماراح نزعل

**معلومات** **العضو** · 01-01-2010, 04:31 PM

صح لسان الشاعر/محمد بن مبارك بن محمد الرجباني
ولاهنتي على النقل يا ابعاد
خالص الاحترام والتقدير

**معلومات** **العضو** · 01-01-2010, 04:36 PM

لاهنت ياابعاد على نقل القصيدة وصح الله لسان الشاعر/محمد بن مبارك الرجباني على قصيدته الجزلة

أرق التحايا

**معلومات** **العضو** · 01-01-2010, 07:28 PM

بيض الله وجهك ياابعاد وصح السان الرجباني

لاتحرمينا من جديدك

تقبلي تحياتي وتقديري

**معلومات** **العضو** · 05-01-2010, 01:42 AM

صح لسان الشاعر محمد بن مبارك الرجباني

على القصيده الرائعه

**معلومات** **العضو** · 07-01-2010, 12:03 PM

صح لسان الشاعر مجمد بن مبارك ومشكورة اختي على نقل القصيدة

**معلومات** **العضو** · 07-01-2010, 12:54 PM

صح لسان الشاعر محمد بن مبارك الرجباني

على القصيده الرائعه

**معلومات** **العضو** · 08-01-2010, 03:06 AM

صح آللــسآنه قــصيدة جـــزله gيستآهــل ســيدي ســـلـطآن

بس آلــشآعــر من هو منه من آلـــرجــــبآن

تقبلي طلـتي

**معلومات** **العضو** · 10-01-2010, 11:40 PM

مشكورين على الردود اللي طيب الخاطر

والشاعر من فخذ آل عريج من آل حميد

**معلومات** **العضو** · 17-01-2010, 08:27 PM

صح لسان الشااعر

وصح لسانك

ولاهنت على النقل وبيض الله وجهك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية