محاورة محمد بن فالح المسعري&سلطان حسين المسعري

[معلومات العضو دندون]

اخواني اسعد الله اوقاتكم حبيت
انزل لكم هذه المحاوره بين الشاعرين محمد بن فالح والشاعر سلطان المسعري


محمـــد
سلام ياسلطان واخذ المواويل
في ليلة نرفع بها الراس عالي
نبغي ردودك ياضريف الرجاجيل
يومك من الي يكسبون المعالي

سلطان
يامرحبا ترحيبه البدو بسهيل
ترحيبه الغالي ليا جاه غالي
الهند لو تنطح فريق البرازيل
ويش النتيجة ياكريم السبالي

محمد
ياصاحبي كل يجي له محاصيل
الله يطيب نوض حالك وحالي
ترى الجبل ضلعه يجيله مداخيل
والعادله ماتستوي والميالي

سلطان
ياصاحبي لا تسمع القال والقيل
دام الرجال يقدرون الرجالي
وليا وردت النيل فعرف ترا النيل
اطيب من العد القراح الزلالي

محمد
من عاش بدنيا يذوق الغرابيل
لابد ماتصفق يمين(ن) شمالي
الحيل لولا قوته ماطلع حيل
ولا ضهر شي رخيص وغالي

سلطان
الخير بوجيه الليال المقابيل
ماهيب تشبه ماضيات الليالي
وانت الكريم الي بديت المواصيل
يكفي اتصالك صار قبل اتصالي

 

 

 

 

[معلومات العضو راشد المسعري]

صح لسانك يادندون ولسان الشاعرين محمد بن فالح وسلطان بن حسين

لاهنت وتقبل ودي وتقديري ،،،،

 

 

 

 

[معلومات العضو خالد المشاويه]

الله الله صح السنتهم

ولاهنت وسلمت يداك اخوي دندون

جزيل الشكر والتقدير

 

 

 

 

[معلومات العضو شافي بن راشد النتيفات]

صح لسانك ولسان الشعراء محمد وسلطان ولاهنت على النقل

 

 

 

 

[معلومات العضو دندون]

لاهنتو كلكم وبيض الله وجيهكم
ماقصرت اخوي المسعري والنتيفي والمشوي مشكورين على التفاعل الجيد

 

 

 

 

[معلومات العضو فهد المقابله]

صح لسانك يادندون ولسان الشاعرين محمد و سلطان


ولاهنت على النقل