هرج القفا

[معلومات العضو راشد المسعري]

قصيدة من أرشيف الشاعر نايف بن مسرع


البارحـة مانمـت ليلـي تعاجيـب
عفت المنام إن كان غيري هنابه

تكدرت لـي صافيـات المشاريـب
وقلبي شكا جرح(ن) جديد صطابـه

كانت جروح القلب تعيـي التطابيـب
واليوم زاد الجـرح ظلـم القرابـة

هرج القفا يـا كاسبيـن المواجيـب
عيب(ن) على اللي في اللقاء يعتزابه

يا ربعنا ياهل الوفا منقـع الطيـب
مهوب حق السيف يجـرح انصابـه

يا شينها لاجـات بيـن الاصاحيـب
ولا العدو ما قـد حسبنـا حسابـه

من ماضي الازمان نرقى لصاعيـب
ومنزالنـا بالعـز عالـي هضابـه

نحرص على الطالات ما نقرب العيب
وميقافنا في الحـرب كلـن حكابـه

وما ننتظر في حاضر الوقت تجريب
ناخذ من الماضين فعل(ن) امشابـه

فينا الولد يمدح إلين أبيض الشيـب
يظهـر بوجهـه لاتقافـا شبـابـه

ولامـن تغربنـا حـداد المخاليـب
ما نرتضي بالهون واللـي سعابـه

وخوينـا مـا يلحقونـه عذاريـب
يفخـر بخوتنـا ويمـدح جنـابـه

ويفرح بنا اللي حاديتـه الكواليـب
نفـك قيـده ويتهـنـى شـرابـه

وما نلتفت لاهل الحكي والشواذيـب
نرقا سنـود وضدنـا فـي عذابـه

يابنـت ياللـي فارقـه فالرعابيـب
يابنت منهو في اللقـا يندعـا بـه

اللي على ظهور النضا كنـه الذيـب
يحـوف عدوانـه بيـوم الحرابـه

كبـي ردي الجـد ضخـم التلابيـب
اللي حصيله فـي المراجـل ترابـه

اللي يجنـب درب الاجـواد تجنيـب
ويبني على دروب الرخامة اطنابـه

وعليك باللي ذكرهم فيـه تطريـب
ربع(ن) على كسب المعالي تشابـه

إللي إيـلا دارت عسيـر الدواليـب
ما منهم إللي في القسا صـك بابـه

قلته وانا أونس في فوادي لواهيـب
من هاجس(ن) بين بقلبـي صوابـه

وختامها... ياحيف ياهل المواجيـب
هرج القفا نقص(ن) على من حكابه

 

 

 

 

[معلومات العضو سالم الخضراني]

صح الله لسسسسان الشاعر نايف بن مسرع الدوسري

وبيض الله وجهك يا بو محسسن على النقل قصيده مميزه ولاهنت تقبل تحياتي

 

 

 

 

[معلومات العضو شافي بن راشد النتيفات]

يا ربعنا ياهل الوفا منقـع الطيـب
مهوب حق السيف يجـرح انصابـه

يا شينها لاجـات بيـن الاصاحيـب
ولا العدو ما قـد حسبنـا حسابـه


هذا الشعر والا بلاش ما اقول االا صح لسان ابوعبدالعزيز
ولاهنت يابومحسن على النقل

 

 

 

 

[معلومات العضو عبدالرحمن بن فلاح آل بريك]

يا شينها لاجـات بيـن الاصاحيـب ولا العدو ما قـد حسبنـا حسابـه من ماضي الازمان نرقى لصاعيـب ومنزالنـا بالعـز عالـي هضابـه صح لسان أبو عبدالعزيز أطربتني هذه القصيده كثيراً . لا هنت أبو محسن على النقل المميز ..

 

 

 

 

[معلومات العضو فهد الغريري]

اررررررحب تراحيب المطر يابومحسن الاخ العزيز الغالي راشد بن محسن المسعري قصيده تعالج بعض الامور التي يقع فيها خدوش العرب والمشكله انك تجد من الناس من يسمع للخدوش! وهذي القصيده تذكرني بقصيده ابن عباد الي يقول: زبـدة الخـافـي تبـيّـن لـيـا خــض السـقـا والصدور اللي بها شر يفضحها الكحيح وصح الله السانك المبدع المتألق دائماً نايف بن مسرع ومني لك التقدير والاحترام

 

 

 

 

[معلومات العضو منيس الشمري]

صح السانك صح كلك

 

 

 

 

[معلومات العضو غازي المسعري]

صح لسان أبو عبدالعزيز أطربتني هذه القصيده كثيراً . لا هنت أبو محسن على النقل المميز ..

 

 

 

 

[معلومات العضو محمد راشد النتيفات]

صح السان الشاعر :نايف بن مسرع على القصيدة الرائعة

ولاهنـــــــــــــــــت ياخوي راشد على النقل

 

 

 

 

[معلومات العضو راشد المسعري]

المشاركة الأصلية كتبت بواسطة سالم الخضراني

صح الله لسسسسان الشاعر نايف بن مسرع الدوسري

وبيض الله وجهك يا بو محسسن على النقل قصيده مميزه ولاهنت تقبل تحياتي

صح بدنك يابو شافي لاهنت على تواجدك ياسالم تقبل ودي وتقديري ،،،،

 

 

 

 

[معلومات العضو سالم صمهود]

صح الله لسان الشاعر ابن مسرع والله لايهينك على النقل الطيب

 

 

 

 

[معلومات العضو راشد المسعري]

المشاركة الأصلية كتبت بواسطة سالم الخضراني

صح الله لسسسسان الشاعر نايف بن مسرع الدوسري

وبيض الله وجهك يا بو محسسن على النقل قصيده مميزه ولاهنت تقبل تحياتي

ارحب يابو شافي

صح بدنك ولاهنت على مرورك

تقبل ودي وتقديري ،،،

 

 

 

 

[معلومات العضو راشد المسعري]

المشاركة الأصلية كتبت بواسطة شافي بن راشد النتيفات

يا ربعنا ياهل الوفا منقـع الطيـب
مهوب حق السيف يجـرح انصابـه

يا شينها لاجـات بيـن الاصاحيـب
ولا العدو ما قـد حسبنـا حسابـه


هذا الشعر والا بلاش ما اقول االا صح لسان ابوعبدالعزيز
ولاهنت يابومحسن على النقل

ارحب يابو شالح

صح بدنك نيابة عن ابو معزي

ولك ودي وتقديري ،،،

 

 

 

 

[معلومات العضو سالم صمهود]

صح الله لسان الشاعر ولاهان الناقل

 

 

 

 

[معلومات العضو مبارك بن شافي النتيفات]

صح لسانك ولسان ابو عبدالعزيز على هذه الراااائعة

تقبل مروري طال عمرك