مسمووح ومبــاح

[معلومات العضو عــنفــوان]

قصيدة لـ شاعرنا مطحس بن حمد بن عرار

يامل قلبن لادله واقفت همومه واستراح
دكت هواجيسه وهبت نودها عقب الركود
لاطق راع البل لبيده ثم شعاها بالصياح
وتلفتت برقابها للصوت سمحات الخدود
سوات قلبي لاسجع ورق المفالي بالنياح
لولا الحنايا زاع مثل الي علا الجول امهدود
لو ان له مثل الطيور الي لها ريش وجناح
عطيتناه الضوء الاخضر للمغادر والصعود
ماهو لجل حب مضى ولا لشي عنه راح
ماراح راح وجعله اليا راح يقفي مايعود
ابيه لامن ضاق جوله يشمله مني سماح
مايمنعه لامن بغى المنهاج قيد ولاحدود
صابر علا شاني وصبره ذوقه سمن ذحاح
وانا لعينه باذلن كل الوسائل والجهود
لكن عيا لايحالف خبرة الشاطر نجاح
وعندي يقين ان الليال المقبله ماهيب سود
مير افضل انه يفارق الضيقات ويخاو الرياح
فوق المزون الي سرا البراق فيها والرعود
وتراه مني لين يوم الدين مسموح ومباح
ابذكره بالخير واحفضله مواثيق العهوود ..
سواالم

 

 

 

 

[معلومات العضو راشد المسعري]

الله الله

صح لسان الشاعر مطحس بن حمد بن عرار

شاعر جزل وبعيد عن الإعلام ولا أدري ما السبب ؟

لاهنت عنفوان ،،،،

 

 

 

 

[معلومات العضو عــنفــوان]

مــن قـــال مايـــهـــان

 

 

 

 

[معلومات العضو مبارك بن شافي النتيفات]

صح لسان الشاعر مطحس بن حمد بن عرار

ولاهنت على النقل

 

 

 

 

[معلومات العضو شافي بن راشد النتيفات]

بيض الله وجهك على الطرح الرائع والمميز دائما اشكرك جزيل الشكر تحيااااااااااااتي

 

 

 

 

[معلومات العضو محمد بن حمد الشكرة]

صح لسان الشاعر مطحس بن حمد بن عرار ولاهنت على النقل

 

 

 

 

[معلومات العضو برقن سرى]

لكن عيا لايحالف خبرة الشاطر نجاح

وعندي يقين ان الليال المقبله ماهيب سود

مير افضل انه يفارق الضيقات ويخاو الرياح

فوق المزون الي سرا البراق فيها والرعود

وتراه مني لين يوم الدين مسموح ومباح

ابذكره بالخير واحفضله مواثيق العهوود ..

لاهنت اخوي عنفوان والله يصح لسانه اول علم لي ب القصيدة