الواقع المرير

[معلومات العضو شافي بن راشد النتيفات]

جديدي ابيات متواضعه اتمنى ان تحوز على رضاكم

احتار فكري من الدنيا وتاليها
اسير فيها وكني عايش بغربه
خلال وقت وجيز اختل مافيها
تغير الوضع من شرقه لياغربه
الناس معاد تعرف وش مغازيها
كل على وجهته ومضيع دربه
اشوف ناس بها الدنيا هقاويها
كل حريبه قريبه مايبي قربه
واشوف ناس عسى ربي يجازيها
اللي لربعه يجهز دايما حربه
واشوف ناس حسدها قصر يديها
ماوده انك تذوق من الرخا شربه
وبه ناس درب البلايس ماتخليها
اول مايطري عليه السر يشهربه
واشوف ناس نست حتى عزاويها
حب الحضارة طغى كل تغيربه
واشوف ناس تعبد وجيه ناسيها
جحاد معروف ماتقدر تغامربه
ما اقول كل البشر ضاعت مباديها
الاصل يلحق وكل عارف دربه

شافي بن راشد النتيفات

 

 

 

 

[معلومات العضو راشد المسعري]

الله الله عليك يابو شالح
قصيدة في الصميم وواقعية مية في المية
وكأنك تشرح أغلب أحوال الناس اليوم ونواياهم مع أن الله أعلم بالنوايا
صح لسانك وسلمت يابو شالح على هذه الجزالة
ونسأل الله أن يوفقنا وإياك لما يحبه الله ويرضاه ،،،

 

 

 

 

[معلومات العضو ابومبخوت الدوسري]

صح السانك يابوشالح
مبدع كعادتك ,,

 

 

 

 

[معلومات العضو ابو حسين الدوسري]

صح السانك يبو شالح واعتلى شانك
كما عودتنا الابدااع عنوانك
خالص الشكر والتقدير