انا وين ابلقى اللي بحطه على يمناي

[معلومات العضو برقن سرى]

من كلمات الشاعر القدير محمد بن عباد السلولي انا وين وابا لقا اللي باحطه على يمناي =خوي تشوقه المطاريش والخوه نزيه المسار اللي على رغبتي ومناي =زمام المراجل قاضبه طبع وربوه لا هاض المجال وزعزعوا للسفر طراي =يسوقه على مشي الخلا شوق وجروه ليا قلت له يا طيب الفال ويش الراي =مع القار والا مع خلا خالي جوه ترا ما معك معواد دون السبوع الجاي =تجهز وشغلك قبل وقت السفر سوه يقول المشاغل علتي والمسير دواي =ابشر على خوة هل العرف وانوه هذا اللي ليا منه حصل طاب لي مسراي =اعرف الدروب ولي بها عهد وضروه لا ناحرت مبدا الجدي وسهيل من وراي =ظلام الدجى لمعرب الخال ما توه ابنصا وليف حدني لين جبت اقصاي =تربع على عرش الضمير وشعم ضوه وليف نواني بالقطيعه وقص رشاي =عزم بالمفارق واختلف نوي ونوه ادوج بعد فرقاه وامشي بليا راي =واوقف على المدهال وادوج وابوه واعدي على روس المبادي واجر عواي =وامد النضر مع صحصح خالي دوه يروى خياله كلما جيت في مبداي =ولا حولت ما القى لا خياله ولا هوه وعودت اصفق كف يمناي في يسراي =ولا عاد لي حيل ولا عاد لي قوه وساد القلق وضعي وعم الظلام اجواي =وجا للسهر في خاطري ود وعنوه عسى البارق اللي في غزير المطر سراي =يحول على دار رحل صوبها نوه وليف ملك قلبي وحسي وكل اعضاي =وفي القلب عن غيره من العالم سلوه اشوف العرب في الزين والطبع منه وجاي =وفي زينه وطبعه على غيره علوه وراعي مضاليل ليا سلهمت باغضاي =اطمن نضر عيني سحا منه ومروه لا منه نضرني نضرة الواثق الرماي =لزوم اغوى لو هرجتي ما بها غوه اعيش بوجوده مستوى العالم الهاي هاي =ولا غاب عني جمع الوقت لي سوه واخفي دموعي ما بي احد يشوف ابكاي =واجامل عن انضار الشماميت واموه اجامل على الانضار واصبر على بلواي =مقاريد خلق الله على الطيب تفوه قدام العرب كنه من اقصى العرب واعداي =واكن الغلا والشوق في القلب من جوه سق الله زماني يوم خلي على مشهاي =ليالي تقافت كلها عطف وحنوه ليالي الغلا والجانب الدمث واللباي =على اول مبادي حبنا توي وتوه وذا للحين يا مشكاه لله ويا مشكاي =يا صعب المواجه والرجا فيه يا شوه

 

 

 

 

[معلومات العضو شافي بن راشد النتيفات]

تسلم يمينك على النقل الرائع

تحيااااااتي لك

 

 

 

 

[معلومات العضو مبارك بن شافي النتيفات]

ياسلام عليك وعلى انتقائك الراائع

سلمت يمينك والله لايهينك

بانتضار جديدك

 

 

 

 

[معلومات العضو برقن سرى]

اخواااني

شافي بن راشد النتيفاات

مبارك بن شافي النتيفاات

من قال مايهوون

شرفتووا بمرووركم

تقبلووا ودي وتقديييري

 

 

 

 

[معلومات العضو جزل الفرايد]

الله الله
قصيدة جزله تستحق الوقوف والتأمل

 

 

 

 

[معلومات العضو برقن سرى]

المشاركة الأصلية كتبت بواسطة جزل الفرايد

الله الله
قصيدة جزله تستحق الوقوف والتأمل

جزل الفرايد

مرحبابك والشهر عليك مبروووك