الموت واحد

[معلومات العضو سعيد ال سعد]

بسم الله الرحمن الرحيم

أعزائي الأحبة السلام عليكم
تحيه معطره بالورود الورود والرياحين
وبعد اسمحولي أعطيكم السالفه وقصيدتها
امل ان تحوز على رضاكم والمعذرة على الاطاله



هذاه الأبيات قلتها بعد استلام الملك عبدالله بن عبدالعزيز
مقاليد الحكم بالمملكة العربيه السعوديه وكلكم تعرفون حماس
عبدالله في جميع قضايا العرب والمسلمين وبالأخص قضية
القدس وقد صرح في احد المناسبات بقوله









اما تستعيد حقوقنا ونعيش كما
يعيشون غيرنا من الامم او نموت أحرار اونقبل
بحياة الذل والعار والهوان




وفي غمار تلك الأيام قرأت تعليق احد الجبنه العرب يقول اذا كان هناك من يحاول
جر العرب الى هزيمه ثالثه مع الكيان الصهيوني ف هو المسؤول ويتحمل اي نتايج
خلاف ذالك لسنا في وضعٍ يمنحنا التفوق على سرائيل لا من ناحية التسليح العسكري
والا الدعم الدولي المهم ان الامور تلاشت من عبدالله وغيره وكان الخيار الثالث هو ما آلت
اليه الامور وفي احد المجالس سمعت احد الجليسه يقول لاوالله الا رحنا فيها مادرى ان ماعنده الا العافية !!


وفي المجلس شايب قال يارجال حتى لو اندلعت حرب وتمت ابادتنا يبكيها القضيبي وبن جبر انا أعجبني المثل بس ماعرف معناه قلت اسأل الشايب قال هذا مثل قديم يقال حينما يهدد الشخص بالموت وهو حاله مثل حالي لاعيال والا مال ومهما يعيش من عمر حياته فقر في فقر ماعنده مشكله بمواجهة الموت فلا يخاف من الموت الا من لديه أموال مثل القصيبي وبن جبر وهم من تجار العرب في ذالك العصر



قلت






يقولـون ريــح الـحـرب هـبـت عـلـى الابــواب‏
وانا اقـول يبكيـهـا القصيـبـي وابــن جـبـر

تـــرا الـمــوت واحـــد لا مـــلاذولا مـجـنــاب
‏حـيــاة الـبـشــر يتبـعـ لها الــمــوت والـقـبــر

يـمــوت الـمــلا بـاسباب ولابـــدون اسـبــاب‏
بـربـيــع الـعـمــر ولا ورا الـشـيــب والـكـبــر

ولا يستـوي مـن حـط ذكـره عـلـى مـرقـاب‏
مـعـى الـلـي رحـــل لا مـنــه عـلــمٍ ولا خـبــر

تـرا المـوت يسـوى عيشـة الخـايـف المـرتـاب‏
جـمـيــع الـيـالــي ســــود وايـامـهــا غــبـــر

تشـوف العـرب فيهـا يموتـون مــوت كــلاب‏
وعـزانـا بضـبـط النـفـس والحـلـم والـصـبـر

ولا صيـب منـهـم واحــد جـهـزواالاســراب‏
وصواريخـهـم تـظـرب مــن العـبـر لا العـبـر

قبـلـنـا الكـفـيـل وضـئع الـحــق والــطــلاب‏
مـواعـيــد واعـلـومــآ عــفــا ديـمـهــا ســبـــر

وش اللي جنينا كود ضحك على الاشناب‏
قـضـت الاربعـيـن الـعـام والكـسـر مـاجـبـر

هجوم علـى الاسـلام حـرب علـى الارهـاب‏
وبـــــروق تــلـــوح بـغـيـمــة نـــوهـــا زبــــــر

لكن وش عليكم ياهل لمـظـهــرآ الجــــذاب‏
عـلـيـكم ثـيـابــآ بــيــض وبـشـوتـكم وبـــــر

ياعـبـدالله ابــن سـعـود يـامـجـري الـهـيـاب‏
زبـــون الـدخـيـل ووافـــي الـبــاع والـشـبـر

تــــــرا غــيــركــم غـدارومـنــافــق وكــــــذاب‏
تـمــوت الـقـلـوب الـســود ووجـيـهـهـا غــبــر

 

 

 

 

[معلومات العضو مبارك بن شافي النتيفات]

ياسلام ياسلام

صح لسانك واعتلى شانك على هذه الدرر

تقبل مروري المتواضع

 

 

 

 

[معلومات العضو راشد المسعري]

تشـوف العـرب فيهـا يموتـون مــوت كــلاب‏
وعـزانـا بضـبـط النـفـس والحـلـم والـصـبـر

ولا صيـب منـهـم واحــد جـهـزواالاســراب‏
وصواريخـهـم تـظـرب مــن العـبـر لا العـبـر



الله الله ياسعيد

صح لسانك ولافض فوك يالشاعر
ابدعت في هذه الابيات الجزلة في كل بيت منها
ونسأل الله أن يوحد صفنا ويكفينا شر الأشرار واليهود الفجار
ويعز الإسلام وقيمة المسلمين التي تدانت في هذا العصر
تقبل ودي وتقديري ،،،

 

 

 

 

[معلومات العضو سعيد ال سعد]

راشد المسعري تسلم ياغالي
أمين الله يعدل الامور لامافيه الخير والخئره للمسلمين
أجمعين مشكور على المرور والكلام الطيب والاهنت
ياغالي

 

 

 

 

[معلومات العضو بدو]

صح لسانك قصيده مؤثرة وهادفة

 

 

 

 

[معلومات العضو موسى ابومشهور]

روووعه وجزاله وابداع وتمكن لافض فوك شاعرنا