قصيده بعنوان ((((يا علي)))))

[معلومات العضو ظافر الأمير]

ياعلي تنشد عن الحال حالي لك عليه=الظروف القاسية طاولتني كلها
صابني ظلم الهوى يا علي وانا سفيه=وكبرت أحلامي وماتت قَبِل لَّـ صلّها
وكل ما منيت نفسي بشي تشتهييه =حال شي يخلف اظنونها ويعلّها
وحظي اللي كم خذلني ولا عاد احتريه=من رداته تنقتل فرحتي في حلها
وكل ما شفت البشر تخلف العقل النبيه=قمت افتّل في حبال الفكر وافلها
الله أكبر كم قريبٍ يخيب الظن فيه=وكم بعيد لَّـ رتكى للحمول اِيشلها
وكم رفيقٍ قبل ينفع رفيقه وِيْحَميه=قام يسحل في سيوف الغدر ويسلها
وكم صديقٍ لو يعده صديقه من ذويه=بار واتنكر وذيك الصداقه ملّها
وكم كريمٍ يبغي الجود والفقر ايحديه=وكم بخيلٍ مغتني والجمايل زلَّها
وكم رشيدٍ وكَّل امره وماله للسفيه=والسفيه اش عرَّفه كثرها من قلها
يا علي خذ زبدة الهرج والرآي الوجيه=كلمة بقولها يا علي وافطن لّها
كان ذا الدنيا حدتنا على اللي ما نبيه=علّها ما زاد يصفى كدرها علّها
ولا قضى الله حاجة عند سودان الوجيه=اللي لا ذرَّا ذراها ولَـ تْقَى ظلها

تحياتي للجميع

 

 

 

 

[معلومات العضو موسى ابومشهور]

الله الله ابداع غير مسبوق لافض فوك
وصح لسانك