قصيده بمناسبة صلح- د.بتال عبيد الدوسري

[معلومات العضو محبكم الدوسري]

بِسم الله الرحمن الرحيم بِديت باسِمـه مِنشي الغيــم هَمّـــالْ عَلــى الصّـــفىَ لامن تَحَـدّر رَويّــهْ رَبٍ رُحــومٍ عَالــِم النَفسْ والــحَالْ موكّلـــين الأمـــر جـِــزل العَــطيّـــه فِيه الرجَا يِجمع عَلى شَمله رجالْ كِلّ بطيبــــه زَاد عَـن طِيــبْ خَــيّـه أهلْ الكَــرم والجُود ذَربيــن الأفعَالْ جـــدّانُــهمْ ماقـــِد سَـــعوا بالرِديـِـّـه وابوانُهــم في فِعلهم ضَرب الأمثالْ الطِـــيب فِيــــهم مانقصْ عَن سميّه حَنابجـــةْ عِــزٍ بهُم شَمسيْ ظــــلالْ والليِ بَلــيّا رَبــــع حَـاله شِـــقــــيّه يَدخلْ على الله ثُم على الربعْ بَـتالْ ويقول يَاخـــوانِي ويـاهـلْ الحَـميّـه نبعْــد عَن اللـي يَكســرالعُود لاطَالْ ونجَّنــبْ الواشِــي رِدي السِـــجيّـه وكـــلِ يِحــط بمقـلة العين منــــزالْ لخـوه مَنصـــى لابَغـى هِـي حَــويّه ونــداري الخطّــر ولانِشغل الـــَـبالْ في الليِ مضَــى وكلٍ يِشادي خَويّه نسامِح المُخطـي ونَدرىَ مِن الجَالْ عَـــنْ عَثــرةٍ تِرّثْ عَلـــــينَــا أذيـّـه شورالمِثل نَمشي مَع الدَربْ لوطال ولنـــَا على دَرب الوفــَاء مَـقــدريِّه نَمشي عَلى الليِ وَاطيه قَبلنا أجيالْ رَاحَـــوا وكِــلٍ رَاح عِقـــبه مِـديّــــِه ومَاتتْ نِخيلْ وبَعضَها جِــذعَها مَالْ وطَاحــت قُصُورٍ عقبَهــا في عَشيّه العــزّ في الجَمعـا وفِي غِيرها اذلال وحـِـــنا مَعــَزتـنا بِبــعـــضٍ قـويـّــه ماتـــرّث الفَـــرقا بِشِــيبان وعِـــيال كُــود المَــــهَــانه حِيــثْ كلٍ بِـحــيّه حــنا بذا الدْنـــيا بـحــلٍ وتِرحــَــــال ولابــدْ مايــــومٍ تُـــــزور الـمِنـــيّــه فالرَابــحْ اللـــيِ يَفعَل الخَير ويقــالْ تَجـــعَـــل عِظــامَه فِي جِنـانٍ عَليـّـه يازِيــنْ جَمعَـــتنا عَلـى طِيبْ ودلالْ ياللِه عَــســى المَاضــيْ يُولي بغَــيّه ذا قُــولْ مِنـهو يَرجِــي الخِير لاقـالْ أبيــاتْ فــي عِيد اللّحـــمْ والضــّحِيه وصَـــلاة رَبــي عَـدّ مـــاواديٍ سَــال واعِــدادْ ماسَــارتْ وحُـوش البَريــّه علَــى النّــبي واعْــداد مادَار فِنــجَال اللــيْ يجِــازي بالسّـــماح الخَــطِيـّه د.بتال بن عبيد الدوسري

 

 

 

 

[معلومات العضو سيف2013]

بيوت جميله

مشكور محبكم

 

 

 

 

[معلومات العضو راشد المسعري]

يَدخلْ على الله ثُم على الربعْ بَـتالْ
ويقول يَاخـــوانِي ويـاهـلْ الحَـميّـه

نبعْــد عَن اللـي يَكســرالعُود لاطَال
ونجَّنــبْ الواشِــي رِدي السِـــجيّـه

وكـــلِ يِحــط بمقـلة العين منــــزالْ
لخـوه مَنصـــى لابَغـى هِـي حَــويّه

ونــداري الخطّــر ولانِشغل الـــَـبالْ
في الليِ مضَــى وكلٍ يِشادي خَويّه


الله الله
صح لسانك وسلمت يالجزل
قصيدة وافية وبها من النصح الكثير وخاصة أنها من القلب للقلب ومن القريب لأقربائه
تذكرت في هذه القصيدة قول الشاعر:

تأبى العصي إذا اجتمعن تكسرا
وإذا تفرقن تكسرت آحادا

ويقول الشاعر أيضاً:

أخاك أخاك إن من لا أخا له
كمن داخل الهيجا بدون سلاح


باختصار يابو محمد:
بيض الله وجهك ملايين والله لا يحرمك لم شمل واجتماع اقاربك
تقبل ودي وتقديري ،،،

 

 

 

 

[معلومات العضو عبدالرحمن بن فلاح آل بريك]

قصيدة جزلة صح الله لسانك يا أبو محمد .. لا عدمنا تواجدك الجميل ...

 

 

 

 

[معلومات العضو موسى ابومشهور]

راقت لي تلك الدرة لافض فوك شاعرنا