وين العرب وين الغيارا هل الدين
-----------------------------
يالله. تنصــر شــعـبنـا في فـلسـطيـن = قــولو معي امين يا شـعب الاسلام
اصـبح. ضـحيه. لليهـود. الملاعـيـن = ظلـم. وقهـر يتلاه تـشريد. واعـدام
اللي عـليهـم صار تــدمـع لـه.العـيـن = مصـايـبً. مــا تـنـتـعــدد بالارقــام
ظـلـم وقـهـر واحـباط يبـرالـه. البيـن = والحـزن بالاعـماق واوجاع وآلام
ويـن العـرب وين الغـيارا هـل الديـن = غـزه. شـكت كثرالارامل. والايتـام
غــزه تـنـادي للعـرب والمسـلميـن = تنخا تبي فزعـة هل الشرق والشـام
اللي .قـريب وجــار واللي بعـيديـن = صرخـة ألـم لشعـوب يعـرب وحكام
مامن عــذر يجـدي.ولا قـول.بعدين = الشـجب والتنـديد مـا لـد الاخـصـام
الصبر. فــاق. اليوم. كل.القــوانيــن = يكـفي تغـاضي. .ياعـريبين الاقـوام
ذا يومكـم. يا احـفاد هـاك. الميامـين = امجـادكـم لا زال. تذكـرهـا الاعـوام
ياحـفـاد سـيف الله وابطــال حـطـين = وابـو عـبيـده رمـز. الابطـال مقــدام
يا خلفـة الفاروق. عدو.الشـياطين = وصلاح. زيــزومً عـلى الظـلـم مانام
عيدو لهـا امجـاد.هـاك السلاطــين = قـومة رجـل واحـد بـهـا ترفـع. الهام
اليا متى وانتـم عـلى الظلم. غافين = يكـفـي تـرا. مــا رجـع الحـق. نــوام
سـبعين.عـام ً تحت. حكم الخبيثين = وش ننتظـر. يـا أمـة الضاد. ياسـلام
محمد بن سوعان الربيّع
14-10-2023, 12:24 PM
وين العرب وين الغيارا هل الدين
العرض العادي
المواضيع المتشابهه
