بعض القاب وعزاوي الدواســــــر((شارك بما تعرف))

[معلومات العضو ابن حبشان]

بيض الله وجيهكم والله ونعم فيكم.
عز الله كفيتوا ووفيتوا.وهذي العلوم اللي ترفع الراس.
اخوكم:
محمد الحبشان

 

 

 

 

[معلومات العضو آل جبيـل]

لاخلى ولاعدم يالكواسر لاخلي ولاعدم ولاهنتم يعيال العم

ومن ناحية اخرى كل مايخص الدواسر يخصنا فنحن ابناء عمومه ولو كل واحد فعل فعله تثني عليه العرب وقال الفعل هذا بس لي ولمن وقف معي لما زاد ارتفاع الناس واشعارهم
ومشكورين ياعيال العم وعلى ذكر ذباحةالحايل لطامة العايل النخوه هذي لعتيبه او لعنزه وهي لاتخص الدواسر بشئ

 

 

 

 

[معلومات العضو العماني]

لاهنتوا جميع على تفاعلكم مع الموضوع

ونرجوا من الأخوة تزويدنا بالقاب ونخوات باقي فخايذ الدواسر كلن بما يعرف سواء الفخايذ او فرسان وشيوخ

تقبلوا تحياتي،،

 

 

 

 

[معلومات العضو ابن غياث]

بارك الله فيكم

 

 

 

 

[معلومات العضو محمد الصخابره]

الاخ تركي الودعاني
شكرا لك وشكرا لجميع الاعضاء على هذا الطرح الرائع

وان كنتم تريدون بعض المشاركات النادره عن قبيلة الدواسر فابشرو بذلك على ان تحفظ حقوقي الادبيه


هذ ولكم جزيل شكري وامتناني

 

 

 

 

[معلومات العضو العماني]

حياك الله اخوي محمد واكيد حقوقك الأدبية محفوظة بس اكتب كاتبه محمد الصخيبري

تقبل تحياتي،،

 

 

 

 

[معلومات العضو ابن محمد الودعاني]

بيض الله وجهك ياتركي على مجهودك النادر والكبير الله لايهينك يابن العم

وبيض الله وجه العماني على اضافته اللي ترفع الراس انا اشهد انه عوايده وضاري بالطيب

لاهنتوا ياسلايل الرجال اللي خذت سلوم جدودها

 

 

 

 

[معلومات العضو ابوشجاع]

لاهنت ياتركي الودعاني ولاهانوا من شارك بالموضوع
وعندي تعقيب على العماني (مقيدة الجمل بالحديد) هذي معروفه انها للرجبان
ولابه مانع لو يفعلونها الدواسر في معركة الرضيمه فعلهم وفعل بني عمهم واحد
وعلى حسب ماسمعت ان الشيخ ابن وثيله معهم وهو من الرجبان في معركة الرضيمه
والتعقيب الثاني( مزبنة المجرم) للغييثات يستاهلون مافيها كلام لكن الدواسر معروفه كلها بمزبنة المجرم او الدخيل اوالزبين ويحضرني شطر من بيت قاله جريس ابن جلبان عندما ضيفوه الرجبان
(يامن بها المجرم لامن وزاها) ارجوا اني وضحت المعلومه

وبالنسبه الالقاب والعزاوي

ال ثويمر او ال وثيله هم وجهين لعمله واحده من الرجبان وعزوتهم (ابن الاثمر) نسبه لجدهم ثامر
للتوضيح=فالشخص اللي من ال ثويمر يقاله من ال وثيله او من ال ثويمر

وعزوة ال براز من الرجبان(خيل الجنفا برازي)

والله يعطيكم العافيه وسامحونا على القصور

 

 

 

 

[معلومات العضو العماني]

لاهنت بورجب على الاضافة الرائعه

وبخصوص اشتهار الغييثات بمزبنة المجرم فهذا لأنهم الذين زبنوا ابن مطرّف من الشريف عندما تعذرت منه القبائل الاخرى.

يقول الشاعر هجاح بن عيد رحمه الله في الفخر في قصيدة طويله منها:

كل السلوم الطيبه بانينها = واللي يخلي سلم جده هافي
جدنا زبن المجنّا لا وزى =ومن يزبن فينا وهو متعافي
واللي مكذبني هذا ابن مطرّف=يوم الشريف يدوره بآلافي
حال الفديّر والفويضل دونه=يروون حد معكفات السيافي

الفدير والفويضل : من الغييثات

تقبل تحياتي،،

 

 

 

 

[معلومات العضو تركي ال فنيس]

مشكووووووووووووووووووووورين وبيض الله وجيهكم علي تفاعلكم الايجابي

 

 

 

 

[معلومات العضو العماني]

الأخ بوزيد الغييثي

اسمحلي ما فهمت بالظبط تساؤلك

هل تقصد منهو اخو هيا الذي بالبيت

ام تقصد عزوة اخو هيا من هي له
لجعيلان ام لأبن زيد

ان كان تساؤلك هو الثاني فيمكن الاثنين لهم نفس العزوة

تقبل تحياتي،،

 

 

 

 

[معلومات العضو ابو زيد الغييثي]

الله الله بس اقصد من الي اشترك في المعركه اهل الثمان

 

 

 

 

[معلومات العضو فهيد الكبيري]

لا هنت اخوي تركي الودعاني على المجهود.

 

 

 

 

[معلومات العضو تركي ال فنيس]

مشكووووووووووووووووووووورين علي الردود الطيبه والتفاعل الايجابي

 

 

 

 

[معلومات العضو الهواشلة]

بيض الله وجهك