( أخــو صلفــه ) ...بقلم / محمد بن حدري الاسلمي

**معلومات** **العضو** · 12-10-2008, 06:34 PM

اهداء مني لشيخ الاسلم من شمر ،، الشيخ ضاري الطواله

يا الله يا مرسل ثقيل الهماليل=اللي يسوق الغيث ِحمله بالأمطار
يقول ابن حِدري بالقول تفصيل =قولٍ عجز عن قولها كل بيطار
من شاعرٍ حلل معانيه تحليل=نقوة قوافيه من زين الأفكار
يا ربعي يا الأسلم هاتوا المعاميل=الي سمع من طقة النجر كل دار
طِب الصدور اللي تشيل الغرابيل= دلة من البن انحمس حاميٍ حار
و اخلط مع البن سنافٍ من الهيل=و يجوز لو انك تزيده بمسمار
ويطري علي (ضاري) كَسب التنافيل=شيخٍ تعلا من صواريم سنجار
بمدح أخو صلفة يحل الحلاحيل=مدحٍ تعدى من ورى سبع الأبحار
منهو اللي في وصفه بين الرجاجيل=لا سامعٍ مثله و ما ظنتي صار
ايديه صخية بالمراجل مساهيل= راعي الكرم للضيف حقٍ و تعبار
هو الذي يحمل جروح المعاليل=كفيلٍ يسندنا من شر الأخطار
ما بدلوا به اهل اللحيسة تباديل= مثل الذهب زايد مكاييل الأسعار
مابي جزا لو قلت فيه التماثيل=الا معزة لأخو صلفة و مقدار
يا ربي يا راسي اجبالٍ مثاقيل = أدعوك يا الباري تمده بالأعمار
و صلوا على محمد خير المراسيل= شفيعنا المرسول من والي الأقدار

**معلومات** **العضو** · 13-10-2008, 04:55 AM

صح اللسانك وجاد بيانك

جزاله وقوه في المعنى

اعتقد القصيده مكانها المناسب بين قصائد الشعراء وليس الموهوبين

قصيدتك تدل على انك شاعر متمكن بلا ريب

وفقك الرحمن لما فيه الخير والصلاح

سلمت ولا هنت

احترامي وتقديري

**معلومات** **العضو** · 13-10-2008, 01:56 PM

صح بدنك اختي وهذا من ذوقك ،، بس مادري وش السبب وضعها هنا

احترامي لك

**معلومات** **العضو** · 13-10-2008, 02:23 PM

اللهم صلي على نبينا محمد و على آله و صحبه أجمعين

صح لسانك و عتلا شانك

لافظ فوك

**معلومات** **العضو** · 14-10-2008, 01:25 AM

صح لسانك يالشمري قصيده جزله من شاعر جزل

ويستاهل المدح ابن طواله والنعم بالمادح والممدوح

اعتقد مكانها المناسب ليس هنا في الموهوبين

تقديري واحترامي

**معلومات** **العضو** · 14-10-2008, 10:56 AM

صح بدنك اخوي يحي تشرفت بردك الكريم

احترامي

**معلومات** **العضو** · 14-10-2008, 11:23 AM

صح السانك وعتلى شانك

ويستاهل الممدوح كل خير

تحيااااااااااااااااااتي

**معلومات** **العضو** · 14-10-2008, 11:48 PM

صح بدنك اخوي الشاعر على المرور العطر

احترامي لك

**معلومات** **العضو** · 21-10-2008, 11:20 AM

صح الله لساااانك يالغالي

ويستاااهل الشيخ / ضاري

تتحياتتي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية