بعض القاب وعزاوي الدواســــــر((شارك بما تعرف)) - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: قسم تاريـخ قــبـيـلة الــدواسـر ::

إضافة رد
انشر الموضوع
 
أدوات الموضوع انواع عرض الموضوع
قديم 16-04-2005, 11:11 AM   #1
 
إحصائية العضو







تركي ال فنيس غير متصل

تركي ال فنيس is on a distinguished road


افتراضي بعض القاب وعزاوي الدواســــــر((شارك بما تعرف))

بعض القاب الدواســــــــــــــــر
وداية جارها من جدارها :
وذلك أن أحد المستجيرين بالوداعين الدواسر سقط عليه جدار فقتله فلم يكن من مجيره الا أن ساق ديته لأولاده وفاء بحق الجيرة مع أن الجيرة لاتتطلب ذلك
وقول الامير : فايز ابن خليف الودعاني الدوسري

وديت جاري من جداري وفزت به=اوالفوز من رب لـه العبـد سايـل
حطيت حوشه من عبـارة عيالـي=ولا خير في هـرج بليـا صمايـل
قال بن لعبون على لسان الدواسر
حنا هل الوادي وحنا المناعير=وحنا ودينا جارنا من جداره
ويقول احد شعرا الوداعين الدواســـــر
انشدوا من سيف جده الى الطور الخضر = من هو اللي يدي الجار مـن جدرانهـا
تالى ضربنـا العظـم صوابـه ماجبـر = ننشـي لاجـا الملاقـا وكثـر اكوانهـا
مهملة الجار : لقب للدواسر ومعناه ان الجار يظل يتمتع بحقوق الجيره ما دام في ارض الدواسر وليس شرطاً ان يكون ملازماً للبيت.
وقول: راكان بن حثلين

ذكرت أنا اللـي جارهـم يهملونـه=لاد زايد سلمهـم هملـة الجـار
وسامة عصا الجار :
قال ابن بلال اليامي:
بني زايد اللي تنطح الضد في الميعاد= دواسر تمكن في عداها مضاربها
هل العرف وأهل السيف والمنسف المتاد=وهل جيرة ياسم عصا الجار صاحبها
قال:
مفلح بن ظافر الخييلي الدوسري

كل الدواسـر وكل الفخر وانسابـه =هم ماكَر الطيب والضيفان تطربها
خيالهم فـي عـجاج الخيل يـدرابه=شبابة الحرب يـوم الحـرب تطلبها
لا جاء نهـاراً يثور الـجو بترابـه=تثبـت لضرب العدو مـاهوب كاربها
قصيرهم في العرب ما توخذ اركابه = وسم العصا يا جماعه من عجايبها
مقيدة الجمل هم الرجبان الدواسر :
وذلك انهم يركبون المزين البنات الجميلات على الجمال مع تقييدها بالحديد ويسوقونها أمام الجموع نهار القتال وذلك لشحذ هممهم للصبر في القتال كما هي العادة عند جميع القبائل العربية ومنذ العصر الجاهلي وحتى منتصف القرن الثالث عشر
قال الخفيف العجمي مادحا الدواسر بعد مناصرة الدواسر لهم في وقعة الرضيمة
وجينا بخطلان اليدين آل زايد= ربع تراثع في الأحدة ركابها
خطلان الايدي :
أي طوال الأيدي في الكرم والشجاعة:
يقول بن لعبون

خطلان الأيدي كالأسود الهزابير= مقابس للحرب وان شب ناره
وفي ذلك يقول شاعرمن مطير معاتبا ابنه عندما عقر الدواسر فرسه
يابوك ماخليتها تركب العان=وابعدتها عن زرق خطلان الايدي
مزبنة الدخيل :
وهي عادة عند معظم القبائل العربية أجارة المستغيث فهم يجيرون ويحمون المستجير
يقول ابن جلبان العجمي

ديرة مصانيم الدروع آل زايد= هل كرمة من قل ماله نصاها
أهل بيوت كنهن الفرايد=يامن بها المجرم لامن وزاها
ويقول ابن عبلان العجمي
نص الركايب غلمة زايديه= يانعم من تلفى عليه الركايب
هشين بشين باليسر والقسا=وفرسان لاشبت ضوي الحرايب
ومن كان مضيوم يزبن بجالهم=حتى تقطع منه كل الطلايب


قوم رماحهم جريد وزرقهم بعيد :
يقول الشيخ حمد الجاسر
رماحهم جريد أي كجريد النخل لطولها وزرقهم بعيد لقوتهم عندما يوجهون الرماح لأعدائهم
وقد سأل أحد فرسان الدواسر علام رمحك جريدة فأجاب : ان أصبت فمجيدة وأن أخطات فجريدة
وقول وسيم العامريه في معركة برك المشهوره اللي بعجها ناصر الودعاني وسمي المبيعيج:



على تسعة أولاد مع سبعـة اخـوة =في ورد سمحين الوجيـه آل زايـد
اهل سبق مع حرب خيـل وهجمـة =وهلهـا مضرينهـا بلفـح الجرايـد



للقب (العصاه )هو لقب للدواسر

قصيدة الشاعر ابن عزرم الشكره الدوسري

=وسهج المحل وراح راسـه عدامـي
=وحدب الظهـور مقـذلات النسامـي
=يشري جديد المدح والمـوت حامـي
=قحص الرمك ردات عجل الولامـي



قول الامير الشاعر السديري رحمه الله

امطر على الاشراف وانهل وبله=عليهم تنثر بالغزير طماه
قوز الشريف اكبر علايم دلايله=سيله تدفق هد كل انياه
سيله عجاج الخيل والبيض والقنا=وروس النشاما بالحزوم إغشاه
تشهد على ماقلته العامريه=جضت أسبيع من عويل ابكاه
تبكي على فتخان الإيمـان غلمـه =تعشوهـم اللـي بالحـروب ((اعـصـاه))
والضبعة العرجا تعشا بدربهم=وكم ضيفوا ذيب يجر إعواه



يقول ابن قحيفان الله يرحمه :[/CENTER]

حي ربع ٍ خالي ٍ من طويق الى النفود= ِسعد منهو فارق المعالج ثم نصاه
صوب ربع سلمهم صار للمجرم سنود=اسمهم عند القبايل يسمون العصاه

ويقول الاخر :

ياهيه ياللي تنبا=الدار حنا ذراه
يوم الحرايب تشبا=حنا نسمى العصاه







الخيلات ونخوتهم اولاد الأخيل واهل الشرفاء
* مخاريز الرماح
لقب عرفت به قبيلة الخييلات الدواسر اطلقه عليهم احد شيوخ عتيبه بعد هيه بين قبيلة الخييلات وقبيلة اخرى من قبائل نجد .. قتل فيها احد الخصوم بضربة رمح في رأسه ، ولم يستطيع احد ان يخرج الرمح من رأس القتيل فدفن معه .. فأطلق ابن ربيعان لقب مخاريز الرماح على قبيلة الدواسر لقوة بأسهم ودقة إصابتهم للهدف .. فأشتهروا به عند جميع القبائل ..
يقول شاعرهم هجاج بن هجاج الخييلي الدوسري
وحنا هل الشرفا إلي ثـور الدخـان =خيالنـا فـي الـقـا يسـنـد سنـودهـا
مخانيز الرماح لابدى الشان بالشان = حتـى دولـة الـروم ذبحنـا جنـودهـا

ويقول شاعر اخر

عليها من مخانيز الرماح سربه = تداقـر الهيجـا مـدارع أنحـورها
المشاوية: ونخوتهم اولاد جوزان
خيالة اصخاف الشول هم المساعره ويعتزون ايضا بابن مسعر
يقول شيخ قبيلة ال محيي اليامي:
فوارس مساعره لهم تشهد الاشهاد=لهم عزوة مشهورة يعتزون بها
خيالة صخاف الشول كسابة الامجاد =لاطار ستر الغانية عن ذوايبها
[size=3]خيالة البويضا هم الغياثات ويعتزون ايضا بابن غياث وهم اهل الثمان ركايب له قصه من الشجاعه والبطوله
اهل الست وهم الشكره واميرهم بن حفيظ راعي البويضا وهم اهل الست له قصه من الشجاعه والبطوله
حمران النواظر هم العجالين
مسامير الاشدة هم الحراجين
الاد الحبيبي هم المصارير واهل العشر ركايب له قصه من الشجاعه والبطوله
الاد العياضي هم الحقبان
خيال الصفراء هم ال حنيش من الوداعيـــن
لاد عمار وخيالة الجدعا ولباس الجوخ الحمر هم ال عمار وقول راكان بن حثلين في ال عمار [/
size]
كـم واحـدٍ مـن دونـه يعدلونـه=حماية الأمدار في الموقـف الحـار
حريبهـم منهـم تشـده اجنـونـه=لاسمع عزوتهم من المعركـة نـار
والجوخ في يـوم اللقـا يلبسونـه=وسلة سيوف الهند من صنع بيطـار
لاد رجب مقيدة الجمل بالحديدي هم الرجبان
ال ثويمر او ال وثيله من الرجبان وعزوتهم (ابن الاثمر) نسبه لجدهم ثامر
عزوه ثانيه لهم(خيالة الطرقا)
وعزوة ال براز من الرجبان(خيل الجنفا برازي)
الاد المنيعي هم المخاريم
ظافر بن سمره الهلقمي أمير المخاريم الملقب ( مشخر الفرسان

وتلفون( ظافـر) قبـل وقـت المغـارب=أبيض وجه ما داسـت أقدامـه العيـب
مشخَـر الفرسـان حـدب المقـاضـب=دمَ النحور يخضـب السيـف تخضيـب
هو الشاعر الفارس الأمير/عامر بن زياد البدراني الدوسري ، زعيم الدواسر وعقيدهم في عصره .
وهو الملقب بالضمين أي ضمين الرجال حيث أن من أراد أن يلجأ إليه يسم عصاه فلا
يتعرضه أحد من العرب بأذى
شاعر من شعراء نجد يمدح الضمين الامير عامر بن بدران وناصر المبيعيج الودعاني

خلت نجد ما يلّقى بها كاسب الثنا=أكود الضمين يم وادي الدواسـر
ويذكر بالصوب الجنوبي خير شقا=حرد الأيدي مكرم الضيف ناصر
الشيخ والفارس والشاعر / مترك بن بادي بن دويكان بن معدي بن قويد
وال قويد من المساعرة من صهيب بن زايد
ويلقب بشيبان ولهذا القب روايتان الاولى وهي انه سمي بشيبان لكثرة الشيب في رائسه والثانية سمي بشيبان لاصابة بمرض البرص وهو صغير
وهو احد مشايخ وفرسان وشعراء قبيلة الدواسر
عبيد بن خصيب آل خصيب الغييثي الدوسري ،من قبيلة الغييثات الدواسر.
عزوته: اخو مشيا
العماني : لقب للفارس محمد بن فواز آل عيد الغييثات .
راعي البرصا : عزوة الفارس ناجي بن هايف آل عيد الغييثات
البرصا احد ابله الوضح التي كسبها من عبدالله القريفه شيخ البدنه من مطير
الحديبي : لقب للفارس سعد بن ادريس آل عيد الغييثات
الفريد : لقب للفارس مبارك بن خويلد آل عيد الغييثات
راعي الرقبة : عزوة الفارس حسين بن شلاش آل عيد الغييثات
راعي الكحلا: عزوة الفارس خميّس بن شلاش آل عيد الغييثات
اخوان حصه المزاريع من الغييثات
اخو فرجة عزوة الشيخ وقيان بن نصّار
اخو عمشا : عزوة الشيخ محمد بن وقيان
يقول الشاعر:

وعبروها لأخو عمشا وتجينابـه=يجهل القوم والمظهور قافيها
اخو شيخه : عزوة الشيخ بداح الحطيم امير آل سلمه من الغييثات
يقول الشاعر:
فعل اخو شيخه ما شابه كل ساير =طمرته عند الركايب عجرفيّه
وبن حفيظ خيال البويضا هو ( سند بن محمد بن فرج ال حفيظ من الشكره الدواسر ) واشتهر بـ بارك الرجل
في المعارك وعرف بـ مخباط سند لانه اشهر رامي في عصره
واول بزوغ سند بن محمد خيال البويضا عندما حصلت معركه بين القبيله مع قبيله اخرى وكان عمره
لا يتعدى 16 سنه وقتل ثلاثه من الخيل الاصيله بطلقه واحده وكانت اول معركه له يشترك فيها
فعرف ابوه ان له مستقبل في الفروسيه والشجاعه فانشد فيه

إسمه سند وان الله اللي مسميه= إسمه سند ومسنّدٍ كـل عايـل
مخباط سندٍ يوم ربـي مقدّيـه= عقر ثـلاث مكرمـاتٍ اصايـل
ما قومه الا عوده اللي مربيـه = ومعلمه تصويب ضرب الفصايل
ما هو لهدّات الجماعه مضرّيه = يبغاه في يومٍ يشيب الهوايـل
وكان يعرف بسند انه من
اشهر الرماه حيث ذكر في عنوان المجد لابن بشر انه من اشهر الفرسان
والرماه في عصره .
وذكر ايضا في كتاب الزكلاني انه اشهر رامي في نجد في عصره .
وله قصه مع الاتراك ضد الدواسر في احد المعارك وهي من المفاخر للقبيله حيث قتل
رامي المدفع وكسر سند
المدفع و قتل الرامي وقتل قائدهم وانتصر الدواسر فيها على الاتراك ( في الدلم )
وعمه سند بن حفيظ ( ختال الخيل )
وعبد الله بن سند بن فرج ال حفيظ ( راعي الدهما )
بعيدين المغازي الصخابره
اخو جوزاء الامير شارع بن قويد
راعي الحمر وكريم سبلا هو من اطلق هذا اللقب هو الملك عبدالعزيز رحمه الله هو قيان بن هذال الشكرة
العمور ونخوتهم اولاد العميري
ال الحسن بن اصهيب يعتزون بخيالة الحرشا
والمصارير والحقبان يسمونهم العليات
سقم الحريب هم الصخابره
سربان المحازم هم العمار
والخاصه مثل
راعي الجنفا : وقيان بن رويضان
رغوان : محمد بن عواد
راعي (مقدره) :خريزان من الصخابره كريم

ولالراعي مقدره بالصحوني=يدهن شحمها من يمينه ذراعه
حسين بن شمه من فرسان الولامين الوداعين وشجعانهم وكان يلقب بابو شلش

يابوشلش يامروين جب عوده =لك عادة يابوشلش تروي العود
ليتك حضرت كميخ في وروده=خلي كما جذع من العام ممدود
السوالف الثمان التي اشتهر بها الدواســـــــــــــر:
هذه الثمان السوالف خاصة بالوداعين وهم يشتهرون بها ويلقبون باهل الثمان سوالف وهي فخر لجميع الدواسر
اهل المثلوثه هم الوادعين الدواسر وهي تشمل الدواسر كاكل
وقول الشاعر:

بامر الولي فتنا القبايل كلهـا = بثلاث معاني وافي ميزانهـا
الاوله افهم جوابـي يافتـى = اداى جار البيت من جدرانها
والثانيه التارده توخـذ بيـان =على القبايل حضرها وبدوانها
والثالثه الضيف عاينوجبته =مثلوثة تعبا عزيـزا شانهـا
المبيعيج ناصر: اسمه ناصر ولقبه المبيعيج من الوداعين للمعركه المشهوره التي شارك فيهااا بشجاعه .
ووتقول وسيم العامريه
وسيم العامرية تسعة أولاد وسبعة إخوان قتلوا جميعاً أثناء المعركة فقالت وسيم هذه الأبيات ترثي قتلاها

قالـت وسـيـم العـامـرية واشــرفــت=عند الضحى والدمع غادي بدايد
على تسعــة أولاد مـع سبعـة اخــوة=في ورد سمحين الوجيه آل زايد
يـاطـول مابـيــتـي مـرب لهـجــمــة=واليوم تومي بـه هبوب الشدايد
اهل سبـق مـع حرب خـيـل وهجــمـة=وهلها مـضرينـها بلفح الجـرايد
واللــه لـولا ذلــتي تـشـمـت الـعـــدا=وتسـتر بـالفـرقـا اكبـود غـدايـد
لأعــوي عوا السرحان في جرهـدية=واعـوي عـواه بنايـفات الفـرايـد
بـشــر غـدا عــند المبـيـعـيـج ناصــر=غدا بينهم يوم اختلاف الـوعايد
فنا أصبر من صماصموك على الصفا=صبور الى شبـوا عليها الـوقايـد
بعض القاب الفرجان الدواسر

((معيلة الطراد))

يقول عبدالله بن فهد المقابله من قصيدةٍ له طويله
حنا معيلة الطراد وهلٍ له=فرجان مازرفل مخيفٍ ضعنا
يعقل بنا الجاهل ويحسب خطاً له=حسنيةٍ وافعالنا يعرفنا
تفخر بنا بندق وحربه وسله= وصفرٍ نهار الهوش ماهي تعنا
لامن رموا من فوقهن الأجله=وتلافحن باذيالهن واجلعنا
ياسعد منا باللقا فزعتٍ له= وياويل ويل اخصامهن لقبلنا
عليهن الي بالمواقف جبله = دواسرٍ زبن الخريش المجنا
((السكارا))
يقول بن ضاوي في قصيدته يوم الضويلع
ياراكبٍ من فوق ستٍ تبارا=حمرٍ وسمرٍكلبوها محلاه
الى ان=قال
تلفي لربعٍ بالبطينه سكارى=ينثر لها البرسيم وانتوا شحم شاه
ويقول ابو سويحه الدوسري مخاطباٍ بن لويف آل حبيش العجمان
يحرم عليك ان زيد رحنا يسارا= يابو عيونٍ كنها البيدجاني
بمشي مع الفرجان ((ربعٍ سكارا))= الي يخلون الصعب مرجعاني
ويقول فويران المقابله
تطرب وتبهي ((عزوةٍ للسكارا)) =لاجا نهارٍ فيه ظرب الجهليا
]((مبعدين المطاليب))
الوبارين وقيل الهواشله لقبهم
((الدويله))تصغير للدوله
يقول معجب بن رمثه
عليها الدويله هم عجبنا وكسوتها=هواشلةٍعرابٍ على الظمر الفيحي
لقب ( مرضي الضيفان )

يطلقونه بادية الأفلاج على الشيخ مرضي بن عبد الله آل حبشان الدوسري حيث ظل بابه مفتوحا لأهالي نجد كافه لمدة ستين عاما تقريبا
وكان ذا جاه ويعرف براعي الجفيدرية أيضاً

خيال السويدا ابن مفوز
عزوة الفارس محمد بن فواز العماني الغييثات

وهي عن اللشيخ الفارس شثين بن نايف الخظران الدوسري ويلقب بـــ ((الأخطل))ومن احاديه يوم السيالي
راع الرديـــه مــاعليـك,,,مادام بالسودا* جهد=والله لا ارددها عليـــك,,,لعيون مـــركوز النهد
.(فلقب مسامير الأشده يطلق ايضا على الخماسين من الخييلات الدواسر)
وراعي البرصا عزوة الفارس هادي بن فالح آل ونا الخماسين الخييلات الدوسري.
2.(خيّلا العصلا وأنا أخو وضحى)
عزوة الفارس (دخيل بن سالم الزرجي الدبالين )
والدبالين (الااد لدبل) هم من الفرجان آل حسن الصهبه آل زايد الدواسر)
الفارس عبد الله الصماخ المضالمه الغييثات الدوسري
يوم مغزى شعبة نصاب عقر ذلولٍ عليها ردفا وسموه ابوثنين
وصاروا ال بوثنين الى يومنا هذا

لقب الفارس فهيد بن محمد بن فواز الودعاني الدوسري ((المعروف بطحيه)) ولقبه حامى المراح من الصباح
الدجران
لقب حسين بن فهد المناديع الغييثات لشجاعته
الامير والفارس : ابراهيم بن مانع بن عامر بن فايزالوداعين الدواسر و يلقب بالجبعه لشجاعته
نثارة الدم في ملاعبها لقب للمساعره الدواسر
قول الشاعر القحطاني :
تلفي لاد بن مسعر حريبهـم يسهـر =اهل سربة تنثر الدم في ملاعبها
ولقب قبيلة العمور الدواسر وهو لقب عام
(( هل الشعب ))
وأطلق عليهم هذا اللقب بعد ان كسروا جيش ابن فيصل
عندما غزاهم في شعب تمرة ..
يقول الشاعر :

يا هل الشعب يالي فعلهم باني =يوم رزت بيارق قوم عبدالله
عقرت الخيل ثم ذبح ابن(( لحياني))=والمناعير عدوهم من الحله
(( التاردة)) هي للوداعين يسمونهم اهل التارده لانهم يردون ابل الجار ان ذهب منهم واخذت ابله فهم يردونه بالقوه يقول الشاعر عبد الرحمن بن غصين من الرجبان من ضمن قصيدة طويلة يمدح بها قبائل الدواسر ويخص الوداعين بالتاردة حيث يقول :
والى جيت تلقا قدمها(( لاد بن ودعان))= وهشين كرمان على العسر واجزالي
وتراهم هل الطلات من عصر ابن بدران =هل(( التاردة ))غصب على كل عيالي


يقول بن حزيم الرجبان:في الوداعين اهل التارده
(
التاردة من كل طماع"ن" ترد = وان كان ماقلته فاي كل"ن" قايله


ويقول الشاعر جلهم الودعاني


جدنا من على وقت ابن بدراني=قد ودا الجار من جدارً غدا فيها
ونأخذ التارده من كل سكراني=ورث جدانً مـا والله نخليهـا

وقول الشاعر الودعاني :
بامر الولي فتنا القبايل كلهـا = بثلاث معاني وافي ميزانهـا
الاوله افهم جوابـي يافتـى = اداى جار البيت من جدرانها
والثانيه التارده توخـذ بيـان =على القبايل حضرها وبدوانها
والثالثه الضيف عاينوجبته =مثلوثة تعبا عزيـزا شانهـا
الامير: عريعر بن سعد من الولامين الوداعين الدواسر الذي تولى الأمارة بعد وفاة أبيه : وكان يلقب بأكبر أبنائه وهي بنته فضة وكان يعتزي بفضه ويقول فيه الشاعر سيف الغوينمي من قصيدة طويلة :
أبو فضة اللي طبته عجر فيه =مثل الجمل لا هاج من عاد ينزاح
الفارس :شبيب بن سعد من الوداعين الملقب بالعضيبي
لطامة العايل عنان العاصي)): لقب للوداعين الدواسر قول شلعان بن ظافر
هذا وأنا من لابـة معروفـة=سقم الحريب اليا عثا بشواه
((لطامة العايل عنان العاصي)=لاعظت النجد علـى الشفـاه
ما فاز جمعٍ والوداعين ضده=يرجـع بغلـه زاهـدٍ دنيـاه
(( صبيان المباعجه))..هم الوداعين للمعركه المشهوره اللي بعجه ناصر المبيعيج
بـشــر غـدا عــند المبـيـعـيـج ناصــر=غدا بينهم يوم اختلاف الـوعايد

سكانها وداية جارها من جدارها = ((مباعجة)) ٍ لا جا الدهور هشاش
مسرع ابو فقايا اليـامي :
وقام يصول عرض وطول لين الصبـح انبـاج=وهجم هجمة ذياب اللي علي العدوان ناسجها
هزم الا عدا وشتتهـا ولا ذت الفـرار ازواج=بعد تنسيقه بتخطيـط والبعـاج باعجهـا
أخو هلل ) : هي عزوة الأمير الفارس راجـس الخضـاري أمير شمل قبيلة الحرارشة من الرجبان الدواسر
قبيلة آل حميد الرجبان من الدواسر.. واشتهروا بالشجاعة الكرم والرماية وركوب الخيل
وعزوتهم ( خيال الشرفا الحميدي- والحميدي-وابن حميد)
وامير قبيلة آل حميد كافه الفارس الامير/ شديد بن ذهيبان آل حميد
وعزوته(خيال الشرفا الحميدي -وخيال الشرفا انا أخو نوره)
الفارس / نصار بن قريعين المشاويةالدوسري// اخو فرجة ثانيا /عزوة الفارس / غانم ابن غانم المشاويةالدوسري// كعام العايل ابن غانم // واقد قيل فية بيت من الشعر لاوني مثل غانم كان خليت= لوانة وحيد مير ماحدا تهقوابة0 ثالثا/عزوة الفارس الملقب ب//حوينيت// وهومن اشهر فرسان المشاوية0 وعزوتة//خيل السبلا... والموت يبلا0

العذر والسموحه يابني
عمي اذا نسيت شي وارجوا انكم تكملوا اي شي ناقص
كاتبه / تـــــــــــــر كـــــــــــــــــي الــــــــو دعـــــــــــــــــــــانــــــــــــــي

 

 

 

 

    

رد مع اقتباس
قديم 16-04-2005, 12:32 PM   #2
 
إحصائية العضو








العماني غير متصل

العماني is on a distinguished road


افتراضي

لاهنت اخوي تركي على الموضوع الجميل جدا والقيم

ونتمنى من جميع الاخوة اثراءه للمعلومات عن كل فخايذ الدواسر.


ويوجد بعض القاب الدواسر تخص فخايذ لأنها صارت تخص القبيلة كلها وهذا يدل على انه لافرق بين ابناء العمومه مثل مدية جارها من جدارها وهي بالاصل للوداعين .ومثل ((مزبنة المجرم ))للغييثات.


اما بخصوص مقيدة الجمل فالدواسر قيدوا الجمال ايضا في مناخ الرضيمه الشهير ، ويقول الشاعر الحفيف المصرا العجمي مؤكدا ذلك

وجينا بخطلان الأيدي لاد زايد = ((ربعن تراثع بالأحدة ركابها))

وهناك ايضا لقب ((مخايلة البروق موسعة الخروق )).


كما نرجوا من الاخوة الاعضاء اتحافنا بألقاب فرسان وشيوخ الدواسر في الفخوذ الاخرى كلن بما يعرفه ومتأكد منه.وانا بذكر اللي اعرفه

العماني : لقب للفارس محمد بن فواز آل عيد الغييثات .
راعي البرصا : عزوة الفارس ناجي بن هايف آل عيد الغييثات
البرصا احد ابله الوضح التي كسبها من عبدالله القريفه شيخ البدنه من مطير
الحديبي : لقب للفارس سعد بن ادريس آل عيد الغييثات
الفريد : لقب للفارس مبارك بن خويلد آل عيد الغييثات
راعي الرقبة : عزوة الفارس حسين بن شلاش آل عيد الغييثات
راعي الكحلا: عزوة الفارس خميّس بن شلاش آل عيد الغييثات

هذا اللي يحضرني حاليا

اخو فرجة عزوة الشيخ وقيان بن نصّار
اخو عمشا : عزوة الشيخ محمد بن وقيان
يقول الشاعر:

وعبروها لأخو عمشا وتجينابـه=يجهل القوم والمظهور قافيها

اخو شيخه : عزوة الشيخ بداح الحطيم امير آل سلمه من الغييثات
يقول الشاعر:

فعل اخو شيخه ما شابه كل ساير =طمرته عند الركايب عجرفيّه



ولي عودة على الموضوع

 

 

 

 

    

رد مع اقتباس
قديم 16-04-2005, 12:56 PM   #3
 
إحصائية العضو







النجم الهاوي غير متصل

النجم الهاوي is on a distinguished road


افتراضي

بيض الله وجيهكم كفووووو فيكم

ماقصرتو على هذه الالقاب والعزواي

عز الله تطلقوووون الوجيه بفعلكم ولاهي غريبه عليكم

تقبلو تحياااااااااااتي


النجم الهاوي

 

 

 

 

 

 

التوقيع



يوم زادت فوق متني ثقيلات الحمول =صحت بأعلا الصوت ربعي ياهلـــي
قالو ازبن صوب حراً من حرار السهول =والله انك ما تضايق وبالكون سهلي
الشاعر ذيب الشمري

    

رد مع اقتباس
قديم 16-04-2005, 02:25 PM   #5
 
إحصائية العضو







عبدالله الغييثي غير متصل

عبدالله الغييثي is on a distinguished road


افتراضي

بيّض الله وجهك يا تركي الودعاني على هالموضوع الرّائع بصدق

وبما ان كاتب الموضوع ودعاني من خوالي بذكر هالبيت اللي قاله الشاعر بن جيعان من الخرفه


ومن جنوبٍ عنّا فزعةٍ ما تخبري *** ألاد ودعان مفضية القصور


كما لا انسى ان اشكر اخوي العماني على إضافاته الرّائعه وكفيتوا ووفيتوا الله يبيض وجيهكم


وللجميع شكري وتحياتي


اخوكم ......... عبدالله الغييثي ..........

 

 

 

 

    

رد مع اقتباس
قديم 16-04-2005, 02:59 PM   #6
 
إحصائية العضو







الهيلاني غير متصل

الهيلاني is on a distinguished road


افتراضي

السلام عليكم ورحمة الله وبركاته


الأ خ العزيز ( تركي الودعاني ) لا هنت على هذا الموضوع الجميل . ويا القرم لا تخلينا من العلوم الطيبة جعلني ما أعدمك .

والشكر الى الأخ العزيز ( العماني ) والذي أتحف الموضوع بأضافاته الطيبة والمهمة . تحياتي لك يا بو مبارك .


-- نرجوا من الاخوان للتفاعل كلٍ بعزاوي قبيلته لنجمعها لتصبح عزاوي وألقاب قبيلة الدواسر .



أخوكم :- الهيلاني .

 

 

 

 

    

رد مع اقتباس
قديم 16-04-2005, 09:56 PM   #7
 
إحصائية العضو







تركي ال فنيس غير متصل

تركي ال فنيس is on a distinguished road


افتراضي

العماني لاهنت الا ظافه طال عمرك

السهلي ماعليك زود يالغالي

الخييلي لاتبطي الله يحفظك

عبدالله الغييثي وانا خالك لاهنت يالقرم علي البيت ومرورك

اخوي الهيلاني لاهنت علي مرورك وكلامك الطيب اللي يدل علي طيب اصلك يالقرم وشاكرلك مرورك

 

 

 

 

    

رد مع اقتباس
قديم 16-04-2005, 10:03 PM   #8
 
إحصائية العضو








الجوهره غير متصل

الجوهره is on a distinguished road


افتراضي

يعطيكم العافيه يا ذباحة الحايل..لطامة العايل....

شيهانه

 

 

 

 

 

 

التوقيع


وش جاب والي العين لأضعف خدمها؟
بين الذهب و(الجوهره) فرق شتــّــان
فرق مثل فرق الثريا وعسمــــــــــــها
عن الثرى واللي بها كايــــــنٍ كــــــان
(الجوهره) ألماسه ولا أحد(ن) رسمــها
وإلا الذهب مرسوم بأشكال وألــــــوان!

**منتديات قبيلة الدواسر**

    

رد مع اقتباس
قديم 16-04-2005, 10:24 PM   #9
 
إحصائية العضو







الشكري غير متصل

الشكري is on a distinguished road


افتراضي

تركي الودعاني بيض الله وجهك

وعلومك غانمه

جعلني ما خلى منك

وبن حفيظ خيال البويضا هو ( سند بن محمد بن فرج ال حفيظ ) واشتهر بـ بارك الرجل

في المعارك وعرف بـ مخباط سند لانه اشهر رامي في عصره

وعمه سند بن حفيظ ( ختال الخيل )

وعبد الله بن سند بن فرج ال حفيظ ( راعي الدهما )

ومواضيعك كلها طيبه

وجعلك تسلم

 

 

 

 

 

 

التوقيع


آلاد شكر هم اكعام المعاديني= صوارم في اللقا تروي شلافيها
ذباحة الحيل يوم الزمن شيني= مهوب يوم العرب فاضت مخابيها
يفرح بهم هاشل ذاق الامريني = والجار يامن بقصرتهم ويغليها
الشاعر الكبير برق الجنوب
آخر تعديل الشكري يوم 16-04-2005 في 10:30 PM.

    

رد مع اقتباس
قديم 16-04-2005, 10:40 PM   #10
 
إحصائية العضو







عبدالله الشكري غير متصل

عبدالله الشكري is on a distinguished road


افتراضي

لاهنت ياتركي الودعاني انت والعماني والشكري
وماقصرتو على الموضوع وعلى الاضافات العلوم الزينه
وكثر الله من امثالكم


وطالت اعماركم


اخوكم
عبدالله الشكري

 

 

 

 

    

رد مع اقتباس
قديم 16-04-2005, 11:19 PM   #11
 
إحصائية العضو








حمد الودعاني غير متصل

حمد الودعاني is on a distinguished road


افتراضي

تركي والعماني لاهنتو وبيض الله وجيهكم

 

 

 

 

 

 

التوقيع

[poem font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=1 line=0 align=center use=ex num="0,black"]
لابتـي زايـد الملطـوم منشاهـا=
ممنـة جارهامـن كـل عدوانـي
ترتفع روسنـا لامـن ذكرناهـا=
ذا كلامي ونا مـن لاد ودعانـي
لاد ودعان راس الرجـم مرقاهـا=
كاسبين المراجل سـر وعلانـي [/poem]

    

رد مع اقتباس
قديم 17-04-2005, 12:06 AM   #12
 
إحصائية العضو







المصروري غير متصل

المصروري is on a distinguished road


افتراضي

لاهنت ياتركي ولايهون الربع كلهم وجعلني ماذوق حزنكم كلكم
والله يجازيكم بالخير عموما .
وعلى فكرة لاتنسى اسم المساعرة تراهم خيالة سخاف الشول؟
يقول ابن بلال آل فطيح اليامي :
خيالة سخاف الشول كسابة الامجاد لاطار ستر الغانية عن ذوايبها
وستاهلون لاد مسعر من غير قصور في باقي الدواسر
وأعتقد مافيه فرق بيننا كلنا شي واحد اللي يرفع بني عمنا يرفعنا ؟
وأمانة معكم اللي يعرف اي شي عن أفخاذ الدواسر بالله يذكرة ولا يحسد أو يغـار
ترى الحال من بعضه . وترى اليـد الوحده ماتصفق . لانه لازم يكون كل واحد منا
ملم بكل شي عن الدواسر وأفعالهم حتى اذا جاء اي مجال مع احد من القبايل
الثانية يكون عنده خلفية تاااامـه ؟
وياليت تحفظون هالوصية .
وان شاء الله الامل فيكم كبيرررررر .

اخوكم المخلص لكم من قلبة والله اللي يشهد


...... عبدالله المصروري .........

 

 

 

 

    

رد مع اقتباس
قديم 17-04-2005, 01:18 AM   #13
 
إحصائية العضو







سلطان القحطاني غير متصل

سلطان القحطاني is on a distinguished road


افتراضي

السلام عليكم ورحمة الله وبركاته

وووووونعم و الله اني صادق بالاد زايد

يستاهل العليا كل من سعى لها

و موضوع رائع و منسق

تقبلوا تحياتي

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 41 ( الأعضاء 0 والزوار 41)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
هي لا تعرف من أنا...ولكنني أنا أعرف من هي... محمد بن فهد الرجباني :: قسم القـــصص والروايـــات :: 15 15-06-2011 03:58 AM
ماهو حكم القات...وهل هو مفيد في الصحه ؟ ماجد المصارير :: القسم الإسلامـــي :: 12 06-03-2011 12:39 AM
هي لا تعرف من أنا...ولكنني أعرف جيدا من هي..... في خاطرى شئ :: قسم القـــصص والروايـــات :: 5 02-02-2011 06:43 PM

 


الساعة الآن 07:27 PM


Powered by vBulletin® Copyright ©2000 - 2024, Jelsoft Enterprises Ltd.
---