قصيدة الصاحب (بوبكر رابح)

[معلومات العضو الملك الادريسي]

السلام عليكــم ورحمـة الله وبركاتــة ،،

اما بعد


الصاحب اللى تلقاه وقت الكربه
هذاك هو اللى صاحب صحيح اديره
نقي معدنه صادق وواضح دربه
في شانك ايضحي كل شي ايديره
صاحب عزيز ووفا حقك ويسمر به
ويحتار وين ينضر صاحبه في حيره
حتى المحاضر تذكره تفخر به
وما يهم من يبقى والا أي عشيره
المهم صاحب في الكدر والطربه
الصاحب آن صار الكسر هو يجبر به
ورفيقة القربه شي واكد قربه
واليوم كل حد يمشي حسب تفكيره
والذيل يتعب في دناه وقربه
وعدو الجد ما تراجي خيره
والاصحاب بفرقو انواع كيف التربه
فيها الارمله وفى الاسؤيره
صاحب تجوب بيه وتغامر به
تطامن بصير والضروف عسيره
وصاحب آن صار السوء تصدر به
يجلى داراه الكبد وتكديره
وصاحب يكون شراع لك تبحر به
لشط النجاه يوصلك تدبيره
وصاحب الا صار العلل تحضر به
يحب الكلام ويفهمه تفسيره
وصاحب اخرى تلقاه كيف الحربه
معاك وعليك ويقول فيها خيره
وصاحب على وكله يجيك وشربه
ووقات عازتك يبقى للخطاه قصيره
وصاحب آن حازاتك معاه الغربه
يبعك آن كان هو فيك حصل ليرا
وان ريت صاحبك هان الشرف تجربه
راهي اتنهى بكل ومات ضميره
وبالعيب والدناوه صاحبه كابربه
رديدا مايكساب ذرة غيره
وفىوقتنا الصاحباللى تكبربه
حافظ عليه اصحاك من توديره
دليل ديما في الحياه تخبربه
بغيبته تضيق الواسعه الكبيره
عنده احساس يشعربه اللى تشعربه
سواء الضحك والا ساعة التكشيره
والصاحب الصادق هو اللى خاطربه
نبينا رسول الله سمح السيره
للغار رافقه غفلة عداه حدربه
وصار هذيك المعجزه الشهيره
وصبر لين الاسلام الرسول جهربه
خذاه وعد في الجنه يكون مصيره
وخير الختام الذكر نستغفربه
ونصلى على الهادي صلاة كثيره
اللي من عذاب النار نستجربه
شفيع أمه في يوم شين سريره

ان شاء الله تعجبكم

الادريسي

 

 

 

 

[معلومات العضو ابوبدر المصارير]

الله يعطيك العافيه اخوي الملك الادريسي على ايراد القصيده وصح السان شاعرها والسانك لاهنت

 

 

 

 

[معلومات العضو دغش محمد الصخابرة]

يعطيك العافيه على النقل,,,,,,وصح السااان الشاعر.......