ألا يا هل الوادي - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 21-08-2016, 02:41 PM   #1
 
إحصائية العضو







محب الوادي غير متصل

محب الوادي is on a distinguished road


افتراضي ألا يا هل الوادي

ألا يا هل الوادي عسى دْياركم الأمطار = يسقي ثراها وابل الغيث همالي

سلام عليكم عد ما تنبت الأزهار = سلام عليكم سادة المركز العالي

سلامٍ عليكم فَرْد فرد وْثناءٍ حار = تحية محبه طعمها حلوٍ زْلالي

بلدكم بلاد المرجله يا عزَاز الجار = ورثتوا الكرم من عدة أجيال وأجيالي

ديار الدواسر ماكر الخير والأخيار = بها يأنس المضهود في أمن وظلالي

ملكتوا قلوبٍ صافيه ما تشيل أوغار = فريد المعاني يقتبس منكم أمثالي

تهلل ملامحكم لمن جالكم خطار = ربيع الموده يقطفه فال وعقالي

صدورٍ رحيبه سِعْد من مرِّكم زوار = عن دياره ومرباه يصبح بكم سالي

رجال الشدايد للعدا صارمٍ بتار = عدو الدواسر عمره قْصِير ما طالي

على النايبه عون وفي المفزعات أنصار = سند من شكى بدنياه هم وغربالي

تغنى بفضايلكم هل الراي والشعار = وقايعٍ أكيده ما بها شك وجدالي

لكم صيتٍ مْدَوِّي تباهت به الأْذكار = زهت فيكم النخوه كِبار السن وأطفالي

لكم فزعةٍ من دونها تقصر الأشبار = جِزال الجمايل ما اتِّجرتم بأموالي

رموز المروه والوفاء بالأهل أبْرار = مِأمِّل وهايبكم بذلتوا له الغالي

نفوسٍ أبيه في سما الطايلات أقمار = لكم ساحة الأمجاد مَربع ومدهالي

ثقاتٍ رواسي تنتهي بشوركم لَشْوار = طحاطيح مقدامه على الحق صمالي

تدوسون كبد الجور ما تهابون النار = كعام المعادي مرعبة كل مِتْعالي

قهرتوا الصعايب واتخذتوا الخطر مضمار = فلا عزومكم لانت ولا شدادكم مالي

جمعتوا صفات الطيب والعز والإصرار = تِشَرِّف مواقفكم على كل الأحوالي

شربتوا الشجاعه كيف والنادرات بْهار= ينابيع عزٍّ فِيضَها قروم ورجالي

علوم الشهامه سلمكم صبيةٍ وكبار = سنام الفَخَر حزتوه من أول وتالي

سجل البطوله يستقي فعلكم أخبار = بلا أفعالكم تبقى سطوره فضاً خالي

لكم دانت القمه بلا مين واستكبار= نواصي الشيم بأيديكم البيض تختالي

عسى جْدودكم ينبت على قبورهم نوار = ويجعل لهم في جنة الخلد منزالي

نظمت القوافي شاهده بالّذي قد صار = عسى القاف جملني بلا نقصِ وِاخلالي

ألا يا إله الكون يا رب يا ستار = توفق هل الوادي ذرى زابن وْجالي

************************************************** ********
ناصر بن جمعان آل عوض

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
جــولــه اسـتـقـصائـيـه داخل صالات اشهر المكاتب كشفت تفاصيل مثيره قبل مواجهه السوبر ’’ النادي ’’ من لندن تسأل سيف2013 :: القسم الرياضي :: 2 28-07-2016 08:20 AM
الاهــلــي :: خالد بن عبدالله يـــســدد ديــون و 10 قرارات لهيئه النادي الماليه سيف2013 :: القسم الرياضي :: 2 07-07-2016 09:14 AM
متعين في الوادي وعندي استفسار بسيط ؟ مشغول فضاوه :: قسم المـواضيع الـعامــة :: 3 10-09-2013 03:16 PM
الفرق بين المدير الناجح والمدير الفاشل domokh :: قسم المـواضيع الـعامــة :: 5 16-10-2011 10:31 AM
@...رابطــه عشاق نادي النصر ..العالمي...@ هتلر النصر 11 :: القسم الرياضي :: 313 17-06-2010 08:56 AM

 


الساعة الآن 02:04 PM


Powered by vBulletin® Copyright ©2000 - 2024, Jelsoft Enterprises Ltd.
---