قصه البنت مع ولد عمها { الله يخزيه } - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم قصــه و قـصيــده ::

إضافة رد
انشر الموضوع
 
أدوات الموضوع انواع عرض الموضوع
قديم 05-01-2010, 07:36 AM   #1
 
إحصائية العضو







الــخــضــرانــي غير متصل

الــخــضــرانــي is on a distinguished road


افتراضي قصه البنت مع ولد عمها { الله يخزيه }

السلام عليكم ورحمة الله وبركاته


هاذي قصه وقصيده من دواويين : الراوي


ويارب تنال لو ربع اعجابكم







بداية القصه عن وحده من اهل المنطقه الشماليه

كانت بدويه تسرح عند إبل اهلها وتقابل لها واحد دايما وتحبه ويحبها حب عفيف وكان يخطط على

خطبتها بس العايق الوحيد ان واحد من عيال عمها محجرها وحالف ان قرنها الاشقر ما يلتوي الا على يمينه وذا اللي يحبها مهوب من جماعتها .

وفي يوم من الايام يوم رجعت من البل لقت في جنب بيتهم ( بيت الشعر ) بيت جديد مبني سألت امها عن

البيت من هو له قالت لها امها ان ذا بيتها هي وهباس ( اسم ولد عمها ) قالت لأمها انها تحب واحد

وحالفه انها ما تزوج الا هو قالت امها هباس في بيت ابوه روحي واطلبيه يفك حجريكي وتعوذي منه

يمكن يفك حباكي .


راحت له البنت ولقت عنده رجال ودخلت عليهم وقالت اني طالبتك بوجيه الرجال اللي عندك انك تتركني

في سبيلي" ما ابيك "


ضحك وقال انا قايل ان ها القرن الاشقر والله ما يلتوي الا على ذراعي حيه والا ميته .


رجعت للبيت وجهزت السم وراحت به لأمها وقالت لها اللي صار معه وقالت انا حالفه انه ما ياخذني

وانا اسلم عليكم وشربت السم .



وماتت



هباس ولد عم البنت قبل ما يدفنونها طلع قرنها ولواه على يمينه وهي ميته ومن شدة الفقر ما كفنوها

وادفنوها بملابسها


وقال يميني ووفيت به




أهلها ما لقوا احد يسرح عند ابلهم واستأجروا واحد من عيال جيرانهم يسرح عند البل وكان الولد

صغير سن .



حبيبها صار يترددعلى ابلها ويلقى الولد سأل ولد وين البنت اللي كانت تسرح عند البل سأله الولد ليه

تسال قال لاني مضيع لي ابل ويذكرون ان فيه بنت جتها الابل وطردها وابي أسألها عنها وين طردتها

قال الولد البنت يقولون انها شربت سم وماتت..

ما صدق قال في نفسه أكيد ان احد شافني معها وردوها لا تسرح وقالوا للولد إذا سأل عنها احد قل انها

شربت سم وماتت قال احسن لي ارسل قصيده لواحد من ربعها اللي امون عليهم واسأله وش صار

بالضبط قال يا ولد تعرف واحد اسمه منير قال الولد أعرفه قال انا بعطيك رساله وصها له واذا قراها

وحصل البل بيرسها لي قال الولد هاتها

استلم منير الرساله الا هويقول فيها :



يا منير ما جاكم عن الترف ذكار

صحيح وان صخيف الروح غادي


صحيح والا طنبلـة علـم قمـار

او جا عنه راع العلوم الوكـادي


وكنك ضربت الكبد نطحٍ بمسمار

من يوم قيل الموت للترف صادي


وانس على كبد كما حر مخطـار

شي جرا جاللبـلا مـن فـوادي


ودك لوالدنيا تصنـت للاشـوار

والموت ياتي لـه نذيـرٍ ينـادي


يوم قرا منير القصيده ما كان يدري عن اللي ارسل له من كان يحب بس قال اكيد ان اخر من مات اللي

شربت السم وانه كان يقصدها ورد عليه يقول:





وانا عنـه راع العلـوم الوكـادي

صحيح ماهي طنبلـة علـم قمـار

دنياك هذي ما تصنـت للاشـوا ر

تضرب على مشهات نفسه عنـادي


لوشاورتنا كان ما حق مـا صـار

نفدي بناسٍ عـن ظبـي الحمـادي


ياحيف ياعضودٍ كما وصف جمار

يودعهـن القبـر المهبـا سمـادي


ونهود حدر الجيب غضات الاثمار

والدود ياكـل مغتـرات الثنـادي


وشقرٍ ضفرهن طولهن خمسة اشبار

يعبا لهن غير الرشـوش الزبـادي


وياحيف ياهبـاس للتـرف قبـار

هبس قرونه عقب ما هـن بعـادي



وسلامتكم..

الله يرحمها برحمته
تقبلوا مني خالص الود والإحترام



وليف الحزن


تحيااااااااااتي لكم

 

 

 

 

    

رد مع اقتباس
قديم 06-01-2010, 12:02 PM   #2
 
إحصائية العضو








شيهانه بكف صقار غير متصل

شيهانه بكف صقار is on a distinguished road


افتراضي رد: قصه البنت مع ولد عمها { الله يخزيه }

الله يررررررررررررحمها مسكـــــــــــــــــينه

ومن الحب ماقتل ! بس بعد ماكان المفروض تنتحر

يلا الله يعين

كل الشكر اخوي على ايراد القصة المحزنة حسبي على هباس

 

 

 

 

 

 

التوقيع

    

رد مع اقتباس
قديم 10-01-2010, 01:32 AM   #3
 
إحصائية العضو







حمود الحريجي غير متصل

حمود الحريجي is on a distinguished road


افتراضي رد: قصه البنت مع ولد عمها { الله يخزيه }

الله يعين ويرحمها



شكرا لك على القصه

 

 

 

 

 

 

التوقيع

ان لم تستح ... افعل ... ماشئت ...

alsari777@hotmail.com

    

رد مع اقتباس
قديم 31-01-2010, 11:25 PM   #5
 
إحصائية العضو








ناصر بن فهد غير متصل

وسام الخيمة الرمضانية 1430هـ الفضي لصاحب المركز: الوسام الفضي لصاحب المركز الثاني بالأفضلية - السبب: وسام الدواسر الفضي: للأعضاء المميزين والنشيطين - السبب: النشاط والتميز
: 2

ناصر بن فهد is on a distinguished road


افتراضي رد: قصه البنت مع ولد عمها { الله يخزيه }

.
.

الله يرحمهآ ...
ولاهنتٌ على طرحٌ هذه القصه المحزنهُ

 

 

 

 

    

رد مع اقتباس
قديم 31-01-2010, 11:35 PM   #6
 
إحصائية العضو








سلوة الخاطر غير متصل

سلوة الخاطر is on a distinguished road


افتراضي رد: قصه البنت مع ولد عمها { الله يخزيه }

؛؛

روح بريئة ولّت والسبب ..!!

يآذك القرن الأشقر مآيلوى إلآ على يمنى هآك الجآهل
الحجر منك لله وعسى الله يفكّ العرب منه

شكرآ أخي الكريم على الطرح

؛؛

 

 

 

 

 

 

التوقيع

:
:


لا صـــار ما باقــي للأجـود مقـدار
.......................... ف البعد عن بعض الخلايق حشيمه

    

رد مع اقتباس
قديم 06-02-2010, 07:09 PM   #7
 
إحصائية العضو







السيف الحدب غير متصل

السيف الحدب is on a distinguished road


افتراضي رد: قصه البنت مع ولد عمها { الله يخزيه }

و الله با حجر البنت انه امحق سلم


يعرس عليها شهر و يطلقها و لا يخليها تعنس ؟


السلم ذا امحق منه ما شفت

لكن الله يرحم الحال

عاشت اليد اللي كتبت الموضوع و لا حرمنا جديدك

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 09:28 PM


Powered by vBulletin® Copyright ©2000 - 2024, Jelsoft Enterprises Ltd.
---