شاعر المعنى

[معلومات العضو حسن بن بطحيه]

ياشاعر المعنى ترى المعنى على بطن وظهر= والظاهر انك مانت عارف من ابوها وامها
حاول بها عل وعسى يمكن بعد عندك نظر= وان كان لك عقل ذكي حدد هدفها وارمها
ولا تريح واسترح لاتدعي صبح وعصر=انك تعرف اجدودها من خالها لاعمها
يمكن تعرف الفرق مابين الدجاجه والصقر=وان جبتها قلت الله الله يالمحنك تمها
للناس غايه وانت غاياتك مع العالم عشر=وتقول عارف والمعرفه مانت والله يمها
يافيلسوف العصر يالعقاد ياشوقي مصر=يافلتة العصر الحديث اللي العلوم تضمها
ادري انك من زود الكبر ماتاسعك دنيا البشر=تمشي تبختر وانت رايح يالظعيف بكمها
معميك حبك للولائم والمظاهر والفخر=تستصغر الناس العزيزه كلها وتعمها
لاتحسب الناس اغبيا ماعندها سمع وبصر=تعرف علومك كلها لاشك مانت اتهمها
للشعر ناس تبدع المعنى وتقدح من صخر=من مرهف احساس المشاعر تكتبه من دمها
شعار وتعرف المبادي مايعيبها الفقر=ماتتبع ارياح المصالح لجل تملا فمها
اكبرمصيبه للشعر واكبر خطا مايغتفر=مثلك يجي في ساحة الشعر النقي ويسمها
جاك الخبر واخذ الخبر وان كان ماعندك خبر=قدام تغريك الرديه واختها وتخمها
هرج الردى جهد الردي طال الزمن ولاقصر=ماطال به راعيه والعيبه على من زمها
هذي سنه خامس سنه مرت شهر ورى شهر=اتجاهل اعلومك وقول بتنتبه وتلمها
معك التزمت الصمت والصابر قضى منه الصبر=ان ماكفتك الاوله ذقها والاخرى شمها
الكلب لامنه نبح لقمته اتراب وحجر=قلت الخلا ثم الخلا لو الاذاني صمها
وصلت مواصيل الخطر معاد باقي لك عذر=كلمه وجاتك سمها زي ماتبيها سمها
برق بنفسك واستتر يامال قصاف العمر=قدام لاتمدح رجال المعرفه وتذمها
اسمع نصيحة عاقل رتب كلامه واختصر= عطاك مضمون الرساله رسمهامن وسمها
بغير الموضوع والفكره على الخط الحمر=و اوجه الدعوى لمن يارد زلايل جمها
شاعر علم من نوع فايف استار لامنه حضر=غطى على كل النجوم المرقبه ويغمها
امبارك بن محمد ابن غياث والعزوه ظفر=الشاعر اللي سابح تسع البحور وطمها
موهوب وهبه والمواهب من كريم لاومر=يعطي عباده مايشاء واناس يعلم علمها
نعم نعم قول وفعل خلق وأدب شاعر بحر=نجم سطى حين ابتدا ثم اعتلا في قمها
ابيه يحكم في القضيه مانبي زيد وعمر=قدام لاتكبر ويظهر للعواذل نجمها
راضي بحكمه لوبعد حكمه على نفسي صدر=راضي بحكمه والعوارف راضي في حكمها
افطن لها ياقاضي العراف في سطر وسطر=وانشد عن اللي ميّع الزبده وقام ايحمها
واقبل تحية صاحب الدعوى ويهديك الشكر=ياقاري الفنجال عندك علم ابوها وامها

 

 

 

 

[معلومات العضو محمد بن حمد الشكرة]

صح الله لسانك مدد بلا عدد ياالوحيد من اول بيت لاخر بيت وافية وكافية قصيدة جزلة ومااجزل منها الا طلتك البهية ارق التحايا

 

 

 

 

[معلومات العضو عبدالله الحافر الغييثي]

امبارك بن محمد ابن غيـاث والعـزوه ظفـر=الشاعر اللي سابـح تسـع البحـور وطمهـا
نعم نعم قول وفعل خلـق وأدب شاعـر بحـر=نجم سطى حين ابتدا ثـم اعتـلا فـي قمهـا
ابيه يحكم في القضيـه مانبـي زيـد وعمـر=قـدام لاتكبـر ويظهـر للـعـواذل نجمـهـا

كفو كفو كفو بك وبأبن غياث الله يستر يابن بطحيه وصح لسانك واعتلى شانك والظاهر الرساله وصلته ماعاد يحتاج هههههههه ماخليت فيها شي مبهم دائما متألق كعادتك,,,

 

 

 

 

[معلومات العضو الزين]

لاهنت يابن بطحيه وصح لسانك ابيات رائعه

 

 

 

 

[معلومات العضو محمد بن سالم الخضراني]

للشعر ناس تبدع المعنى وتقدح مـن صخـر
من مرهف احساس المشاعر تكتبه من دمهـا
شعـار وتعـرف المبـادي مايعيبهـا الفقـر
ماتتبع اريـاح المصالـح لجـل تمـلا فمهـا
اكبرمصيبه للشعـر واكبـر خطـا مايغتفـر
مثلك يجي في ساحة الشعر النقـي ويسمهـا
جاك الخبر واخذ الخبر وان كان ماعندك خبـر
قـدام تغريـك الرديـه واختهـا وتخمـهـا
هرج الردى جهد الردي طال الزمـن ولاقصـر
ماطال به راعيه والعيبـه علـى مـن زمهـا
هذي سنه خامس سنه مرت شهر ورى شهـر
اتجاهـل اعلومـك وقـول بتنتبـه وتلمهـا
معك التزمت الصمت والصابر قضى منه الصبر
ان ماكفتك الاولـه ذقهـا والاخـرى شمهـا
الكلب لامنـه نبـح لقمتـه اتـراب وحجـر
قلت الخلا ثـم الخـلا لـو الاذانـي صمهـا
وصلت مواصيل الخطر معاد باقي لـك عـذر
كلمـه وجاتـك سمهـا زي ماتبيهـا سمهـا
برق بنفسك واستتـر يامـال قصـاف العمـر
قـدام لاتمـدح رجـال المعـرفـه وتذمـهـا

الشاعر الكبير

حسن ابن بطحيه

صح لسانك وكفو قلت فاجدت

انت خابر مدى اعجابي بكل مايخط قلمك الذهبي

تقبل مروري وتحياتي ,,

 

 

 

 

[معلومات العضو خلاّد الزايدي]

ابن بطحية يقتحم الميدان متوشحاً سيف الشعر في قصيدة أقل
مايقال عنها دموية

ياأبومحمد أنا ماأدري وش سالفة القصيدة ولامن هي موجهة له
ومع ذلك شدتني أم الركب ... عسى الله يعين اللي مقيولة فيه وش الله
بيقول به لاقراها


على العموم أعتبر هذا الرد حجز ولي عودة هنا ولرسالتك التي شرفتني بها

 

 

 

 

[معلومات العضو سالم بن صمهود]

الوحيد
صح الله لسانك وسلم الله بنانك ويستاهل ابن عويد
لكن عز الله انه راح فيها شاعر المعنا الله يمنعنا من ماجراله

 

 

 

 

[معلومات العضو ناصر بن فهد]

:::
::
:






صح لسانك واعتلىـآ شانكُ
ولـآهنت على القصيده الجزلهُ ‘‘




؛

 

 

 

 

[معلومات العضو حسن بن بطحيه]

المشاركة الأصلية كتبت بواسطة محمد بن حمد الشكرة

ارررررحب يابو حمد جعلك تسلم صح بدنك لاعدمتك الف الف شكر لمرورك..

 

 

 

 

[معلومات العضو محمد الحضيري]

حسن بن بطحيّه الودعاني

صح لسانك مليون ولايكفون رسالة مفحمه بالمراد تزهى بالقوى الشعرية ولاهي غريبه عليك


تقبل مروري المتواضع


اخوك:
محمد بن حسين الحضيري

 

 

 

 

[معلومات العضو بدر بن صقر العجالين]

كفووو كفووو ياحسن درر كالعاده يالوحيد شاعر كبير وبلا أدنى شك

صح الله لسانك وبيض الله وجهك واسمحلي ياخوي توني أشوفها...

تقبل تحياتي،،

 

 

 

 

[معلومات العضو العنقاء]

صح لسانك يا اخى حسن على هذه القصيده

ودي وتقديري

 

 

 

 

[معلومات العضو نادر الناهشي]

الشاعر حسن صح لسانك


قصيدة من عيار ثقيل

 

 

 

 

[معلومات العضو محمد مبارك ماجد]

حسن بن بطحيه الودعاني
شاعر مبدع وجزل ياحسن صح لسانك واعتلى شانك

 

 

 

 

[معلومات العضو فيصل بن جزاء]

صح لسانك واعتلى شانك ياابن بطحيه

قصيده من نوع ( أر بي جي ) والضرب محكم

تقديري واحترامي