خذلك نصيحه

[معلومات العضو بن الجراح]

خـــذ لك نصيـحـــه

اهــداء الى احـد الاصــدقاء الاعــزاء الـذي احبـه لله
واحب لــه الخيــر كمــا احبـــه لنفســـــي .

ارفــع بنفســـك عـــن اســلوم الـــردايـا = ولا تجــي فـي كُـل الاوقــات مــزّاح
المــزح لـــه حــــدً ووقـــــت ومــزايـــا = وما كل سـاعه تاجد البـــال مـنســاح
خـــذلك نصيحـــه مــن ســليـم النـوايـا = صديق لك صادق بالاســرار مــا بـاح
بعـض الحكــي يجـــذب عـناك وعنـايــا = وتـــرا النـــدم يانســل الاجـواد ذبّـاح
نــاره تســــوّي بالضمـــايـــر ســوايــــا = ولا ظـنتـي عـقـب النــدم راح تـرتــاح
حـاســب علــى نفسك وخلك معــايـا = عــن لا يشــــيلنـك عـواصيـف الاريـاح
قبــلك تــرا دنيــاي زادت شـــــــــقايـا = ومنهـا افــوادي يمتلــي هــم واجـراح
ولانــي مــن اللــي يـرغبــون الدنــايـا = ولاخـذت مـن لـذاتهـا اوسـام ووشـاح
ولا طعـت فـي مبـداي ربـع الـوشـايـا = ولا صـرت انـا لاهــل المهـازيـــر مـلواح
تبقـــى على الله تكلتــي مــع رجـايــا = اللـي كـتـب رزقـي وعـمــري بالالـواح
يا جـعلنــي احـظـــى بـعفــوه عسايـا = يـــوم الحشــر حــزات يُسـألـن الارواح
واقبــل سلامي مــع جـزيـل التحــايـا = من قلب لاهل الطـيب شــفه بالافـراح

محمد بن سوعان الربيّع

 

 

 

 

[معلومات العضو الكاتم]

صح لسانك يابن الجراح على القصيدة الوافية والجزلة والمليئة بالنصايح والحكم

 

 

 

 

[معلومات العضو بنت الذيب]

صح لسانك

ويعطيك العافيه على الابيات الجميله

شكري وتقديري

 

 

 

 

[معلومات العضو نآصر البدراني]

صح لسانك وبيض الله وجهك يبن الجراح على الجزاله والنصائح

 

 

 

 

[معلومات العضو بن الجراح]

الكاتم

هلا والله وغلا
نورت بمرورك الطيب
لاهنت

 

 

 

 

[معلومات العضو بن الجراح]

بنت الذيب

هلا والله وغلا
يسعدني ويسرني متابعتك وتعليقك الرائع
لك تقديري

 

 

 

 

[معلومات العضو بن الجراح]

ناصـــر البــدرانــي

هلا والله وكل الغلا
نورت بمرورك الكريم ويسعني تواجدك بمتصفحي

تقبل خالص تقديري ومودتي