غوج ابو خالد

[معلومات العضو "ولد الحراجين"]

بسم الله الرحمن الرحيم

هذه قصيدة للشاعر المعروف الامير المرحوم:محمد الاحمد السديري
إلى عبدالله الفيصل فجاوبه عبد الله الفيصل

يقول الشاعر

من غوج ابو خالد نشدنا هل الخيل = قالوا لنا يفلح بيمنا سليمه
قالوا قحوم ويرفع الراس بالحيل=مع اول الغارة يعطعط رهيمه
يهز عرفه والسبايا مشاويل=متذكرن هاك الفعول القديمه
يسبق ولا يلحق بركضن تنافيل=والبكره الوضحى خذاها غنيمه
كسبه فتاه ولا يخز المخاليل=هاك الخزيزه حط فيها الوسيمه
غارة ضحى ماغارته باوسط الليل=على النقا بالكود يجدع خصيمه

فجاوبه عبدالله الفيصل

حي الجواب الي لفانا والتماثيل=من ما جدن ما يستمع للنميمه
هو حاصلي لاكملن المحاصيل=راس الشكاله والطروق السليمه
من كنت خاله ما شكا بردة الحيل=يرد مثلك في توالي الهزيمه
غوجي على ظنك وترك هل القيل=من مربطن نادرعسى الله يديمه
خص اليا من شاف زين التعازيل=مثل العنود ان عاودت بالخزيمه
ما جمع اصله مثل خطو المها شيل=اللي تدك ابهم عروق سقيمه

وسلامتكم

 

 

 

 

[معلومات العضو الودعاني]

ولد الحراجين سلمت يمناك على مانقلت لاميرين و شاعرين من فحول الشعر
صح لسانك وبيض الله وجهك...

 

 

 

 

[معلومات العضو سعد المقابله]

ولد الحراجين

الله لايهينك ومشكور

على القصايد الطيبه

 

 

 

 

[معلومات العضو ذيب الشكره]

لاهنت على المساجلة بين الشاعرين الكبيرين بيض الله وجهك

 

 

 

 

[معلومات العضو فهد الغريري]

اخوي الفاضل "ولد الحراجين"

بيض الله وجهك على هذي المساجلات بين شاعرين من كبار

شعارا الجزيزه العربيه

اسأل الله ان يرحم الميت منهم ويبارك في الحي.

والسموحه على التنسيق.

تقبل تقديري واحترامي

اخوك / فهد الغريري

 

 

 

 

[معلومات العضو "ولد الحراجين"]

اخواني : الودعاني؛ سعد المقابلة؛ ذيب الشكرة ؛ فهد الغريري




اشكركم على المرور واسف على التأ خير