لابتي ياعصابتي راسي الفزعه

**معلومات** **العضو** · 18-10-2009, 06:12 PM

الاخوة الاعزاء \\\

اخوكم في الله ابوهديل في مأزق وبي منكم الفزعه كل بما تجود به نفسه

والموضوع ومافيه ان احد الدكاترة بجامعة الملك سعود طلب مني بحث

200-300مثل متداول عند قبيلة الدواسر بمعناه وقصته ومن عرف شي

تكفووووووووووون لاتخلوني واعطاني مهله 4اسابيع من تاريخ 29/10/1340

(((( شي كان وصار مضرب مثل من اي كان من الدواسر)

لآبتي ياعصابة راااااااااااااااااااااااسي الفزعه الله لايهينكم

**معلومات** **العضو** · 18-10-2009, 06:20 PM

أبشر بالفزعه ..

بس عندي سؤال نبحث لك وندور في قوقل ولا نسأل الشيبان ؟؟؟
وضح أكثر
أنتظر ردك....

**معلومات** **العضو** · 18-10-2009, 06:28 PM

انا ابي الله يعافيكم الامثال الشائعة عندنا يادواسر وتخصنا

**معلومات** **العضو** · 18-10-2009, 08:52 PM

أبشر بعزك إن شاء الله

بس ياليت توضح أكثر << ماأستوعبت

**معلومات** **العضو** · 18-10-2009, 10:51 PM

ياخوان ابي امثال شعبيه مشهورة عندنا يادواسر ومتداوله وسبب هذا المثل

**معلومات** **العضو** · 19-10-2009, 12:26 AM

إن شاء الله افيدك يا ذيبان

أخوي لايجي في خاطرك شي .. إزهل هاك منها ولاهيب كلها

من ظمن الحكم :

نشبت رجل حجيل .. ماعلى الحوار من رمحت امه .. القرد في عين امه غزال

وإذا شافو الولد الزين قالو : إذا كان ذاه القعود فكيف البكره

وإذا شافو الولد مهوب زين قالو:

إذا كان القرد برى ترى الغزال داخل

وإذا ضاق على احد الدوسري قال :
مايقوم العزنز الرابضه
ولا قال :
مايسوى التاليه من الغنم

ومن ظمن الامثله :
شف وجه العنز واحلب لبن

وبعد منها :
انت امير وانا امير من ساقبنا الحمير

وبعد :
زيد أخو عبيد

وبعد :
من بغى الدح قال اح

وبعد :
الجمل لاطاح كثرت سكاكينه

وبعد :
لا شافو الاقشر قالو ( سارح ولاتمارح )

واذا شافو الطيب ومازحوه وزعل قالو له ( مزوح تجي وتروح )

وبعد :
هذا مثلا لاشرا شي وصار احسن من راعي الشي الاساسي
يقال له ( جاء عقبه وعقبه )

وبعد :
اظرب الذيخ يستادب به الفهد

وبعد :
اللي في القلب يظهره الملاس

وبعد :
الناس المتحابين يقول للثاني أحبك يقول الثاني القلوب شواهد

وبعد :
إذا صار الولد ارفل فاغر ينثر كل شي يقولون له ياغماجه

وبعد :
عنز تنطح في جبل

هذي والله وانا عجل والمعذره على التأخير وفي الليل إن شاء الله القابله اكمل لك اللي تبي بس عطني طال عمرك

**معلومات** **العضو** · 19-10-2009, 12:51 AM

أبو هديل

حياك الله ولكن وش ذا الدكتور الناشب !!!

ابشر بالسعد والشباب ماراح يقصرون والمدة ابشرك كافيه (4أسابيع)

بس علمنا الدكتور منهو منه !!! يعني لو (خشرنا ) الأمثلة بغيرها راح يدري ولا لا !!!

وعلى فكرة ترى فيه موضوع في قسم الشعر العام ( شارك بمثل ) وكان عليه تفاعل كبير قبل عدة اسابيع أو في رمضان يمكنك الاستعانه به.

ومثل ماقلت الشباب ماراح يقصرون بإذن الله ولو فقط علشان العنوان حق موضوعك.

تقبل ودي وتقديري ،،،،

**معلومات** **العضو** · 19-10-2009, 01:50 AM

هههههههههههههههههه

يبالك مرجع تاريخي..........خاص بالدواسر...

حتي تكون المعلومه صحيحه....

قوم بعمل إستبيان...وأعطيه المتعلمين من القبيله الي حولك..

**معلومات** **العضو** · 19-10-2009, 02:52 AM

لاتعلم اليتيم البكى ,, يظرب هذا المثل قلت لااحد سو كذا وسو كذا واهو اعلم منك بهذا الامر

**معلومات** **العضو** · 19-10-2009, 04:09 PM

نكمل

في خاطر ابو زيدا نهقه ( لاقام الواحد يشتري ويبيع او يبي يطارح احد )

وبعد :
لبوك لبو قطوش ( لاقال احد بسري قالو له كذا )

وبعد :
عمي الظعن ( مثلا لاسوى اجد شاهي وشب في المطبخ )

وبعد :
أطول مافي ال......... لسانه

وبعد :
مراح جدي

وبعد :
عط الخباز خبزك ولو اكل نصه والمثل دااااارج

وبعد :
كل ماجات ترزق عيا ابوها

وبعد :
واجد من حميدة بنت

وبعد :
انت لغبه ( يعني مزعج لزقه كل شي مهوب زين )

وسلااااامتكم

**معلومات** **العضو** · 19-10-2009, 06:37 PM

ابو هديل

حياك الله طال عمرك والله يعينك ويوفقك في بحثك

وانا اشوف لو عممتها على الامثله الشعبيه بمنطقه نجد فترى بتسهل عليك كثير

وبحكم ان قبيلة الدواسر في نجد فبتكون بذلك مسهل على نفسك فالامثله اللى

متداوله بنجد بتكون اكيد متداوله عند الدواسر ,, وان شاء الله لي رجعه

**معلومات** **العضو** · 20-10-2009, 11:31 AM

السلام عليكم 1-حلبها وصرها وقال ناقتي 2-مراح الدخان 3-مقيط وقفاه رشاه4 نطيت من زرع ضرفاس على زرع مضرفس-5الحباي مايجي من تحت المنبطح6-تدور التمر عند مصاص الفصم7-جا بيكحلها اعماها8- هذا مايحضرني الآن والله يعينك على الترجمه ولي عوده إن شاءالله لان امثال الدواسر حكايه

**معلومات** **العضو** · 20-10-2009, 02:34 PM

نكمل

كلمه تستحي منها بدها

...

وجها صد ما يلام

.....

اشوف ابو هديل مايرد ويقولنا ويش يبي زياده ولا كفينا مدري عنه كنه يقول خلنا نشوف ذا المجانين

بين اذا كانك متابع

**معلومات** **العضو** · 20-10-2009, 02:38 PM

امثال الدواسر اذا تقصد مايضرب به المثل

ويكون المثل يعني احد الفخايذ فهي

قليله ولكنهاالذي اعرفه غير صالح للنشر

**معلومات** **العضو** · 20-10-2009, 02:51 PM

اقتباس:

المشاركة الأصلية كتبت بواسطة ابو زيد الغييثي

امثال الدواسر اذا تقصد مايضرب به المثل

ويكون المثل يعني احد الفخايذ فهي

قليله ولكنهاالذي اعرفه غير صالح للنشر

اعتقد يابو زيد

ان اخونا ابو هديل يقصد الامثله الدارجه عند الدواسر

وهي واجد ووممكن بعض الامثله تلقاها دارجه عند قبيله واحد من قبيله الدواسر

وان شاء الله يلقت التفاعل

الذين يشاهدون محتوى الموضوع الآن : 5 ( الأعضاء 0 والزوار 5)

		منتديات صحيفة وادي الدواسر الالكترونية