مساجلة شعرية

[معلومات العضو ابن مشخص الغييثات]

هذي المساجله بين ..!
الشاعر: محمد بن منيخر الغييثات
والشاعر: سالم بن خصيب الغييثات
.
واتمنا انها تحوز على اعجابكم ..❤
•••••••••••••••••••••••••••
.
.

يامـاجـد اعلوم المطـر من سحابـة
...............ماجاك بعلوم الوسامي مناديب
نـبـي نـربـع دون خـشـم اللـهـابـة
..........((في فيضة السرداح والبل عوازيب))
قـم يـارفـيـق الـمرجـلـه والــذرابــة
...........شيك على الوايت وانا اشيك الجيب
العـمـر يمضي واللـيـالـي نـهـابـة
.................والقيض عومسنا بحر الواهيب
وقـفـة مـع طـفـح اللحـي وانقلابـة
...............شفي ي بوسالم مع شمخ النيب
قم سرهن ياخـوك مـسـرا الذيابـة
.................وارعا جنبهن يازبـون المواجيب
هـوبل وجـر الصـوت جـر الربابـة
................مع بنات الهـرش هزع العراقيب
وضحاً عريضة جنب فيهن مهابـة
..............فنس الخشـوم اللي وبرها كلاليب
يابن خصيب الـبـر عـنـدي زهابـة
...........وحـرام ماتشـري المقاضي ولا تجيب
انت اشمل وشمر وشـد العصابـة
....................والباقي خله عنـدنا له تراتيب
ابـعـد عن الـوادي شجـرتـه ودابـة
...........وادي النكد ماهـوب وادي هل الطيب
ابـعـد بنـا عن مـعـمـعـات الـكآبـة
.................نبي نسج اقدامنا شـوي ونغيب
.
الشاعر: محمد بن منيخر الغييثات
.
.
""""""""""""""""""""""""""""
.
.

مرسول ابو بندر وصل مرحبابـه
...................ترحيبتن عنوانها المسك والطيب
عن الحيا ينشـد ويبغي الاجابـه
.....................متحريٍ للخير من عالم الغيب
وعـلـم الـحـيـا لاطـاح كـلٍ درابـه
...................ابـشـر بعلمه ياطويل الاشانيب
ذكر الحيا والسيل عندي حكابـه
....................رجال صادق مايحب التكاذيب
من الحفـر حتى مشارف حرابـه
.....................وشمال لرقعي تعـدا الدباديب
والعشب وجهه فالنبات امتشابـه
..........................فيه الطيور ينقبنه تناقيب
ومن عقب هـذا العلم قلبي نوابـه
...............نبغي نعسه يابوبندر على الـجـيـب
ودي بـنـوره والـعٍ مـع صـطــابـه
..................لين الـنـجـوم تهف للـغـرب وتغيب
مـايستـوي قالوه والـي مـشـابـه
.................نظرت عيونك تبعد الـشـكـ والريب
وياماحلا والصبح يهتف ضبابه
.................حـدر المزون الي مطرها سواكيب
النار تشعم والحطب سمر غابـه
...............يـشـرط على طيبه خبير الحطاطيب
من فوق جمره كل غوري غلى به
..................من كل كيف تشتهيه الـشـواريـب
والصاج فيه القـرص جمره ترابه
...............يـفـرك على سمن النعاج الخـراعيب
وعقبه ركـوب الـجـيـب كـلٍ وبابـه
.................ونـت الـدريول يابعيد المـحـاضيب
خلك تـحـوفـه مثل حـوف الذيابه
...............اما السنع خله على الـذيـب يـاذيـب
للـمـالـحـه لـك وقـفـتٍ وانـقــلابـه
.....................يم الـحـفر منك على قد تغريب
وانكان صح القول ملي حكـابـه
.......................شديدنا مافـيـه شـكٍ ولا ريب
.
الشاعر: سالم بن خصيب الغييثات

 

 

 

 

[معلومات العضو نآصر البدراني]

ياسلام ياسلام

صح الله ألسنتهم والله يرزقنا الحيا والخير والربيع

لاهنت طال عمرك ..

 

 

 

 

[معلومات العضو مبارك بن شافي النتيفات]

صح الله ألسنتهم والله يرزقنا الحيا والخير والربيع

لاهنت طال عمرك ..