الشاعر :- عبدالله محمد الفرج المسعري ...... - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: قسم أمـراء وفـرسان وأعـلام الـدواسـر::

إضافة رد
انشر الموضوع
 
أدوات الموضوع انواع عرض الموضوع
قديم 17-04-2005, 04:10 PM   #1
 
إحصائية العضو







الهيلاني غير متصل

الهيلاني is on a distinguished road


افتراضي الشاعر :- عبدالله محمد الفرج المسعري ......

السلام عليكم ورحمة الله وبركاته






-- هو شاعر من شعراء دولة الكويت . نظم الشعر الفصيح والنبطي . شعره الفصيح ضاع أكثره أما العامي فبقي محفوظا مما سهل جمعه وأصداره في ديوان شعر كما أنه له ألحانا وموسيقا ما زالت تعيش بيننا حتى اليوم .


-- نسب الشاعر :- هو ( عبدالله بن محمد بن فرج بن عبدالرحمن بن فرج بن سليمان آل طوق المسعري الدوسري ) . وعائلة الشاعر تعرف في القديم بآل الصراف ثم بآل طوق ولتكرار اسم فرج فيها غلب عليها هذا اللقب .


-- سيرة حياته :- كان جده سليمان بن طوق قد هاجر من قريته ( نزوى ) من منطقة ( النويعمة ) في ( وادي الدواسر ) في ظروف مجهولة إلى الأحساء وفي القرن الثاني عشر انتقل فرج جد الشاعر الى بلدة الزبارة من قطر وكان يحكمها يومئذٍ محمد آل خليفة مؤسس حكم الخليفة أمراء البحرين ونشأ ابناه عبدالله ومحمد ( والد الشاعر ) يزاولان الأعمال البحرية في الأسفار الى الهند، وكان محمد بن فرج ذا همة عليا وبصر بشؤون الملاحة والتجارة فاستطاع أن يكون له ثروة كبيرة تقدر بالملايين في زمن كانت ثروات بلاده لا تتجاوز الألوف وأصبح يملك أسطولاً من المراكب الشراعية الضخمة، وكان قد انتقل إلى الكويت في أوائل القرن الثالث عشر وجعلها مقراً للعائلة على أن أعماله حتمت عليه الإقامة في بومباي الهند . وقد تزوج من خديجة بنت إبراهيم بن تمام الدوسري فأولدها عبدالله مترجمنا في الكويت سنة 1252، ونشأ شاعرنا في بومباي الهند في أحضان والده حيث الثروة والرفاهية والنعيم لأنه وحيد أبيه وتلقى دروسه في المدارس الهندية وتعلم العربية على أساتذة خصوصيين هناك حتى برع في كثير من العلوم، ولكنه آثر الشعر والموسيقى . وفي الثامنة عشرة من عمره توفي والده سنة 1270 بالسكتة القلبية فاستولى على تلك الثروة الضخمة ولكنه بددها في مدة قصيرة لميله إلى اللهو والملاذ، فجاء إلى الكويت مسقط رأسه وأقام متردداً بينها وبين البصرة منقطعاً إلى نظم الشعر والتلحين والغناء فاكتسب شهرة واسعة ومقاماً رفيعاً هما أبقى له من التجارة والثروة .


-- نبذة عن شعره :- ينقسم شعره إلى نوعين: الأول الشعر العامي المسمى بالنبطي وهو هذا ويمتاز بأن الشاعر أدخل فيه كثيراً من تعابير البلاغة والبديع لتأثره بالأدب العربي، وقد كان قاصراً على اللهجة البدوية، وله قصيدة طويلة مطلعها (أنشيت من روض الفكر يوم أن حضر) حاول فيها أن يجعل للشعر النبطي قواعد وضوابط وبحوراً وأوزاناً كالشعر العربي وللأسف أننا فقدناها ولم نعثر إلا على قطعة منها في الألغاز سنثبتها في موضعها . أما شعره الفصيح فهو من النوع الجيد المتين وفيه نوع من التحرر من أسلوب اللفظ البديعي الذي كان متبعاً في زمنه وإن لم يخل منه أحياناً لبعض الدواعي .

قصيدة للشاعر - يمدح بها الشيخ :- عبدالله الثاني الصباح - حاكم الكويت الخامس :-

تلوح بخشوم الأعادي وسومه=مثل الرشوم وقايد الصعب بزمام
حَر جناه الصيد مغذي لحومه=تشوف عقبان الورى منه خرَام
أندى من الغيث المثلَه غيومه=بالجود وألطف من ذعاذيع الأنسام


-- أما قصائد الغزل لدى شاعرنا فهي رقيقة الى حد كبير ومليئة بالأحاسيس المرهفة . ويقول في أحدى قصائده الغزلية :-


جرى الدمع من عيني على الخد وأنتثر=وبيَح بسَدى يا علي دمعي الجاري
شجاني حمامِ ناح بالمورق الخضر=وهيَض غرامي تالي الليل وأفكاري
ألا واشقا قلبي من الويل لى ذكر=حبيبِ جفاني يوم رنَت به أشعاري
جفاني وعرَض بالجفا روحي الوعر=وجسمي دعاه من اللحم ناحلِ عاري
نحل حالتي هجره وياليته ما هجر=محَب يروف بحالته دوم ويداري
خنين الذوايب يا علي كلمَا خطَر=على البال ذكره سبَه البال بذكاري
أنا كيف أبسلى عنه وأصبر كما صبر=وأنا اللي بحبَه للملا شاعت أخباري
يلفني على فرقاه وجدي مع السهر=فهل يا علي عن حالتي متلفي داري
ضحوك اللمى له غرةِ كنَها القمر=الى شعشعت يسري على نورها الساري
جسينِ سواته ماحدِ شاف أو نظر=غزالِ بزينه يخجل البيض ويماري
أنا سبَ شوفي للغضي في شهر صفر=نطحني عصيرِ ساطعِ نورها واري
نطحني وحيَرني بها صافي النحر=وسبَه دليلي عقب ما تيَه أفكاري
ألا ليت عن حالي حبيبي خذا الخبر=ولا هال من تذري همومه كما الذاري
علامه الى من شافني مقبلِ نفر=والى قلت قولِ . قال والله ( بيعاري )
ألا يا هل المعروف ما ينفع الحذر=قضى الله ربي ما قضى بأمره الجاري
بلاني بالهوى وبليت بالجادل العفر=وهذا المقدَر يا علي حكمة الباري
هواي الذي عنه أتحفَى مدى الدهر=وهو ما يسل عني ولا هوب في كاري
أرى منه روحي ياهل الغي في خطر=الى مت فأخذوا منه ياهل الهوى ثاري



وقال الشاعر يخاطب الأديب :- محمد بن غنيم الزبيري :-

بالله يا ركبٍ تعنّى بمكتوب =حاوي سلامٍ ما حوته المكاتيب
ما افترّ عمّا جانس الردّ مقلوب =الا وهو يفضح عقود الرعابيب
يا ركب لو هو من محبٍّ لمحبوب =ما قول به خوضوا الدجايا المناديب
يابي الشفيق وعينا الاصحاب ماهوب =يا ركب من يهوى العنا للاصاحيب
تريضوا لو منكم السير مطلوب =يدعوكم الداعي على الرحب والطيب
حتى ترون أمن الدجا دولة النوب =تفصخ لها كرج الصباح الجلابيب
فيلا انبرى فيها الذكا مثل رعبوب =تركض لها الحربا بروس المراجيب
وانساح من لونه كما التِّبر مذيوب =لا بأس يا ركب فدنو هراقيب
يعاملٍ ياما ترامن على الدوب =فوق الرها مثل النعام المراعيب
ما فاتهن جول من الربد مرعوب =ساقه من الساقه حفيف النشاشيب
او مسّهن اينٍ من النص ولغوب =من كثر ما يطون نشور السباسيب
بزلٍ نماهن بالعراميس منتوب =ما جابهن غير الجديل غير الجديل المناتيب
في سبسبٍ كنَّه على النار مشبوب =يطرد شواظه عن مراجيبه الذيب
قفرٍ تمين العين به مَين عرقوب =ما جابه الساري بليلٍ ولا جيب
يا ركب جدّوا بالنبالي على اللوب =حيثه لمن يدّي حقوق المواجيب
للمبتعد عن كل عيبٍ وعذروب =وامنزهٍ ما انعاب عرضه ولا عيب
غادر بياضه كالبرد هلّ ما شوب =من ساريات في الغوادي شآبيب
يثني على ربّه بالامداح مذروب =والمدح ما يزهي بغير المذاريب
المعترف له غارب المجد مركوب =وسط الزبير وماضيات التجاريب
امحمدٍ لا زال بالخيم محسوب =ومهذبٍ بالجيل من غير تهذيب
يا بن اغنيم افرت لك الخد وتجوب =مركوبةٍ منّي عرت بالمراكيب
بشكايةٍ شرع بتحبيرها البوب =محيي الهوى لك يوم عبر بتعريب
يشكيك من ذاله عن القوت محجوب =حولٍ ومثله عن املاما الخراعيب
يفتر به في مسقط الراس دالوب =فكرٍ ويندب به فراق المعازيب
واحوى يجرّ بعامل الصدّ منصوب =هيهات مع وقع الجوازم مناصيب
يغريه من كنَّه من الزف مجذوب =ما زال تحت الردف نوق العراقيب
مثل الدجا فوق الضحى فوق نبنوب =فوق الروابي فوق من كالانابيب
والمى تنوَّر عن لمى فيه مرهوب =عين الحياة وعذبت فاه تعذيب
آليت ما الراح الذي دير مسكوب =مثله ولا الشهد المصفّى إلى ذيب
وألحاظ زرقا ما خطاهن الأشبوب =من شك ما ترهب سواجيه وتريب
تحمي رياضٍ ربّها الخال مرهوب =سودٍ تحت ذيك الأهلة غرابيب
ألفيت شوب من تجافيه وخطوب =يا ميم حاميمٍ ودال وتابيب
ما شاف يونس صاحب الحوت وأيوب =شفته بليعاتٍ لهجرة وتعذيب
الا وحزن ما ذكر حزن يعقوب =مثله ويصغر عند حزني إلى جيب
يا من رجيته يرخص البال ويصوب =صوب الحيالي من طها الردّ ويجيب
حسبك نباي ومدّني قبل ما ذوب =والهقوة اني من نبا فيك ما خيب
فاسمح بردٍ لا برح منك مندوب =يأتي علي حسب الرجا فيك ويثيب
والردّ للمشتاق هو خير مطلوب =واسلم وعن داعيك لا تذخر الطيب


ومن قصائد شاعرنا :- عبدالله الفرج . في الرثاء :-

مرت بي القدرة ضحى يوم الاثنين =ديران خلّي باللِّوى والحبايب
وارفض من عيني كما فايض العين =دمعٍ بمثله ما تجود السحايب
يا دار من نزف الدما للنظيرين =ما هو نزيف الراح بحماك غايب
ليت المنايا في أمور الجديدين =ما غادرنّه هايمٍ مثل سايب
إلا صريعٍ بين الافيا وما بين =قبر الغضي تذري عليه الهبايب
بجوار من غيب له الخدّ خدين =عندي كما وصف الوذايل لهايب
يا ليت ما فوّه بها لزين والشين =إلا وهي الشكوى على غير ثايب
حول الدريك ومن دنا يومه البين =والمندفع يومه فهو عنه غايب
ما جور يا بايع حياته بفلسين =مرخص بها من عقب صافي الترايب
آليت ما نزه يمينه عن المين =إلا وهو مخلص عن الغير نايب
هل حال بالتفريق ما بين الاثنين= إلا زمان نابني منه نايب
ثقل غريم ذاك حمل من الأين =عليه ما تقوى الجمال الصلايب
ما يرحم الديان مستافي الدّين =حال عليها طالب الدين لايب
قالوا تصبَّر تحمد الصبر بعدين =واطلب من المولى عزا بالوهايب
عمَّن غدا بالحي بين العشاوين=يوم العذارى مطنبات النحايب
واليوم يا باكي عليهم إلى وين =كثر البكا والنوح ما هو بثايب
هوِّن ترى ما أنت بتقاضي هله دين =ما هم على خبرك هواهم شوايب
صار الفريج اللي تخبره فريجين =من عقبهم واذكوا وطيس اللهايب
هل لايحٍ في الحيّ بين الضديدين =إلا مراهيش القنا والكتايب
وبليت والدنيا بعين ولامين=ياللي رثيت امواتهم بالقصايد
صافيتهم يا بن امحمد ونعمين =بك يا ثقيل الرَّوز عند النوايب
لا تطلب الدنيا بزين ولا شين =لو فرقت بك عصبة بالعصايب
إن كنت منها مبتلٍ قبلك ألفين =ابلتهم الدنيا بجل المصايب
دنيا كفى الله سوّها بالجديدين =حنّاتها ما تنقضى والطلايب
إلى اقبلت يوم فالادبار حولين =يقفاك منها والهبايب لهايب
لا تستريب ان صابت الناس بالأين =أو شيّبت شبّانها بالشوايب
كما غادرت معصوب جمع فريجين =والعظم مكسور حليف العصايب
يا ما رَمَت بالذلّ ناسٍ مسمين =واستنقلت نحو العلا كل خايب
شتّان والدنيا وهم كالعدوين =من سابق للناس ما هو بغايب
مير استعن بالله وهو قاضي الدين =يوليك من فضله عزا بالوهايب
إن كان لك طرد القضا والفدا بين =لحقة عداه بعين فهو السبايب
وإن كنت مكلوف فلا كمل الدين =إلا الضليع اللي من أهل الصلايب
هل كيف ما تسلا وعندك مهاتين =عقبه تبقّن كالامهار العرايب
تلقى العوض بحدى المهاتين هاتين =اللّي عليهن لاح روق الشبايب
قبله ضعاينهم تجازت معدين =يتلون سهمٍ للمقادير صايب
قلت التسلّي والعزا عزّ ومنين =يقواه مثلي مولع القلب ذايب
ما اعتاض عن مضنون قلبي مع العين =لو انهنّ من حور عدنٍ ربايب
قلت آه ليت الموت قبله بيومين =نحو الديار العافيات الخرايب
أواه يا من عقبهم خانه الحين =واطمى عليه بغير عقل الغلايب
متحمِّـلٍ لو قالوا الناس ولّين =من حيث فقد انسان عين القرايب
الله يجازي فاعل الزّين بالزّين =والشّين بالشّينات والحرّ نايب
من مبلغٍ منّي الغوات المشقين =لا فرَّج الله همّهم والكرايب
إني تحملت المصايب بهم لين =عِفت السّهم منهم بليّا طلايب
وادعيت دنياهم لهم وام وجهين =من شيّب الشبّان منها الشوايب
كم اطلقت بالعز ناس مهبين =واستأسرت بالذل ناسٍ أطايب
وايدٍ دعتها دوم صفرٍ من العين=ما كنها جادت ببذل الرغايب
مثل الجواد اللّي تعطّل من القين =وانحال من كسره حليف العضايب
قل آه يا دنيا عسى ما تولّين =حال الصديق بمعضلات النوايب
لا تستذيل الدال والميم والعين =حزنٍ على ما فات ما ذا بثايب
ما ثاب غلٍّ لو حكى دم الأخوين =أو ردمهم للمقادير صايب
شف ما مضى لك واعتبر قايلٍ وين =من خلّفوا ميلانهم للنهايب
مثل الشموس وما رجت شوفها العين =تطلع عقب ما غيَّبتها المغايب
والموت ما يرثي لحرٍّ ولا قين =مو ود تشيظ الناب منه العطايب
من شك ما الادنين منا والاقصين =ما هم لغارات المنايا كسايب
كدغ وهو بالكاف والدال والغين =وامر القضا ما عنه ملجا لهايب
والحي لو طالت حياته إلى وين =خيره على قبره ترزّ النصايب
كلٍّ مردّه من حياته إلى حين =والمستعان الله على كل نايب


وفي قصائد الهجاء قال شاعرنا :- عبدالله الفرج

القلب ما يصبر على ما يذيبه =أي والذي نزَّل تبارك والأحزاب
أقول يا للداد لي من مصييه =وافت تغث البال من بعض الاصحاب
يا للملا كيف الصحيب بصحيبه =يقطع كما قطع المواضي للاصحاب
عيبٍ على من يعتزي بالنجيبه =يلبس عيوبٍ ما لها ستر وحجاب
ما ناهشٍ لحم الفتى مستغيبه =إلا عدٍّو له ولدماه شرّاب
لو يصفط الشرّ الجريب الجريبه =قال الجريب الخير كا بالاحباب
قم لا رعى الله من رضا بالغليبه =من عشرة ما طوَّلت شارب الشاب
شرواك يذكر عشرةٍ مستطيبه =يوم العصور اعصور بالناس الاطياب
يا عونة الله ذيك مثل الشبيبه =راحت وفاجت بالحبايب والاحباب
ما طوّح العود المولّي نحيبه =إلا عليها حسرة عقب ما شاب
كب المناوي ما تقود الصعيبه =يا مرشد من تاه رايه بالالباب
والحظ الاسعد ما يجي بالغصيبه =أكود من والي السما رب الارباب
واليوم يا من لا ذكر مثل طيبه =طيب يذكر كان ابا زيد وذياب
حاشا تخامرك الظنون المخيبه =أو تحسب الحاضر يعيضك بمن غاب
لا خير باللي ما مزونه سكيبه =والى ترزم ما شفى الغلّ سكاب
من موصلٍ مثل الرياح الهبيبه =منّي جواب حاوي الذمّ بكتاب
للفاجر اللي يقطع الله نصيبه =قطع الرشا بالبير من مسّ جذاب
لولاه مسوٍّ كان انا ويش لي به =مير العروض استلحقتنا بالاعتاب
هو ما درى انه ما يبرد لهيبه =قرضه بعرض صين كالسيف بجراب
مستارثٍ طبع وهو ما يعيبه =من سابق ما هوب من تَوْ منعاب
ما صاين داير عذاره حسيبه =مشراط حجّام بحمام منجاب
يطلب دواه وداه معيي طبيبه =من عالجه غير السويدي ولا طاب
الله لا يبلي حدٍّ ما بلي به =والمبتلي بالنفس لا شك منصاب
شاقول بك يا اللّي نقودك سبيبه =نحو الخزي يامال بنار الارقاب
يامال ما تفري الدروع الصليبة =زرقا تلظي كنَّها وصف مشهاب
تجذّ لمقيط الرشا وتغدي به =ويطس باللي ما يحفظه إلى غاب
حيثه كما قال الطّليب الطليبه =للسّو مفتاح وللشّر هو باب
يحول ما بين الحبيب وحبيبه =شروى العين إن فر بالكيد دولاب
محدٍّ بذل مثلي بشرواه طيبه =والطيب يبذل من عريبين الانساب
كله لعينا صحبةٍ له قريبه =بيني وبينه قادها بعض الأسباب
واتلاه ذاك الطيب عيا يجيبه =يم العمل وانحال ذاك العسل صاب
مرضع حرام ذاك هذا حليبه =لا جابت الارحام مثله والاصلاب
إن كان ذا فعله فخير الرحيبه =تضيق به وتصير له مثل دباب
يا ويح ذاك التّيس من ناب ذيبه =ومن الزمان إن جاء كالداب منساب
والويل له من شكوةٍ ما تثيبه =إن طاح ما بين الظِّفر منه والناب
كنّي بذاك إن جا بحال تعيبه =يلقي بعشّه بايض ارقط الداب
يا لعن ابو يا ناس من يعتني به =أو من يحامي عنه لو كان كذّاب
كيف الذي يرتاب من كل ريبه =يعناه من لا هو من العيب يرتاب
يكرم على راعي السجايا العجيبه =يجود له والحر ما جاد لغراب
يا قارضٍ عرضي بمقراض عيبه =ومصيدحٍ ما زال مثل الهوا الهاب
بالعون ما سكنت بحر غبيبه =ترمى إلى جاشت من الموج بهضاب
أودعت نفسك للاهاوي العطيبه =مثل الغرض لا يا غبي بما جاب
جهل تحسب ان الغرض ما تصيبه =عن قوسها ذيك الرمايا والحراب
خذها من اللي ما تهنّى حريبه =في غارةٍ شعوا يذكر بالاعتاب


وقال يعاتب الشيخ :- محمد بن عبداللطيف العبدالرزاق ( وهو من أعيان الكويتين الذين يتعاطون التجارة ) . بسبب خلاف على نخل في الزبير ، وأرسل هذه القصيدة إليه وهو في بومباي الهند :-

الأذكار تبقى والاعمار تغيب =ولا غاب من ذكره يضوع بطيب
والاخيار ما يخفى حشا الله عرفها =على كل من هو بالرجال لبيب
يعرف المهذّب غاية الناس بالحِجا =كما عرف غايات الجروح طبيب
ولا يعرف الغايات إلا مجرّب =تعرفه إلى ظنّ الظنون يصيب
حلاة الفتى عينا خويّه وصاحبه =على الضد يوري كاللّهيب يذيب
صدوق حقوق مبهم الراي باسل =كما اللّيث ماشي عليه تعيب
ولا خير في اللي ما ترى فيه شيمة =والى قال قول ما تراه يثيب
ولا عاش من يقدر على كل فوزه =ولا فاز فيها وذكروه بطيب
ترى ما على القين إن هفا من ملامه =ولكن على من هو يقال عريب
وأرى الناس لو تقدر على كل طوله =سموها ولكن الصعود صعيب
ألا يا عيال للسفر حين عزموا =مع الميل قيفوا يا العيال لا ديب
أنا مطلبي منكم عسى الرّشد فالكم =تودّون طرس بالطروس غريب
إلى واحدٍ بالهند اسمه محمد =منصيه شعر ما حواه نسيب
ولد خيّر ما داس للعيب زلّه =ولا فاه بعروض العباد يغيب
حليف الندى عبداللطيف الذي غدت =يعاليل جوده للعفات سليب
أقوله وانا والله ما قلت هزٍ به =الله علي فيما أقول رقيب
ألا يا محمد والصدر منك ضيق =وهو كان لي بالماضيات رحيب
وانا كان مالي بالدعاوي وبحثها =ولا شك ما أقدر بالضمير لهيب
سمالي من أسبابك وهو من قضيه =لك الله منها المرضعين تشيب
ولا كان ذا ثوب لمثلك وما الذي =لي أدعاك يا عين الصديق حريب
أنا كيف قبل العام عندك وخالص =من اللي على شانه قطعت غبيب
وقمت بمخاليص بها ألفين شاهد =مضامينها تدعي النفوس تطيب
وخليت اللي هو ولد عمّي العمى =كثير من الاشيا وقلت قريب
وتبدّلت قبل الحول يا شيخ مالك =طعنت بمخاليصك وقمت تعيب
علامك علي انكفت يا حيف يا سفا=وطاوعت من هو كالغراب وذيب
غدوا بك بغاث الطير يا حيف يا اجدل =وجا اليوم دهنك للبغاث صبيب
عجب يا شبيه الفيل مثلك يحركه =إلى نام للنّمل الضعيف دبيب
أرى ذاك شيّ من جنابك مهوَّل =يهبل الحجا إلاَّ ومنك عجيب
ولا هالني إلا كتابك وهو الذي =أتى العام يسعى به إليَّ نديب
بعثته بحكم لك على غير طايل =مطاله على عبدك تراه نصيب
وتعجَّبت من خمسة عشر ألف غلطه =وش قولبك الله عليك حسيب
عسى كل من يرضى بها يا محمد =يرى اليوم جسمه بالجسوم يعيب
أرى ما عقب ذيك الفصيلة طلابه=ولا عقبها يرجي المثار طليب
أسايلك هل انت بعماوير سكره =بالابكار يوم انك تخف بهيب
أو مسيم من طفل بالابكار شفته =يعرض وظنّيته غزال كثيب
ولا برح رأيك مختلف به من الهوى =والى اليوم من ذاك الغزال مغيب
فانا أقول ما ظنّي ولكن قراده =كتوم الدغايل ما يصير حبيب
وهذي عداوة بالحشا باطنيه =ومن هو عدوٍّ ما يعود صحيب
كما الحيّة الرقطا ولو رق لمسها =لها ناب عند الانقلاب عطيب
أروم اللباين من سماحة محمد =وهيهات ما شوف لهذيك ضريب
سوى كل ريح منتن من جنابه =يجيني وريحه بالرياح عصيب
أجل عنك ما ني به غرير وجاهل =كما وصف من هو بالدِّيار غريب
أعرفه ولكن غرَّني فيه واحد =أطعته وانا ما كنت أطيع نصيب
ولا جال في ظنّي ولا جا بفكرتي =على أن لي فيه الظّنون تخيب
وبالعون ما طعت الذي لامني به =من الناس ميمون اللّثام نجيب
واخطيه الى فاه بملا من محمد =واثاريه لي فيما يقول مصيب
عصيته وطعت الشيخ وأصبحت خاسر =ومن لا يطيع بها الدليل يسيب
دعوا الشيخ يفعل ما يشا ما درى اني =ضعيف بحاله والزمان صليب
أنا الباسل الجعد الذي تعرف الورى =له الذوق مرٍّ صاب ومرٍّ حليب
ولي مقول أمضى من السيف حدّه =إلى صال منه العالمين تريب
فمن جاب لي ذكرٍ بخير فانا الذي =أجيبه بخير مثل ذاك وطيب
ومن جاب لي ذكرٍ بشرّ أجيبه =بمثله وما جاب الزمان يجيب



-- كما أن للشاعر أثر كبير في تطوير الموسيقا في الخليج العربي :- نشأ الشاعر في الهند فتأثر بموسيقاها إلى حد كبير لأنه تعلمها على أساتذة الموسيقى هناك، ورأيت في مخلفاته كتباً للألحان مكتوبة بالنوتة وعليها تعليقات بخطه مما يدل على تضلعه في هذا الفن وكان الغناء العربي عند أهل السواحل متأثراً إلى حد بعيد بالألحان العدنية وهي متأثرة بصبغة من النغم السوداني والأفريقي، فهذبها ومزجها بالأنغام الهندية فلحن ألحان الخليج الفارسي التي لا تزال ترددها محطات الإذاعة، وفي بعض ألحانه يظهر النغم الهندي بارزاً في مثل قصائد البها زهير (ملك الغرام عنانيه) وغيرها وساهم إلى حد كبير في تلطيف ألحان الفنون الكويتية المعروفة باللعبونيات نسبة إلى الشاعر محمد بن لعبون الذي ولد الشاعر بعد وفاته بخمس سنوات. كما أن له يداً في الرسم والتصوير وخطه في غاية الجودة بالقلم الفارسي (النستعليق) والخط المعروف باللاهوري الهندي.
وقد ضاع كثير من شعر صاحب الديوان لأن مخلفاته ظلت مدة طويلة في يد من يجهل قدرها فلعبت بها أيدي الضياع .




-- أخواني الأعزاء وما يجدر ذكره أن الفنان الكويتي الكبير :- سعد الفرج . هو من أحد أحفاد هذا الشاعر الفذ الذي لقب بعدة ألقاب أشهرها ( أبو الأصوات ) .

-- أخواني الأعزاء هذه نبذة بسيطة عن الشاعر الكبير ( عبدالله الفرج ) . ولنا عودة في قصائد أخرى له أن شاء الله . وآسف على الأطالة .


أخوكم :- الهيلاني .[/align]

 

 

 

 

    

رد مع اقتباس
قديم 17-04-2005, 07:58 PM   #3
 
إحصائية العضو








العماني غير متصل

العماني is on a distinguished road


افتراضي

بيض الله وجهك اخوي على الهيلاني على هذه الموضوع الجميل والمتناسق عن شاعر كبير في الخليج العربي ينتمي الى قبيلتنا العزيزة.

وهناك ايضا ان الكاتب والمؤرخ الكبير خالد الفرج رحمه الله وهو ايضا من نفس عائلة عبدالله الفرج.

تقبل تحياتي،،

 

 

 

 

    

رد مع اقتباس
قديم 17-04-2005, 08:57 PM   #4
 
إحصائية العضو







عبدالله الشكري غير متصل

عبدالله الشكري is on a distinguished road


افتراضي

لاهنت يالهيلاني
وماقصرت والله على طرحك الرائع
ونعم والله بشاعرنا عبدالله الفرج
وعز الله انه شاعر

وبيض الله وجهك

اخوك
عبدالله الشكري

 

 

 

 

    

رد مع اقتباس
قديم 17-04-2005, 09:21 PM   #5
 
إحصائية العضو







محمد ال بو زمام غير متصل

محمد ال بو زمام is on a distinguished road


افتراضي

السلام عليكم ورحمة الله وبركاته

بيض الله وجهك ونعم فيه وفيك .


والى الامام

والـــــــــــســــــــــلآم خــــــــــــتــــــــــــــــام

 

 

 

 

 

 

التوقيع

ســبــحانك اللهم بحمدك لااله الا انت اني كنت من الظالمين .

    

رد مع اقتباس
قديم 18-04-2005, 01:05 PM   #6
 
إحصائية العضو







الهيلاني غير متصل

الهيلاني is on a distinguished road


افتراضي

السلام عليكم ورحمة الله وبركاته


الأخوان الأعزاء ( تركي الودعاني ) و ( العماني ) و ( عبدالله الشكري ) و ( محمد ال زمام ) أشكركم على الردود الطيبة . ويسعدني مروركم على الموضوع . تقبلوا تحياتي الحارة .


أخوكم :- الهيلاني .

 

 

 

 

    

رد مع اقتباس
قديم 18-04-2005, 03:08 PM   #7
 
إحصائية العضو







محمد الغريري غير متصل

محمد الغريري is on a distinguished road


افتراضي

اخي : الهيلاني


شاكر لك وممتن لك على ذكرك نبذة مفصلة ورائعة ومتناسقة عن الشاعر

عبدالله بن محمد بن فرج المساعرة الدوسري



اخوك في الله


محمد الغريري

 

 

 

 

    

رد مع اقتباس
قديم 18-04-2005, 03:18 PM   #8
 
إحصائية العضو







الهيلاني غير متصل

الهيلاني is on a distinguished road


افتراضي

السلام عليكم ورحمة الله وبركاته



الأخ العزيز ( محمد الغريري ) لا شكر على واجب يا أبن العم . ويسعدني مرورك على الموضوع وأستمتاعك به . وبالفعل هو شاعر كبير معروف في دولة الكويت - على حسب المصادر - وشاكر لك مرة أخرى أخي العزيز على مرورك الطيب .


ملحوظة مهمة :- ألم تلاحظون أخواني الكرام في قصائد الشاعر تكرار لمفردات لا تستعملها الا قبيلة الدواسر ( في الوادي ) - ( وهو الذي هاجر جده من مئات السنين ) . ولقد لاحظت هذا الامر مع أغلب شعراء الدواسر المهاجرين في أشعارهم . أذا اللهجة الدوسرية تبقى مع الدوسري الى يوم الدين ,


أخوكم :- الهيلاني .

 

 

 

 

    

رد مع اقتباس
قديم 18-04-2005, 10:22 PM   #9
 
إحصائية العضو







آل جبيـل غير متصل

آل جبيـل is on a distinguished road


افتراضي

لاهنت يالهيلاني وبيض الله وجهك يالغلا ودمت لنا ودام قلمك ولاتحرمنا من جديدك

 

 

 

 

 

 

التوقيع

أمــا تجينـي حكمتـن . أبلـغ من الصمتـــ ... ولا التزمـــت الصمتـ .. والصمــت حكمـه

    

رد مع اقتباس
قديم 19-04-2005, 02:57 PM   #10
 
إحصائية العضو







الهيلاني غير متصل

الهيلاني is on a distinguished road


افتراضي

السلام عليكم ورحمة الله وبركاته



الأخ العزيز ( آل جبيـل ) ولا هنت أنت أيضا يا الغالي على مرورك الموضوع ويسعدني أنه أفادك يا الغالي . والشكر لك على ردك الطيب ............


تقبل تحياتي الحاره ,,,,


أخوك :- الهيلاني .

 

 

 

 

    

رد مع اقتباس
قديم 19-04-2005, 06:43 PM   #12
 
إحصائية العضو







الهيلاني غير متصل

الهيلاني is on a distinguished road


افتراضي

السلام عليكم ورحمة الله وبركاته



أخي العزيز ( أبو محمد الودعاني ) شكرا على مرورك الموضوع . ولا هنت على الردود الطيبة .


تقبل تحياتي ,,,



أخوك :- الهيلاني .

 

 

 

 

    

رد مع اقتباس
قديم 20-04-2005, 12:56 AM   #14
 
إحصائية العضو







الهيلاني غير متصل

الهيلاني is on a distinguished road


افتراضي

السلام عليكم ورحمة الله وبركاته



الأخ العزيز ( أبن غياث ) لا شكر على واجب . ولا هنت على مرورك الموضوع .


تقبل تحياتي ,,,


أخوك :- الهيلاني .

 

 

 

 

    

رد مع اقتباس
قديم 21-07-2005, 06:07 AM   #15
 
إحصائية العضو








بدر بن صقر العجالين غير متصل

بدر بن صقر العجالين is on a distinguished road


افتراضي

-- أخواني الأعزاء وما يجدر ذكره أن الفنان الكويتي الكبير :- سعد الفرج . هو من أحد أحفاد هذا الشاعر الفذ الذي لقب بعدة ألقاب أشهرها ( أبو الأصوات ) .

للتنويه فقط: سعد الفرج لاتصله صلة قرابه بشاعرنا الكريم...

ومشكور يالهيلاني...ولاهنت

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة لحفل (ترقية الشيخ محمد بن مرّان بن قويد)وحصوله على درجة الماجستير برعاية الشيخ مرّان بن متعب بن قويد (حفظه الله تعالى) الإداره :: قسم اللقــاءات والفعاليات والتغطيات الخاصة:: 51 09-10-2011 10:09 PM
التغطية المصورة لحفل المسابقة الشعرية الأولى لموقع قبيلة الدواسر الرسمي الإداره :: قسم المسابقة الشعرية السنوية للموقع الرسمي لقبيلة الدواسر :: 17 11-12-2010 11:09 PM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت. الإداره :: قسم اللقــاءات والفعاليات والتغطيات الخاصة:: 16 22-11-2010 09:44 AM
التغطية المصوّرة للحفل المقام بالبديع دعماً لقضية سعود بن عبدالله بن سعود بن شويرب الصخابرة . الإداره :: قسم اللقــاءات والفعاليات والتغطيات الخاصة:: 22 27-10-2010 10:30 AM
تغطية الموقع الرسمي للقبيلة لحفل قبيلة الحراجين برعاية الشيخ محمد بن فهيّد آل ملحم شيخ قبيلة الحراجين المقام على شرف قبيلة الغفران آل مره . الإداره :: قسم اللقــاءات والفعاليات والتغطيات الخاصة:: 18 19-07-2010 12:45 AM

 


الساعة الآن 06:15 PM


Powered by vBulletin® Copyright ©2000 - 2024, Jelsoft Enterprises Ltd.
---