صوت وصدى مجاراة اعلام الشعر النبطي ونجوم الشعر بموقع الدواسر

[معلومات العضو فيصل بن جزاء]

اخواني شعراء موقع قبيلة الدواسر الرسمي

اسعد الله اوقاتكم بكل خير

هنا نرحب بنجوم الشعر وعشاقه في المجاراه الاولى والتي سيتأهل منها شاعر بعد عرض المشاركات

والتصويت عليها من قبل الاعضاء في موضوع مستقل ليستمر العطاء والتميز والنجوميه.

وشاعرنا اليوم علم من أعلام الشعر والأدب ساهم في خدمة الأدب الشعبي وتقدمه

هو الشاعرالامير

/ "

محمد الأحمد السديري

رحمه الله" المدرسة الشعرية التي مازلنا نتعلم منها وننهل من عطاءها

ننتظر توهجكم وتميزكم ,, فكلنا شوق لمعانقة روائعكم.


كلمات الشاعر الامير /

محمد الأحمد السديري رحمه الله

يازين قلبي راح منـي يباريـك=واصبح مقره بين الاضلاع خالـي
بالحلم ياسيد العذارى يناجيـك=وبالعلم له وسط الضمير اجتوالي
طابت لي اذكارك وطابت مواريك=وطابت عمامك يوم طاب الخوالي
ارضيتني وبعالم الحب ابرضيـك=انت الحبيب اللي بديت وبدالـي

* نستقبل مشاركاتكم لمدة إسبوع إبتداء من اليوم ..

* المجاراة بـ أربعة أبيات فقط ..

امنياتنا لكم بقضاء أمتع الأوقات

 

 

 

 

[معلومات العضو العماني]

بيض الله وجهك يابوجزاء على طرح هذا الفكره الجميله ، وفي انتظار شعراءنا ومجاراتهم

تقبل تحياتي،،

 

 

 

 

[معلومات العضو أبونواف الدوسري]

الله يوفقك علي هذه الفكره ...

أرجو منكم تثبيتها ولو لفتره محدده .. مع وضع أعلان لها في المنتدي..

لكي يتمكن الأخوان الشعراء من المجاراه لهذه الأبيات...

تقبل تقديري وأحترامي

 

 

 

 

[معلومات العضو فالح بن فهاد]

يازين قلبي راح منـي يباريـك=واصبح مقره بين الاضلاع خالـي
بالحلم ياسيد العذارى يناجيـك=وبالعلم له وسط الضمير اجتوالي
طابت لي اذكارك وطابت مواريك=وطابت عمامك يوم طاب الخوالي
ارضيتني وبعالم الحب ابرضيـك=انت الحبيب اللي بديت وبدالـي

وهذي مجاراتي وارجو ان تحوز على رضاكم

بالعين سلبي لآح..ظني يماريك=وأربح مضره..عين ملتاع جالي
بالسلم للغيد..جارى يعاريك=وبالظلم له بسط السعير..احتوالي
صابت لي اخطارك..وعابت اساريك=وغامت غمامك لوم..صاب الموالي
ارميتني وبحالم الذب..اباريك=كنت الربيب اللي ..غديت وغدالي

ا

بن جزاء لاهنت يالقرم على الموضوع المستكن للمحاور الشعريه والمتميزه وهذى يدل على احتفاظ اصل الشاعريه الادبيه بي كل من //ناادر بالجواهر الدرريه

 

 

 

 

[معلومات العضو سالم بن صمهود]

بيض الله وجهك يابوجزاء على طرح هذا الفكره الجميله ، وفي انتظار شعراءنا ومجاراتهم

تقبل تحياتي،،

 

 

 

 

[معلومات العضو فيصل بن جزاء]

قصيدة الامير محمد الاحمد السديري رحمه الله

يازين قلبي راح منـي يباريـك=واصبح مقره بين الاضلاع خالـي
بالحلم ياسيد العذارى يناجيـك=وبالعلم له وسط الضمير اجتوالي
طابت لي اذكارك وطابت مواريك=وطابت عمامك يوم طاب الخوالي
ارضيتني وبعالم الحب ابرضيـك=انت الحبيب اللي بديت وبدالـي

هذي مجاراتي لقصيدة الامير محمد الاحمد السديري رحمه الله

يفز قلبي كل مامر طاريك=واجاذب الونات عزي الحالي
ياغالي(ن) كل المشاعر تناديك=يامسندي في الحب ياراس مالي
يامهجتي يازين منهو يحاليك=كل العذارى صفر على الشمالي
ياعاذلي في الحب ربي يجازيك= ويصيبك اللي بالمحبه جرالي

 

 

 

 

[معلومات العضو فالح بن فهاد]

صح الله لسانك يالقرم ابوجزاء ولاهنت على الموضوع اللي يسوى ويستوي تحري بها يابن غياث واتمنى من الاداره تثبيته إلى الابد لجل

 

 

 

 

[معلومات العضو البدوي]

يازين قلبي راح منـي يباريـك-=واصبح مقره بين الاضلاع خالي
بالحلم ياسيد العـذارى يناجيـك=وبالعلم له وسط الضمير اجتوالي
طابت لي اذكارك وطابت مواريك=وطابت عمامك يوم طاب الخوالي
ارضيتني وبعالم الحب ابرضيك=انت الحبيب اللي بديت وبدالـي

وهذي مجاراتي

يازين مالك فالبني من يحاليك=سبحان من صور وصوف الجمالي
لك منزلاً فالقلب محد(ن)يوازيك=أقلط على قصرك وخل الشقاء لي
اعادي أعداءك واجافي مجافيك=واللي يبي وصلك نزيده وصالي
مادمت صافي لي تراني مصافيك=واللي بقاء كبه عساه الزوالي

 

 

 

 

[معلومات العضو راشد المسعري]

الله يبيض وجهك يابو سعد وعز الله إنه من أجمل المواضييع التي طرحت في الأقسام الأدبية في هذا

المنتدى وهذه فكرة تحسب لك يابو سعد وبنشوف أكيد شعراء رائعين وشعراء جدد ومشاركات جميلة

وياليت في نهاية الاسبوع مثل ماحددت تقوم باختيار أفضل مشاركة او مشاركتين وبعد فترة تطوّر

مستوى المجاراة وتحط جوايز يابو سعد على حسابك ولكم مني اجمل الود والتقدير ،،،

 

 

 

 

[معلومات العضو فيصل بن جزاء]

اشكر الاخوان كلهم على مرورهم وصراحه الفكره لتنشيط المنتديات الادبيه
واظهار المخزون الشعري لدى شعراء موقع الدواسر الرسمي
وهي نضع اربعه ابيات لاحد اعلام الشعر ويتم مجاراتها من قبل الشعراء
لمدة اسبوع واحد بعدها نعرض جميع المساجلات في موضوع مستقل ونفتح
استفتاء وتصويت يشارك فيه جميع اعضاء موقع قبيلة الدواسر لاختيار اجمل مساجله
وبناء على الاستفتاء نعرض اجمل ثلاث مساجلات حصلت على اعلى نسبه في التصويت
ونضعهم في موضوع مثبت بعنوان نجوم الشعر الفائزين بمجاراة الامير محمد السديري
ويستقبلون التهاني والتبريكات من الاعضاء.
بعدها نبداء بطرح اربعه ابيات اخرى لاحد اعلام الشعر النبطي مثل :-
بندر بن سرور و محسن الهزاني وابن لعبون وشلعان بن ظافر الودعاني ومحمد الخس وغيرهم
وبذلك نكون نشطنا المنتديات الادبيه واظهرنا ابداعات شعراء الموقع
وبالنسبه للجوائز ابشر باللي يخدم الشعر والشعراء والمنتدى يستاهل
واذا فيه تكريم وجوائز للفائزين يكون في حفل موقع الدواسر بالكويت ويتم تكريمهم

وننتظر مشاركات شعراء الموقع

خالص التقدير والاحترام

 

 

 

 

[معلومات العضو ابن ذيب الودعاني]

فيصل بن جزاء بيض الله وجهك على هذه الفكرة الطيبة وهي طبعا محسوبه لك طال عمرك
صراحه يعجز اللسان عن التعبير يابو جزاء هذا هو الابداع بعينه وباذن الله نرى شعراء مبدعين
وعلى ما قال لنا قسم في ذا الموضوع وهذي مجاراتي عسى ان تنال على اعجابكم

يازين قلبي راح منـي يباريـك=واصبح مقره بين الاضلاع خالي
بالحلم ياسيـد العـذارى يناجيـك=وبالعلم له وسط الضمير اجتوالي
طابت لي اذكارك وطابت مواريك=وطابت عمامك يوم طاب الخوالي
ارضيتني وبعالم الحب ابرضيـك=انت الحبيب اللي بديـت وبدالـي

مجاراتي

سبحان من بالزين يازين غاشيك=كامل ولله العلو والكمالي
واللي عطاك الزين بالعقل كاسيك=عاقل وهبلت بعقول الرجالي
نهور الحسن منصبة ٍ كلها فيك=ما بين ملح وبين غنج ودلالي
ويطلبك منهو لا طلبته يلبيك=يبغى الوصل وبغيرها ما يبالي

 

 

 

 

[معلومات العضو فيصل بن جزاء]

ننتظر بقية الشعراء قبل انتهاء الموعد المحدد حتى يتم طرح التصويت للاعضاء

 

 

 

 

[معلومات العضو فيصل بن جزاء]

نشكر الشعراء الذين قاموا بمجاراة القصيده وننتظر بقية الشعراء

 

 

 

 

[معلومات العضو فالح بن فهاد]

جعل ربي مايهينك يابن جزاء على التحرص في أداء الموضوع ومشاركة ابناء عمك يالقرم

 

 

 

 

[معلومات العضو الشقرديه]

الاخ فيصل الف الف عاااافيه على فكرررتك الجميله
في مجاراة الشعرااااااء ونتمنى من الشعارانهم يهتموبالفكرررره
ويجارون الاميرالسديررررررري
ابدعت يابن جزااء في الفكره عسااااك على القوه
الشقرديه