أبيات شيلة (( طهور ياسلطان )) لــ نايف بن مسرع

**معلومات** **العضو** · 08-04-2009, 12:57 PM

كلمات: نايف بن مسرع

ألحان وأداء: سعد اليامي

تنفيذ: ماجد الخنبشي

إنتاج: قناة الصحراء الفضائية 2009

طهـور ياللـي للملمـات محسـوب=ياعزنـا لامـن دهتـنـا الدهـايـا
ياكاسي ٍ شعبك من الطايلـة ثـوب=يامسـوي ٍ حبـك بشعبـك سوايـا
سحاب طيبك لاتـرزم لـه انصـوب=ينبت غلا لك فـي المـدن والقرايـا
لامرْض سلطان العرب تمرض شعوب=ولاطاب طابت مـن شفـاه البرايـا
شيخ ٍ بطيبه يملك نفـوس وقلـوب=يدوم عـزك ياحميـد السجـايـا
كم فرّجت وقْفتك ضيقـات مكـروب=يفرج لـك الله مـن عظيـم البلايـا
وكمّ امسحت يمناك من دمع مسكوب=يمسح بها الله عنـك كـل الخطايـا
طهور ياكف ٍ من الجـود مخضـوب=أبشر بجـودٍ مـن جزيـل العطايـا
ومادام فعل الخير ليديـك منسـوب=أبشـر بـرده مـن عليـم الخفايـا
طهور يامير ٍ من الشعـب محبـوب=كلن علـى شوفـك يحـث المطايـا

كما قامت قناة ( الدانة الفضائية ) بستجيل نفس الكلمات ( شيلة ) بلحن وأداء مختلف للشاعر: فهيد النتيفات

**معلومات** **العضو** · 08-04-2009, 03:25 PM

صح لسانك ،، وطهور الأمير سلطان حفظك الله و أطال بعمـــرك على صحة وعافيـــة

**معلومات** **العضو** · 08-04-2009, 07:53 PM

اقتباس:

سحاب طيبك لاتـرزم لـه انصـوب
ينبت غلا لك فـي المـدن والقرايـا
لامرْض سلطان العرب تمرض شعوب
ولاطاب طابت مـن شفـاه البرايـا

إي بالله فالامير سلطان مالك قلوب الملايين بابتسامته وكرمه وخلقه وانسانيته

صح لسانك يانايف ولاهنت اخوي المسعري على النقل الجميل

**معلومات** **العضو** · 10-04-2009, 10:26 AM

لا هنت على القصيده الراااااااااااائعه

لا عدمناك

**معلومات** **العضو** · 20-05-2009, 02:26 AM

الله يعافيك يابو خالد على طرحها

وصح لسان الشاعر نايف بن مسرع على هذي القصيده الرائعه

تحياتي وإحترامي لك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية