العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > قسم الصوتيات والمرئيات لقصائد شعراء قبيلة الدواسر

إضافة رد
انشر الموضوع
 
أدوات الموضوع انواع عرض الموضوع
قديم 31-10-2008, 02:49 PM   #1
 
إحصائية العضو








محمد الولامين غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده المميزة في خدمة الموقع
: 1

محمد الولامين is on a distinguished road


:e-e-2-:. الديوان الصوتي للشاعر §¶ شلعان بن ظافر الودعاني ¶§ رحمه الله



يسر موقع قبيلة الدواسر الرسمي ان يقدم لكم الديوان الصوتي للشاعر / شلعان بن ظافر الودعاني الدوسري رحمه الله واسكنه فسيح جناته







هو الشاعر الفحل شلعان بن ظافر بن فهيد الجماعين الوداعين الدوسري
الساكنين بمدينه السليل عاش ردحاً من الزمن في حياة الباديه متنقلاً في فلواتها القريبه من هجرة ( إحمام )
مع أهله وعشيرته ومع الابل حيثما حلت ورحلت وقد إكتسب شعره صفة مميزه من هذه الحياة البدوية.






الديوان الصوتي






قصيده في آل سعود


تحيةٍ يسبق ثناها عددها=والعود الازرق من ثنايا شهدها
تحيةٍ لك يابن صقر الجزيره=اللي عطانا حلوها من نكدها
عبدالعزيز اللي له المجد والثنى=اول ملك عطى الجزيره وعدها




حـفـظ الـمـلـف









قصيدة في امراء الدواسر وامراء قحطان


يا راكبيـن أكـوار عـوس النجايـبب=الهون يـا ركابـة الفطَـر الشيـب
مقدار حمسة بنَ يـا أهـل الركايـب=وأسجـل الغـرا بزيـن المكاتـيـب
فيها نظمـت بيـوت شعـرٍ طوايـب= مثايـلٍ مـا خـش ببنودهـا العـيـب




حـفـظ الـمـلـف







قصيده في قصة الدواسر مع الشمري

لابـتي زايـد الـملطوم مـنشاها=مـمنة جـارهامن كـل عدواني
تـرتفع روسـنا لامـن ذكرناها=ذا كـلامي ونـا من لاد ودعاني
لاد ودعـان راس الرجم مرقاها=كـاسبين الـمراجل سر وعلاني
لابـتي مـن يـريد العز ينصاها=يـستريح بـذرا ذربـين الايماني




حـفـظ الـمـلـف









حنا الدواسـر ممنـة كـل خايـف


حنا الدواسـر ممنـة كـل خايـف=دايم على العليـا تواثـب جهودهـا
الطيب ما يخفي علـى كـل طيـب=الاجواد كسب الطايله مـا يكودهـا
الزايـدي والتغلبـي مـن دوســر=افعالهـم عـود بعيـن حسـودهـا
بالسيف نملك كـل خضـرا مدينـه=لين اصبحت جنـه نهـزع فنودهـا




حـفـظ الـمـلـف








الـتغلبي والـزايدي فخر العرب


الـتغلبي والـزايدي فخر العرب=دواسرٍ يشكي العدو من جورها
نـملك مـداين بالسيوف القطّع=صوارمٍ روس الجماجم نقورها
يـرسخ بنا غرسٍ تمايل عذوقه=ولابـنينا مـن وراهـا سورها
السور حد السيف والخيل والقنا=وذيـدانا تـرعى بعالي قفورها




حـفـظ الـمـلـف








حنا هل الوادي بسيف ومنسف


حنا هل الوادي بسيف ومنسـف=وكـل يلاقـي عندنـا جــزاه
دواسر فـوق الخيـول كواسـر=ياسعـد منـا محمزمـه سعـداه
نرمي بنيران الحـروب كبودنـا=لا ضاق من عج الخيـول سمـاه
سم سقطري فـي كبـود عدانـا=وايضا تري من جـا لنـا جينـاه




حــفــظ الــمــلــف








يقول من نفسه رفيعه وعاليه


يقول من نفسـه رفيعـه وعاليـه=يعطي الرجال حقوقها في مثايلـه
والرجـل مايعـرف يليـن يتكلـم=تبين مـن منطـق لسانـه دلايلـه
يكفيـك منطوقـه وتعـرف عنـه=جميـع مايخفيـه كنـك تخايلـه





حــفــظ الــمــلف








قصيده مسنده للعجالين


أهل السيوف مطوعت كل من عال=نارٍ ليا جهلت تزيد اشتعالي
لاجالها بين الحفيفين زلزال=واشتب نار الحرب والدم سالي
وان جا نهارن فيه شومن وغربال=ترخص بقايا الروح لو كان غالي





"حــفــظ الــمــلــف







مهداه لشبنان العمور


لاجيت ربعٍ يكسبون النواميس=ملفاك شبنان قوي العزومي
تلقى العمور حظور مثل القرانيس=كل ابلجٍ يشفيك عند اللزومي
وسلم على اللي يتعبون المحاميس=لاد العميري مبعدين الهمومي




حــفــظ الــمــلــف








قصيدة في الرجبان


يـانديبي وارتـحل عـجل المفر=مع طلوع الشمس في ضوح النهار
يـنحر الـرجبان تـيجان الـفخر=حـاش فـعل ايـمانهم تاج الوقار
يـاهل الـناموس يـابيت الـظفر=كـلـنامعكم بـعـزم وافـتـخار




حــفــظ الــمــلــف








قصيده مسنده لشينان بن عمره


اركب وهاك الخط رح به لملفاه=مني الى شينان سقم المعادي
واسرح من بلاد الصباح المسماه=بالعز والمعروف فيها وكادي
ملفاك شينان الحجا من تنصاه=زبن الذليل ان جا نهار الطرادي





حــفــظ الــمــلــف








ردا على حمد بن شبيب


هلا بالخصيم اللي ظهر بآخر الزمان=هلا عد ماحن المولع لمعشوقه
هلابه وانا من دون حقي طويل لسان=اعدل صعيب القاف لامن حمي سوقه
ضربت الهدف والحمدلله ضربي زان=وزينتنا المضراب في راعي البوقه




حــفــظ الــمــلــف







رد على شاعر مجهول


يافهيد شـب النـار وجـح المنـاره=واحمس من اللي ما بعد عذربو فيـه
الى انقلب لونـه وقـرب صفـاره=إصفح بها جمر الفضا ليـن تسويـه
دقه بنجـر المـاو تظهـر إعبـاره=حتى يجيـك إمـدور البـن يبغيـه




حــفــظ الــمــلــف









يافهيد


يافهيد انا حالي من الهم يافهيد=معاد منه الا القليل وذليله
يافهيد انا لامن ظوا الليل يافهيد=تذرف عيوني مثل وبل المخيله
يافهيد انا في ديرة الغرب يافهيد=مالي سوا رب العباد اشتكيله




حــفــظ الــمــلــف









وجودي على بدوٍ رعو حومة النقيان


وجـودي عـلى بدوٍ رعو حومة النقيان=رعـو فـي جديد العشب لازاف زملوقه
وجـودي على شوف المعاشير والحيران=مـظاهير أهـلها جـات لـلقفر مسيوقه
نـصو مـرتعٍ فـيه الخزامى مع المكنان=يـعط الـندا بـه مـا بعد يبست عروقه




حــفــظ الــمــلــف









مجاراة مع محمد بن ظافر


قصيدة محمد بن ظافر

ياوالله اللي كثر شيبي وزادي=والسل لامن طاح ماجا بديله
والسل لامن طاح مازيد عادي=والشيب عيا ماتبدل حويله




حــفــظ الــمــلــف



رد الشاعر / شلعان بن ظافر رحمه الله

يقول شاب الراس والشيب زادي=غدا مع الاسود سوات العديله
ياكاسب المعروف طلق الايادي=لاتشتكي ضيفٍ علينا جميله




حــفــظ الــمــلــف









قصيده مسنده لعبدالله بن معيض


ياعيني اللي ماهتنت لذة النوم=لاهيب لاوجعا ولاهي سليمه
يالله ياديام ولاغيرك يدوم=انت الذي مدات جودك عظيمه




حــفــظ الــمــلــف










مجاراة بين شلعان بن ظافر وعبدالله بن معيض

قصيدة الشاعر / شلعان بن ظافر

دجى وان دجى الداجي بجلباب ظلماه=لاوشقى قلبي وياشيب عيني
ياما كظمت الغيض بالصدر واكناه=خايف من العذال والشامتيني




حــفــظ الــمــلــف




رد الشاعر / عبدالله بن معيض

يقول منهو يسهر ممساه=يبات ساهر والعرب ممرحيني
من يوم جانا الخط وانا قريناه=يامرحبا بالخط ياقربتيني




حــفــظ الــمــلــف









خارج الوطن ( 1 )


يابومحمد صار في الصدر يهموم=هات القلم مادامها في حظرها
نفضي من الصدر الذي فيه مكتوم=مثايلٍ نقطف حلاوي ثمرها




حــفــظ الــمــلــف









خارج الوطن ( 2 )


امس الضحى في مرقب الرجم عديت=واجيب مماجاب ورقا الحمامي
ياليتني من مرقب الرجم زليت=وابعدت منه لاسقته الغيامي




حــفــظ الــمــلــف









نصيحه ( 1 )


ترى العمار قصار والله باقي=ومصايب الدنيا طيور حايمه
عجله وتاخذ كل يومٍ واحد=وترميه بالاجداث بيضٍ لثايمه
وترى مصير العمر لو طال ينحني=لو انه عظمه ماتشيله قوايمه




حــفــظ الــمــلــف









نصيحة ( 2 )


ياسامعٍ مني نصيحه قديمه=من ظمها يصبح من الشر معصوم
الاوله رفع النفوس الكريمه=والثانيه يانايم اقعد من النوم
والثالثه دينك بقو العزيمه=ترضيبه الرحمن وابليس مهزوم




حــفــظ الــمــلــف









نصيحه ( 3 )


دليت انا القرطاس واشرت بالقلم=بسجلتن يطرب لها من قراها
فيها نظمت القاف مما طرالي=ومن الردى و العايبات احماها
مثايلٍ تطري على البال كنها=صافي الجواهر غاليٍ مشتراها





حــفــظ الــمــلــف








عفى الله عن عينٍ لفاها غريبها


عفى الله عن عينٍ لفاها غريبها=في داجي الديجور جاها طليبها
لانامت عيون العباد فعيني=يكثر عناها والسهر من نصيبها




حــفــظ الــمــلــف





ملاحظه:
1. تم تحرير بعض القصائد المدرجه وذلك لعدم اثارة الفتنه.
2. عدم ادراج بعض القصائد وذلك لنفس السبب.





جميع الحقوق محفوظة لـ موقع قبيلة الدواسر الرسمي
www.alduwasser.com






 

 

 

 

    

رد مع اقتباس
قديم 31-10-2008, 03:00 PM   #2
 
إحصائية العضو








السيف دايـم غير متصل

السيف دايـم is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله

أخي الغالي

محمد الولامين ..

أشكر لك جهودك المميزه في هذه الصفحه ..

قليل مانقدمه لشاعرنا الكبير :

شلعان بن ظافر الجماعين الودعاني..

رحم الله الشاعر وأسكنه فسيح جناته ,,

 

 

 

 

 

 

التوقيع

    

رد مع اقتباس
قديم 31-10-2008, 03:19 PM   #3
 
إحصائية العضو








فهد بن مبارك الودعاني غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده الطيبه في خدمة الموقع
: 1

فهد بن مبارك الودعاني is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله

ما أقول إلا جعله في الجنه ،،

أن شهد أنه جزل و من روس عرب عسى الله يرحمه

رحمتا ً واسعه و من غير قصور في الجميع ،،


أخوي الغالي أبو عبدالله بيض الله و جهكـ يا طويل العمر

كلمة مبدع قليله في حقكـ يالغالي ،،


عسى الله لأيهينكـ و يطول لي بعمركـ ،،



لـكـ كـل الإحـتـرام و الـتـقـديـر ،،

 

 

 

 

 

 

التوقيع

يالله محيي أم قبيلهـ

    

رد مع اقتباس
قديم 01-11-2008, 01:42 AM   #4
 
إحصائية العضو







ابن شمسان البدراني غير متصل

ابن شمسان البدراني is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله

إبداع إبداع إبداع إبداع يا محمد ..

ومجهوود خرافي تشكر عليه جزيل الشكر ..

بيض الله وجهك والله لايهينك ..


( لكن ما تلاحظ معي يا محمد بخصوص ( إثارة الفتنة ) إن حنا الوحيدين في هذا العالم اللي نحرص على هذا الموضوع )

يعني لو كانت القصائد عند ( أي قبيلة ) غيرنا وفيها كلام على الدواسر مثلا ، أعتقد يبي ينشرونها ولا عليهم من فتنه وما فتنه ولا عليهم مننا ..

فلماذا نكون نحن فقط ( المثاليين ) ؟؟



على العموم ماقصرت ولك مني جزيل الشكر ،،،

 

 

 

 

    

رد مع اقتباس
قديم 01-11-2008, 09:26 PM   #5
 
إحصائية العضو








محمد الولامين غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده المميزة في خدمة الموقع
: 1

محمد الولامين is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله

اقتباس:
المشاركة الأصلية كتبت بواسطة السيف دايـم مشاهدة المشاركة
أخي الغالي

محمد الولامين ..

أشكر لك جهودك المميزه في هذه الصفحه ..

قليل مانقدمه لشاعرنا الكبير :

شلعان بن ظافر الجماعين الودعاني..

رحم الله الشاعر وأسكنه فسيح جناته ,,

اللهم امين


ارحب يالسيف دايم


لاهنت على الحظور والمشاركه

 

 

 

 

    

رد مع اقتباس
قديم 02-11-2008, 01:47 PM   #6
 
إحصائية العضو








محمد الولامين غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده المميزة في خدمة الموقع
: 1

محمد الولامين is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله

اقتباس:
المشاركة الأصلية كتبت بواسطة فهد مبارك الودعاني مشاهدة المشاركة
ما أقول إلا جعله في الجنه ،،

أن شهد أنه جزل و من روس عرب عسى الله يرحمه

رحمتا ً واسعه و من غير قصور في الجميع ،،


أخوي الغالي أبو عبدالله بيض الله و جهكـ يا طويل العمر

كلمة مبدع قليله في حقكـ يالغالي ،،


عسى الله لأيهينكـ و يطول لي بعمركـ ،،



لـكـ كـل الإحـتـرام و الـتـقـديـر ،،



اللهم امين

لاهنت يابومبارك على الحظور والمشاركه

وبيض الله وجهك

 

 

 

 

    

رد مع اقتباس
قديم 02-11-2008, 08:29 PM   #7
 
إحصائية العضو







شافي القويسي المخاريم غير متصل

شافي القويسي المخاريم is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله

بيض الله وجهك يا ابو عبدالله
على ما قدمته
جهد متميز
اشكر جزيل الشكر
والله يرحم الشاعر الكبير
شلعان الودعاني رحمة واسعه
تحياااااااااااااااتي

 

 

 

 

    

رد مع اقتباس
قديم 03-11-2008, 02:14 AM   #8
 
إحصائية العضو







king غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير ومشاركاته المميزه
: 1

king is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله

اولاً مو غريب عليك هالطرح وهالتدوين لرمز ولهامه شعريه

ومايجيب الطيب الا الطيب يامحمد



شلعان بن ظافر الودعاني رحمة الله عليه


اسم شااامخ

واسم علم

وهامه برجولته قبل شعره

اسم اجده محفوظ ومعروف لدى جميع القبائل

شعر لم يذكر بانه اساء فيه لاحد

شعر فروسيه وصوور يعجز الشعار عن ايجادها

حكم وامثاال وتدوين لتاريخ الدواسر وبطولاتهم على شكل درر ذهب من شعر

رحل عسى الجنان مثواه ومنتهاه

وبقى شعر يحكي تاريخ وشموخ وعزه وجزااله قل ان وجدت بدون قصور

بشعراء الدواسر وجميع القبائل

سيره عطره خاصه

وسيره شعريه شامخه ونادره

اسئل الصغير يخبرك عن شلعان قبل الكبير

من هنا ياتي الشعر الحقيقي

ولن يوفى بحقه مهما كتب

محمد الولامين مايجيب الجزل الا الجزل

لاهنت وابيض وجه دايم

 

 

 

 

    

رد مع اقتباس
قديم 04-11-2008, 05:07 AM   #9
 
إحصائية العضو







نجــــــــــديه غير متصل

وسام الدواسر الذهبي: للأعضاء المميزين والنشيطين - السبب: لنشاطها الملحوظ ومشاركتها الفريده في الموقع
: 1

نجــــــــــديه is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله



يعطيك الف عافيه عالطرح
لاهنت يامحمد
تقبل مروري

 

 

 

 

    

رد مع اقتباس
قديم 05-11-2008, 04:25 PM   #10
 
إحصائية العضو








محمد الولامين غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده المميزة في خدمة الموقع
: 1

محمد الولامين is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله

اقتباس:
المشاركة الأصلية كتبت بواسطة ابن شمسان البدراني مشاهدة المشاركة
إبداع إبداع إبداع إبداع يا محمد ..

ومجهوود خرافي تشكر عليه جزيل الشكر ..

بيض الله وجهك والله لايهينك ..


( لكن ما تلاحظ معي يا محمد بخصوص ( إثارة الفتنة ) إن حنا الوحيدين في هذا العالم اللي نحرص على هذا الموضوع )

يعني لو كانت القصائد عند ( أي قبيلة ) غيرنا وفيها كلام على الدواسر مثلا ، أعتقد يبي ينشرونها ولا عليهم من فتنه وما فتنه ولا عليهم مننا ..

فلماذا نكون نحن فقط ( المثاليين ) ؟؟



على العموم ماقصرت ولك مني جزيل الشكر ،،،

ارحب يابن شمسان

تو مانور الموضوع ... ياخوك من ناحية الحيادية ياخوك كل واحد منا يشوش راسه لاذكرت افعال ربعه وهياتهم

لكن ياخوك الواحد ماوده يكون سبب في مشكله هو غنين عنها .. القصايد هذي ياخوك اذا سمعها واحد مايازن الامور ولايحكم عقله اقصى شي طال عمرك بيشتحن معها ومايندرا وشهو بيسوي..

وياخوك جميع القبايل نكن لها من الاحترام والتقدير ...


لاهنت على كل حال

 

 

 

 

    

رد مع اقتباس
قديم 05-11-2008, 04:34 PM   #11
 
إحصائية العضو








العماني غير متصل

العماني is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله

الأخ العزيز محمد الولامين

مجهود جبار وكبير من قبلكم وكلمة الشكر والاشادة لا توفيكم حقكم وما نقول الا بيض الله وجهك وجزاك الله الف خير نيابة عن ابناء القبيلة كافة .


تقبل تحياتي،،

 

 

 

 

    

رد مع اقتباس
قديم 05-11-2008, 07:28 PM   #12
 
إحصائية العضو








نايف الخييلي غير متصل

نايف الخييلي is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله




الله عليك يامحمد

جهد فوق الكبير وجمع طيب وإختيارات موفّقه وجزله لهرم شعري وشاعر فحل أشتهرت قصايده بوقته وكان لها إنتشار رغم وجود وسائل إعلاميه قويه لنقل القصايد لكن لجزالتها وقوتها دور في إنتشارها , والشكر الجزيل لك لهذا الجهد المثمر والاكثر من رائع , ومع ذلك لايُستغرب من محمد الولامين , صاحب الإختيارات الجزله والمواضيع القيّمه , إستمعت لإكثارها ولي عودات لسماعه هذه الروائع وحفظها ,, دمت مبدع يامبدع , خالص تحياتي

 

 

 

 

    

رد مع اقتباس
قديم 07-11-2008, 10:07 AM   #13
 
إحصائية العضو








محمد الولامين غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده المميزة في خدمة الموقع
: 1

محمد الولامين is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله

اقتباس:
المشاركة الأصلية كتبت بواسطة شافي القويسي المخاريم مشاهدة المشاركة
بيض الله وجهك يا ابو عبدالله
على ما قدمته
جهد متميز
اشكر جزيل الشكر
والله يرحم الشاعر الكبير
شلعان الودعاني رحمة واسعه
تحياااااااااااااااتي

لاهنت يا بومبارك على الحظور والمشاركه

وبيض الله وجهك

 

 

 

 

    

رد مع اقتباس
قديم 07-11-2008, 01:25 PM   #14
 
إحصائية العضو







فرحان فهد ال فرحان غير متصل

فرحان فهد ال فرحان is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله

محمد الولامين جعل من خلفك في جنات النعيم

كلمه مبدع قليله في حقك

الحقيقه انك قدمت خدمه جليليه لاطلاع ابناء القبيله على ارث شاعرها وحفظه من الضياع

لانك وثقته هنا

اشكرك اشكرك اشكرك

 

 

 

 

    

رد مع اقتباس
قديم 21-11-2008, 01:19 PM   #15
 
إحصائية العضو







لافيزي غير متصل

لافيزي is on a distinguished road


افتراضي رد: الديوان الصوتي للشاعر §¶ شلعان بن ظافر الودعاني ¶§ رحمه الله

محمد الولامين مجهودات جبارة وعمل قمة في كل شي الله يرحم والديك ويجزاك خير

حيث من الصعوبة جمع مثل هذه القصائد لشاعر كبير مثل شلعان بن ظافر

مشكووووووووووووووووووووور مرة أخرى

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 10:57 AM


Powered by vBulletin® Copyright ©2000 - 2019, Jelsoft Enterprises Ltd.
---