يالمسعري قرّب !!

**معلومات** **العضو** · 18-10-2007, 01:10 AM

السلام عليكم ورحمة الله وبركاته

ابو خالد ,,,

استلم لاهنت

خلووووووووووووووها:

يالمسعري قرّب عسى الله يعافيك = الليل تو الليل والنار حيه
بعض العرب لو يعرف ان ذي مباديك = "يا عزتي لمشجع العنصريه "

.....
...
..
.

**معلومات** **العضو** · 18-10-2007, 01:23 AM

ارحب ارحب واستلم

يامرحبا ياجعل ربي يحييك=الليل توه والسوالف مديه
هذي مبادينا وبكره نفأجيك=لامن عجزت تلاعب العامريه

**معلومات** **العضو** · 18-10-2007, 01:30 AM

بعيد الهقاوي

المسعري

صح الله السنتكم

وبيض الله وجيهكم وقواكم الله

متابع بحماس

**معلومات** **العضو** · 18-10-2007, 01:31 AM

اقتباس:

المشاركة الأصلية كتبت بواسطة المسعري

ارحب ارحب واستلم

يامرحبا ياجعل ربي يحييك=الليل توه والسوالف مديه
هذي مبادينا وبكره نفأجيك=لامن عجزت تلاعب العامريه

خلووووووووووها:

ابك البقا والعلم يا هيه ناصيك = لا تحدنا نفتح ملف القضيه
لن قلّ مالك يا تريحيب نعطيك = حنا ترى أصحاب البنوك الثريه

.....
...
..
.

**معلومات** **العضو** · 18-10-2007, 01:35 AM

ارررحب يا ابو سعووود

و وجودك شرف لنا

الليييييييل

**معلومات** **العضو** · 18-10-2007, 01:36 AM

يابعيد لا تبعد وخلك وانا اخيك=انته وانا في ذا القضيه سويه
حنا ليا جات الصعيبه نوريك=وإفلاس بنكك ياولد من يديه

**معلومات** **العضو** · 18-10-2007, 01:44 AM


	الشاعر بعيد الهقاوي والشاعر المسعري صح السنتكم0 وعسى ناركم ماتنطفي0 تقبلوا متابعتي وتقديري00

**معلومات** **العضو** · 18-10-2007, 01:45 AM

اقتباس:

المشاركة الأصلية كتبت بواسطة المسعري

يابعيد لا تبعد وخلك وانا اخيك=انته وانا في ذا القضيه سويه
حنا ليا جات الصعيبه نوريك=وإفلاس بنكك ياولد من يديه

خلووووووووها:

لاني ولد عمك ولاني بناخيك = ولاني شريكك فالعلوم الرديه
يالمسعري وشلون تزعل مربيك = انشهد ان كلمتك هذه جريّه

.....
...
..
.

**معلومات** **العضو** · 18-10-2007, 01:48 AM

ارررررحبي يا شووووق

وابشري بمن يحشر لتس المسعري

الليييييل يا صفووووف

**معلومات** **العضو** · 18-10-2007, 01:50 AM

بغيت مع لجواد ياهيه اجريك=لاشك ماتستاهل المقدريه
اثرك مع الأيام كبرت علابيك=لابد مانعطيك كيه وكيه

**معلومات** **العضو** · 18-10-2007, 01:53 AM

اقتباس:

المشاركة الأصلية كتبت بواسطة شوق2


	الشاعر بعيد الهقاوي والشاعر المسعري صح السنتكم0 وعسى ناركم ماتنطفي0 تقبلوا متابعتي وتقديري00

الله يحييك ياشوق
من العايدين
هقوتي ذالليل مب تعقيد وبس
ضني ان حتى المشاعيب بيجي لها دور

**معلومات** **العضو** · 18-10-2007, 01:59 AM

اقتباس:

المشاركة الأصلية كتبت بواسطة المسعري

بغيت مع لجواد ياهيه اجريك=لاشك ماتستاهل المقدريه
اثرك مع الأيام كبرت علابيك=لابد مانعطيك كيه وكيه

خلوووووووووها:

مادهورت حالتك الا حجاويك = الي من الفكر المصفى خليّه
يالمسعري وش لك بفتح الشبابيك = ومن ثم نسمع منّك الهاشميه

.....
...
..
.

**معلومات** **العضو** · 18-10-2007, 02:07 AM

في العسر يالطيب نبيعك ونشريك=ووقت الرخى ياشين جب لك دعيه
الله يعدينا بلاك وبلاويك=من شان ماتزعل نفوس(ن) رضيه

**معلومات** **العضو** · 18-10-2007, 02:17 AM

اقتباس:

المشاركة الأصلية كتبت بواسطة المسعري

في العسر يالطيب نبيعك ونشريك=ووقت الرخى ياشين جب لك دعيه
الله يعدينا بلاك وبلاويك=من شان ماتزعل نفوس(ن) رضيه

طيب طيب

ايييييييييييييه

ياجعل ربي يا ابن الاجواد يشفيك = توي دريت ان علتك داخليه
احذر من الشيطان يا صاح يغويك = من شان ما تلسعك ناراً لظـيـّه

.....
...
..
.

**معلومات** **العضو** · 18-10-2007, 02:25 AM


	لااله الا الله الدعوه اليوم متعقده ابدوني ماتبي زود!!!!!!! حوالينا ولا علينا0 حتى جهازي مدري وش الي بلاه؟؟؟ والليل الليل واصلووووا يالقروم وإإإإإإإإإإإإإإنا نصفق من بعيد0

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية