ديوان الشاعر سعيد بن واحش الغامدي رحمه الله - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم الـشعر العــام ::

إضافة رد
انشر الموضوع
 
أدوات الموضوع انواع عرض الموضوع
قديم 10-09-2012, 10:24 PM   #1
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي ديوان الشاعر سعيد بن واحش الغامدي رحمه الله


من قرية " الحصن " ببلجرشي

توفي رحمه الله في حادث سياره عام 2006م وذلك يوم جمعه وكان زواجه يوم السبت ..

تميّز بشعره الذي ارتبط فيه مع آخرته

لتكون كل قصائده إن شاء الله

شاهدةً له لا عليه

لم أعرفه ولم ألتقِه

ولكني من ضمن الجميع

الذين عرفوا ما تركه لنا من قصائد

كانت خالدة وستبقى إن شاء الله

من قصائده //



الارهابي الوهابي

قام بتوضيح لمعنى الإرهاب الذي تهرّب الكثير من تعريفه ..!!

ياربـي آنـا عبـــدك الوهـــابـي الارهـابــــي
اللي يدينــي من دما عـدوان دينـي شاربـــه
الانتحاري .. المطوع .. الذكي .. المتغـــاابـي
ابو هِقا متبـاعـدة .. وابـو خُطـــا متقـــــاربـه
اللي لا ضـــاقت دنيتي قمت احتظـن محرابـي
وابكي على صدره والوذ بخـالقي وآجار بـه
لا ني بتكفيــــري ولا ملحــد ولانـي صــابـي
ولاني من اللي كل ما يلقـــى طريقٍ سـار بـه
مشــــايخـي ومنهجــــي وسنـتـي وكتـابـي
ومبايع لحكام نجد اهل السيـوف الضــــاربـه
من دون رايـــات العقيـدة .. دمـي العنـــابـي
ومن قبل دهمات العدو : يا بندقي يا حاربــه
اهل العشق في عشقهم.. وانا عشيق احرابي
اضمهــا واحبهـــا .. كـلٍ حبيبــــه طـــــار بـه
لا صاح لي اخي عصبت المعصب البنجـــابـي
متحزم حزام الفشـق وايدي لسلاحـي داربــــه
آجـي عـدوه فــاتـل العضديـن والاشنــــابـي
ومــا اروح منه الا وانا منتــــفٍ لـه شــــاربـه
عرق انفضــخ .. احب لي .. ودمه الصبــــابـي
من عرق ما غدى وباقي في مكانــه كـاربـه
ان طابت احلام الكرى تجفـى الفراش اجنـابـي
في ساعةٍ روس العــرب مع الغوانـي طـاربــه
بين القصص والانبيــا والكهـف والاحــــزابـي
اشجان ودموع ودعا وانوار ماهـي غـــاربـه
آنـاجي مــولاي الاحـد وانـا مغـضّ اهـــدابـي
مما جنت يـــدّي ومن حيّـة مســـارب ســاربـه
واطلبه لا صكت وهو يملي جيــوب ازهـــابـي
سبحانه يعطـــــي مـن طلبـه ويبلغـــه مآربـه
رفيقي المسلم من اقرابـي سـوى واجنـابـي
دامـــه علـى الملــه فلــه حميّــــة الاقــــاربـه
تنصـك بيبــــان العــــرب ولا اصـك ابوابــــي
يرقـــى سنـود ومـن عـــــداه اعفّـره متاربـه
أَعز من جا واَغلا وجهٍ لـي واحـب احبـــابـي
ونسبته اغلى مـن المستــعربـه و العــــاربـه
ولاّ اللي لا مشـى عثـــر وعالركيبـه كـــابـي
ما له سوى المشعاب يضرب صفحته وغــاربه
واللي تهــزّى بالدقـون انشهـــد انـه هابـي
وحسابه عند اللي ما يهرب من حسابه هاربه
قالت لي ارهابي وفي ثوب الديانه خابـي !!
استغفر الله من جهــــل مـن غرتـه تجـــاربـه
تنقل سموم الغيض بين العرق والاعصــابـي
الين تخلــف منطقــي والـراس واللـي دار بـه
ايه ادري انـي مذنـبٍ والظـن ياكـم خـــابـي
مير اتشـــبّه بالنبي واللـي ضـرب مضـــاربـه
عل الله يحشرني معه في زمـرة الاصـحابـي
ولا العمل !! مامن عمل ينجيني يوم يشـار به
اغفــر يـارب لعبــدك الوهابـي الارهــــابـي
اللي يدينه من دمـا عــــــدوان دينـه شاربـه



((( قصيدة أخرى )))


ربي احلل لساني .. واسالك بالثبات
قبل عقلي يطيش..وقبل قلبي يلين
القدر حكم ربي .. والسنن ماضيات
وابن ادم يغره كل عجف وسمين
لو تبصر عبرها .. لو نظر فالعضات
كانت احلى صورها في عيونه تشين
جعل عود(ن) تسجى وسط ذيك العبات
واندفن عقب موته بين لبن وطين
يلقى عقبى جهاده ..عيضته والنجات
والجنان الوساع وصحبة الخالدين
يا رفيق المساجد .. يا حبيب الصلاة
يا دعاء الحناجر .. يادموع الحنين
يا جميل المحيا .. يا كريم الصفات
يا شموخ المناير .. وانكسار السنين
ياسحابة سماهم .. يا طلوع النبات
يا اسد وسط غابه ضاع عنه العرين
يا معاق(ن) تحدى كبرياء الطغات
يابقايا الصحابة يوم بدر وحنين
كل مجد ومكانه ..في عيونك فتات
وكل ذكر(ن) وسجده في فؤادك ثمين
انت في يد اطفال الحجارة حصاة
وانت نهج وحكاية لاهلك الصامدين
لاهل غزة ..امير .. يا امير الغزاة
يا جنين الكرامة .. وكرامة جِنين
علم اهل السياسة والكراسي الثِبات
ان كرسي اعاقة .. كاد بالمعتدين
وان حماس الجهاد يصنع المعجزات
وان ذل العرب من هود مستعربين
وعلم اهل السياسة كيف الاربع جهات
تبكي من موت مؤمن في فؤاده يقين
يالله اغفر ذنوبه .. واسقي ذاك الرفات
في جنان وسيعه .. لذة الشاربين
واسالك بالشهاده .. واسالك بالثبات
قبل عقلي يطيش .. وقبل قلبي يلين



((( ضاقت بصدري )))



ضاقت بقلبي وسيعات الفياض
واظلمت في عيني لحظات الوميض
والامل صابه من الغبنه جهاض
لا نسم له.. لا حراك .. ولا نبيض
اعتلا همي بصدري واستفاض
لين دلا الهم من عيني يفيض
الله اكبر يا زمان الانخفاض
الله اكبر من حضيض(ن) في حضيض
طفل(ن) عراقي كسا وجهه بياض
جمّله ربي بحسن(ن) مستفيض
تو عمره ما بلغ واسمه (رياض)
ناعم(ن) خده وله طرف(ن) غضيض
جاته الطلقة على غفلة وخاض
سال دمه وانثنى راسه خفيض
اشهد انه منظر(ن) ساق الغياض
حتى للي كان قلبه ما يغيض
اه يا ثار الطفل رواح شظاظ
تبكي امّه من فراقه ما تريض
اصرخت بالصوت: مات ابني رياض!
راح طفلي من يرده..من يعيض
واعلن العربان قمة (لا اعتراض)
للأمل فيها على الواقع نقيض
وابتدا الريّس وكنّه مستهاض
وخط بالمرسام فوق اوراق بيض
قال : (نشجب) ثم (نندد) بامتعاض!!
ذلك العدوان والفعل البغيض!!
وأطبق اوراقه بسرعه.. ثم فاض
وماج بالتصفيق له حشد(ن) عريض
ذكروني بالجبل جاه المخاض
واخرتها جاب له فار مريض



((( الفلوجة )))



يا خاطري كل ضيقة مبروجة
والله على جيش التحالف قاوي
لولا السنين الماحلات العوجة
ماكان ميزنا الملي والخاوي
و(البيت الابيض) وان على ببروجه
ينهد فوق الغاوي ابن الغاوي
اللي تحكم فالدول بعلوجه
رش الذباب يرش بالكيماوي
يا هيه ياللي راكب المسروجه
بالله وين من المنازل ناوي
بالله اذا انك رايح (الفلوجة)
سلم على (ابو مصعب الزرقاوي)
واهل الجهاد اللي ذوو في فوجه
اهل اللثايم والسلاح الطاوي
نور القتال وشعلته وسروجه
قبر الصليب وجيشة المتهاوي
لبى عيون الماجده المغنوجه
بنت(ن) نسيبه واخت ذيب(ن) عاوي
فلت جدايلها كما المرجوجه
وطلت بوجه لكل زين حاوي
تلفح عبايتها بوسط لهوجه
بين النشامى والرصاص الضاوي
تهيض رجال وسيوف(ن) عوجه
لبى العزاوي والجديل الراوي
ولبى العراق ونخله ومنتوجه
ونهر(ن) الى منه جرف ما ياوي
وارض غدت برجالها مسيوجه
لاهل العدا سم وطريق لاوي
ولاهل الهدى واد(ن) وساع فجوجه
مرقاب راسه والشرف متساوي
واسمائهم فوق السماء مدروجه
ولهم عليها عزوة(ن) ونخاوي
واللي تسلط واعتزى بنعوجه
ماله سوى ضرب الشطير الكاوي
لو يعجبك بمزبرقات هروجه
فلنا مع كل الجروح مداوي
رجال توطا رجله العروجه
غارب جيوش البيرق المتهاوي
لكل جيش عندنا (فلوجه)
ولكل بوش عندنا (زرقاوي)!!
ياسعدهم اللي ذوو في فوجه
وياخيبة اللي قايده (علاوي)



((( سبعه وعشرين )))



عام الف واربعمية سبعة وعشرين
وشهر المحرم داير(ن) في مداره
الثلث باقي له .. وقد راح ثلثين
يا ايام عمري .. ياسنيني ..مجارة
ذالحين وين .. ووين انا قبل عامين
عز الله ماخابت صلاة استخارة
قمنا نزاحم بالركب .. والذراعيين
من سوق الاسهم .. لين سوق التجارة
نخطي بوحدة .. ثم وحدة ..وثنتين
والخامسة تنشب بصدر الحبارة
مع اننا مابين بايع .. وشارين
والساق مشغلني بكثر الفرارة
لكن على المبدى .. من اول وذلحين!!
الدرب باقي ماتغير مساره
الفقر .. ماعلمني شحذ الغنيين
والمال .. مانساني وقت الطفارة
كفّي يجملني ولو كان بالدين
اشوى .. ولا يكتب عليّه قصارة
افرح بضيفي .. واحتمي للقصيرين
وافزع لربعي يوم قدح الشرارة
من يوم أنا ورع(ن) مابين الوراعين
وآبي يلقمني علوم الظفارة
واليوم عمري طاف سبعة وعشرين
يحرم عليّة حتى شرب الزقارة
لكنها يابو عجب ماهي باللين
يبغالها صبر وجهاد وشطارة
ان لم تكن ذيبا(ن).. بياكلك ذيبين!!
هذا تمام الهرج .. هذا قرارة
لو ماسكتنا عن خطايا القريبين
ماشفت لي عند البعيدين غارة
واقرب مثل .. يابوعجب وينك الحين
قصّرت عني .. بالوصل والزيارة
ضرب العلابي .. بعد صرم الكراعين
خليتني بعد اليسر .. فالعسارة
عالكامري الاكس إل تسعة وتسعين
طالع من الدمام .. وابغى مطاره
من يوم ماعديت "واحد وسبعين"
والعين هلت دمعها بالغزارة
الله عليهم متلفين المحبين
اللي شراهم راح عمره خسارة
وقفتها في موقف البي سفنتين
على يمين الباب .. مدري يساره
وقمت اندرج بين الغرف والصوالين
احث سيري بين شارة وشارة
فيدي التذاكر ..والشنط ..والعناوين
وفي عيني العبرة وقلبي الحرارة
ثم قامت "الجنبو" ترف الجناحين
واخذت علينا دورة واستدارة
والليل غنى للسحب ليل ياعين
والسحب غنت ياحلو ياسمارة
كل(ن) يغني للنفل والرياحين
وانا ملد(ن) طرفي من الغمارة
هذي بقايا البحْر..ذي سكة الرين
منّا طريق بقيق .. هذا سواره
كني مودع مابجي بعد يومين
معمور يالدمام باهله وجاره
الين حلت ديرة(ن) حيها عين
للحب فيها لوحة(ن) واستمارة
جدة عساها للسخا والسخيين
رغم الزمان وضيقته وانقصاره
كم لي بها "غمّد" وكم لي "زهارين"
درقي ليا خيل(ن) تثور غباره
لافي لبيت اللي له الناس لافين
ماقد لفاه احد(ن) وخيّب مزاره
اليا طِلب أعطى عطايا الكريمين
حتى الملوك تجيه بيته وداره
منّا ومنّا ..كلهم مستغيثين
ماضاق ملكه .. من صغاره كباره
دامه كريم ..وكل يدينه يمين
باهب على جابة دعاي البشارة
سبحانه الخالق وحنّا المساكين
وآنا ف بيته ..عز ملكه وجاره
امشي مابين اهل السعي .. والمطيفين
محرم .. وطرفي ما يوقف عباره
ادعيه هو رب العباد المصلين
في وجهي الكعبة وظهري المنارة
بين الركيع .. الساجدين ..الملبين
قدّام نور الصبح .. يبدي شعاره
يفرج لمن ضاقت عليه الأراضين
في عينه الدنيا ماتسوى كسارة
سبحانك اللهم ..امين ..امين
يامن يجيب برحمته واقتدارة



((( الا رسول الله )))



ماجت امواج الخليج وزلزلت روس السراه
وانتفض ركن الحرم والطايف اطبق اخشبية
وضاقت اطراف الحجاز ونجد من كل اتجاه
ومال دجلة للفرات يبثّ مشكاته اليه
هذا حال الكاينات اش حالي انا والسواه
وانا عبد(ن) مسلم(ن) دون النبي باغلى بنية
شفت ما خطت اياديهم على سيد الهداه
وارتعش عظمي وباح الدمع من تيّه وتيْه
وتلني همي كما تل المقيّد من قفاه
تله السجان لا راحم ولا شافق عليه
وذبه في وسط السجن يا كن قلبه من صفاه
ودق صفحه فالجدار الين ورّم وجنتيه
وضاق صدري ضيق محكوم القصاص اذا لفاه
علم بالتنفيذ وان الوقت ماهو في يدية
وقال لا جا خيه في وقت الزيارة يا عساه
يبلْغه يبلّغ اهل الخير شرهات الشريه
وابتدى وقت الزيارة وانتهى ولا لقاه
وما بقى له غير يطلق للبكاوي دمعتيه
وانفرى كبدي فري من شاف بنت(ن) لقصراه
حوطوها طالبين السو وصاحت تحتمية
وهو مصوب فالقدم والقيد محوي في يداه
وكل ما وقف تعثّر وانقحم لركبتيه
كل ما صاحت يصيح الين ما جابت قصاه
وقام يلعن حاله ونفسه ويلعن والدية
يابعد كل العرب من الملوك الى الرعاه
كل واحد فينا يفدى شاربك بامه وابيه
يا اشرق وجيه البشر واعز من يطوي الفلاه
واشرف اصفياء ربي وانبياه ومرسليه
يا اشجع من الموت لا جت حزته ياخذ قراه
ويا حليم احلم من الطفل اليتيم على السفيه
يا اجود من الغيم واصدق ما ترتله الشفاه
واصبر من الدرع لا جا كل سيف وصك فيه
باسمك ينادي المنادي يوم ينادي للصلاة
وانت تشفع في نهار(ن) فيه يحتار النبيه
وانت اول من بيفتح باب جنات الاله
واخر انبياء ربي من ترك هديك يتيه
ارسلك ربي لتخرجنا من غبوب وعماه
والصحابه دونك تحامي وعرضك تفتديه
اظفروا بك في حياتك درع وسلاح وعباه
وجاهدوا دونك وفلوا كل سرب وراكبيه
وحنا والله لا ظفرنا بك ولا كنا حماه
وهذي حزتها نفادي دونك بكل ما تبيه
ازهله لي يا ابا القاسم وتبشر فالبغاه
مات (حسانك) وقام (سعيدك) يضدّ الوجيه
الصور مدري الرسوم تبيّن اللي فالخفاه
بانت البغضا وطاح الستر عن وجه(ن) كريه
بعد ماهي فالصدور تعلقت على الجباه
وصارت اوضح من شعاع الشمس للي حادريه
يا رعاعيع البقر!! والكيل طفّح جانباه!!
صارت اكبر من جملنا بالمكر يا ماكريه
كل شي الا رسول الله وخيرة انبياه
دونه المليار يدحم له فداة لناظريه
دونه رقاب ووجيه(ن) تدرع طعون العداه
والله من فوق العباد يكف نبيه شاتميه
علم الكافر وقله لا بلغ سيل(ن) زباه
كل مسلم يفتدي دون النبي بامه وابيه
ولا افتدي بالوالدين الا النبي سيد الهداه
عد ما هل المطر ..صلى الله وسلم عليه



((( عشتم .. عشتم )))



بـــــــســــــــم الله ابــــــــــــــــدا كــــــــــــــــل امــــــــــــــــر(ن)
واختم امر(ن) بدا من غير ربي ما تم
قــلـــبـــي تــشـــكـــر لــــــــه عـــظـــيـــم افـــضـــالـــه
ولــــســــانــــي بــــــذكـــــــر الـــمـــحـــامــــد تــــمــــتـــــم
واســــــألــــــه ربــــــــــــي ان يــــــزيـــــــل ذنــــــوبـــــــي
ويـــزيــــل هـــمــــي قـــبــــل لا اهـــتــــم واغـــتــــم
يـــــــا صــاحــبـــي يـامــحــمــد بـــــــن مــشـــبـــب
بــــــن مــســفـــر الـفـرحـان..عـشـتــم عــشــتـــم
يـالـلــي جـــــدودك مـــــن قــديـــم(ن) حـــــازوا
مــثــل الــلـــذي مـــــن عـقـبـهــم قـــــد حــزتـــم!!
كــــانـــــوا وكـــنـــتــــم مـــــثـــــل مـــــاهـــــم كـــــانـــــوا
لـــلــــيــــوم لا زلـــــتــــــم عـــــلــــــى مــــــــــــا كــــنــــتــــم
اسـلـوبـكـم فـالـنـاس..يــاذي !! يـــــاذي !!
يــــا ســيــف عـنـتـر..يـا كــرامــة حــاتـــم !!
طـالـبــك وانــــا خــبــري بــــك يـــــوم اطــلـــب
اتــقــول تــــم .. مــــن قــبــل اقــلــك قــــل تــــم
نــنــصــى حــــــدى ذيــــــك الــهــجــر يـاعـلــنــا
نــــــاكــــــل عــــشــــانــــا بــــالــــظـــــلام الـــمـــعـــتــــم
تـــعــــرف خـــويــــك كـــيــــف دمـــــــه حـــامــــي
خـصـوصــا انــــه شــــاف مـــــا قـــــد شـفــتــم
اربــــوعــــنـــــا بــــــذيـــــــك الــــمــــنـــــازل شـــــــــــــدوا
مـــــن ضــيـــق مـــــا جــاهـــم بـــــذاك الــمــأتــم
مـــــدْ لـــــي يـمـيـنــك وانـــــت هـــــاك يـمـيــنــي
عـــــــهـــــــد الــــمـــــراجـــــل وامـــــــرنـــــــا مـــتــــكــــتــــم
لاحــنـــا غــوالـــي ولا هــــــم ارخــــــص مـــنـــا
قــــــل لاهــلــنــا بــنــاكــل كـــمـــا الـــلـــي كــلــتــم
امـــــــــــــا انــــتـــــشـــــارك فـــالـــصــــفــــا فــــرقـــــيـــــة
والا انـــــتـــــشــــــارك بــــالــــعــــمــــا الـــمـــتـــعــــتــــم
وان كــــــان عــفــتــوا عــيــشـــة(ن) مــخــزيـــة
فــحــنــا تـــــــرى عــفــنـــا الـــلــــذي قـــــــد عــفــتـــم
و حـــــنـــــا مـــعـــاكــــم والـــــدمــــــا مـــشــــروكــــه
وانـــصــــف لــلــفـــرض الــــلــــي لــــــــه اذنــــتــــم
وافـــهــــم كـــــــلام مــــرمــــز(ن) يــــــــا مــحـــمـــد
واخــفــيـــه عــــــــن اهــــــــل الــحــكــايــا واكــــتــــم
ويالله عــــســــانـــــا يـــــــــــــا مــــحــــمـــــد مــــــمـــــــن
يــــنــــقــــال لـــــــــــــه قــــلــــتـــــم وثــــــمـــــــن طــــلــــتـــــم
والـــــحـــــمـــــد لله عـــــــــــــــد رمـــــــــــــــل الـــــدهـــــنـــــا
الـــحـــمــــد لـــــلـــــي بـــســــمــــه ابـــــــــــدا واخـــــتــــــم



((( الساق العرج )))



مـاتـضــيــق .. الا ورى الـضـيــقــة فــــــرج
وكــــــــل عــــســــر(ن) مــــــــاوراه الا يــــســـــر
والـــــظــــــروف تــــعــــلــــم الــــــلــــــي مــــــــــــا درج
يـــكـــســـر الــــعـــــود الـــــــــذي مـــــــــا يــنــكــســـر
ســــر عــلــى دربــــك ولـــــو ســاقـــك عـــــرج
مــن مـشــا لـــه ســـاق مـــا خـــاب وخـســر
والــســـراج الــلـــي مـــــن الــضــيــق انـــســـرج
مـاقــصــر عــنـــي ضــيـــاه .. ولا حـــســـر
قـــلّــــبــــي يـــــــــــا ايـــــــــــام فــــيــــنــــي لا حــــــــــــرج
الـعـســر مــالــه ســـــوى الـصــلــب الـعَــسِــر
حـــتـــى لــــــو لــــــي عـــثـــرةِ بـــأولــــى الـــــــدرج
مــــــــا مـنـتـعـتــنــي حــــومــــة الــعــلــيــا نــــســــر
مــــا عــجـــزت الـخــيــل مـــــن ســبـــة ســـــرج
دام بــــيـــــن الـــضـــيـــق والـــفـــرجـــه جــــســـــر
ومــــن هــــرج بـــــي لــوهـــرج بـــــي مــاهـــرج
مــــــــا يــــضــــر الـــغـــيـــم نــــبـــــح الـمــنــحــســر
مــثــل مـايـدخــل عــلـــى قـلــبــي ..خـــــرج!!
وقــد مــا يـربـح مــن ايــدي .. بيخـسـر!!
والــــذي قــــال ان وضــعــي فــــي حــــرج!!
حــــسّـــــب الـــــــــزلات وخـــــــــلا مـــــــــا يـــــســـــر
قــــل يــقــول سـعـيــد ابـــــو الــســـاق الــعـــرج
من مشى له ساق .. ما خاب وخسر



((( ذيك الدموع )))



ذيك الدموع اللي على خدينها بانت
خلتك يا دمعه على عيني تبينتي
يمه .. ولو زانت مقاديرك ولو شانت
من لك سواي انا... وانا من لي سواك انتي؟!
خذتي مشاعر خافقي .. وبصدرك انصانت
الا الهوى هو ما بقا .. فاخذيه لا هنتي
هاكي البقايا كلها ان زانت .. فزانت
وان م تزن .. شانت ظنوني .. وانتي ما شنتي
لا كان فعلي لو يضيقكم ولا كانت
ليله ينادوني بها (رجال) ان هنتي
يمه وانا سعدك .. ولو لي عثرة خانت
ماظنتي هقواي تبعد فيك لو صنتي
بنت الشيوخ اللي عربنا لاهلها دانت
اخت الكرام مزبنينك لا تزبنتي
زوجة صخي الناس مقسي جذوة(ن) لانت
ام سبعة ذيابه سنودك لا تسندتي
برارة الشيبان لا شيباتهم خانت
مدادة الايمان كم هبتي وعاونتي
تلاية القران لامن ليلتك حانت
صوامة الايام ما فيها تهاونتي
يمة .. الى من ساعتي بانت لك وآنت
ومت متغرب وجيتك لابس اكفنتي
تكفين صدي دمعتك لا منها هانت
صوني دموعك مثل ما مشاعري صنتي
وارضي علي .. حتى ولو لي عثرة بانت
منك السموحه .. يابعد راسي .. ولاهنتي



((( حائل )))



امتهيي ياخويي.. وانت قم هيا تهيا
صاحبك في هقوتك دايم جهيز(ن) وامتهيي
باستلم خطي اليكم وانت بالمفرق تريا
لين اجي يمك ونمشي يم حايل يا خويي
نقضي الواجب مع اللي له مواجيب(ن) عليا
يا عسى عرسه سعيد وياعسى عمره هنيي
في ديار(ن) يا عساها بالمطرصبح وعشيا
لين يروى (انفود جبّه) بالحيا و(جبال طيي)
حايل اللي من لفاها يلقى ترحيب وتحيا
من كرمهم !!.. علموا حتى شجرهم كيف يحيي
الشجاعة.. والذرابة.. والقصايد..والحميا
والنجر..لا دق صوته.. والحطب.. وبعد حيي
والكفوف اللي تمد بجودها تيا لتيا
دار من وطيتها كني على ربعي وحيي
لا نصيت الحايلي وقلت:هيا.. قال: هيا
من طبيعة عشرته لامن نصيته ما يعيي
جدهم حاتم عليه من الحكايا والسويا
يذبح اخيوله لضيفه يوم له طبع(ن) سخيي
له منارات ثلاثه شبها نور(ن) وضيا
طول ليله في ضلوع اجا توقد ما تفيي
لجل ضيفانه لمروا يعرفونه انه هنيا
قال هاذي الدار داري والمضاوي ذيك ضيي
ليتني مابين اجا وبين وسلمى باتفيا
ولا لفوا ضيفاناا صحت (ارحبوو) (يا بعد حيي)!!

 

 

 

 

    

رد مع اقتباس
قديم 11-09-2012, 12:03 AM   #3
 
إحصائية العضو







حبيب بن ناهض غير متصل

حبيب بن ناهض is on a distinguished road


افتراضي رد: ديوان الشاعر سعيد بن واحش الغامدي رحمه الله

بسم الله الرحمن الرحيم

الاخ القدير

راشد المسعري

بيض الله وجهك وجمل الله حالك على هذي الديوان الجميل الرائع

والله يرحم الشاعر سعيد واحش ويسكنه الجنه ....

لك فائق التقدير والاحترام

 

 

 

 

 

 

التوقيع

    

رد مع اقتباس
قديم 11-09-2012, 02:28 AM   #4
 
إحصائية العضو







بخيت الغييثي غير متصل

بخيت الغييثي will become famous soon enough


افتراضي رد: ديوان الشاعر سعيد بن واحش الغامدي رحمه الله

تسلم يمينك على هذه السيرة العطرة للشاعر سعيد بن واحش الغامدي رحمه الله

 

 

 

 

 

 

التوقيع

من يعشق المطلاع ماوالف القاع ... نفس النداوي تستشف الطليعه
وأنـا لـيـا سـنـدت عـديت مطــلاع ... وعيني على القمه لو أنها رفيعه

    

رد مع اقتباس
قديم 11-09-2012, 10:27 AM   #5
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: ديوان الشاعر سعيد بن واحش الغامدي رحمه الله

اقتباس:
المشاركة الأصلية كتبت بواسطة شافي بن راشد النتيفات مشاهدة المشاركة
تسلم يمينك على هذه السيرة العطرة للشاعر سعيد الغامدي رحمه الله
هلا يابو شالح

ومن قال سالم طال عمرك - على طاعة -

والله يرحم الشاعر سعيد بن واحش

تقبل ودي و تقديري ،،،

 

 

 

 

    

رد مع اقتباس
قديم 11-09-2012, 11:48 AM   #7
 
إحصائية العضو







نآصر البدراني غير متصل

نآصر البدراني is on a distinguished road


افتراضي رد: ديوان الشاعر سعيد بن واحش الغامدي رحمه الله

الله يغفر للشاعر سعيد ويرحمه ويعوضه خير في الآخره


لاهنت يا ابو محسن على تعريفنا بالشاعر رحمه الله


ونقل قصائده الجزله ..

 

 

 

 

 

 

التوقيع




استغفر الله لي ولوالدي وللمسلمين والمسلمات


المؤمنين والمؤمنات الأحياء منهم والأموات


    

رد مع اقتباس
قديم 15-09-2012, 06:35 PM   #8
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: ديوان الشاعر سعيد بن واحش الغامدي رحمه الله

اقتباس:
المشاركة الأصلية كتبت بواسطة حبيب بن ناهض مشاهدة المشاركة
بسم الله الرحمن الرحيم

الاخ القدير

راشد المسعري

بيض الله وجهك وجمل الله حالك على هذي الديوان الجميل الرائع

والله يرحم الشاعر سعيد واحش ويسكنه الجنه ....

لك فائق التقدير والاحترام

ووجهك ابيض يابو نااهض

والله يرحم الشاعر ويسكنه فسيح الجنات

تقبل ودي وتقديري ،،،،


 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديوان الشاعر دخيل الله ابن محمد ابن دخيل الله الشكره رحمه الله سلطان بن دخيل الله :: قسم قصايد مدح وفخـر في الــدواسـر :: 60 17-08-2022 03:24 AM
فتاوى معاصرة - العصبية القبلية عبدالرحمن الجبابرة :: القسم الإسلامـــي :: 2 18-02-2012 12:18 AM
الجــن ، معلومات عن حياتهم وطرق معيشتهم راشد المسعري :: القسم الإسلامـــي :: 19 29-01-2011 06:53 PM
سين و جيم الجزء الرابع الدردور :: القسم الإسلامـــي :: 11 17-12-2010 11:00 PM
رمضان بين الصبر و الشكر صادق الود :: الخيمة الـرمضـانـية 1431هـ :: 5 29-08-2010 08:30 PM

 


الساعة الآن 03:39 AM


Powered by vBulletin® Copyright ©2000 - 2024, Jelsoft Enterprises Ltd.
---