التغطية المصورة لحفل الشيخ عبدالله بن موافق الحقباني - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 21-01-2013, 05:56 PM   #1
 
إحصائية العضو







الإداره غير متصل

الإداره is on a distinguished road


افتراضي التغطية المصورة لحفل الشيخ عبدالله بن موافق الحقباني





الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار ومرتادي الموقع الرسمي لقبيلة الدواسر




أعدّ التقرير
عضو مجلس إدارة الموقع الأستاذ / فهد بن هادي الغريري






الشيخ عبدالله بن موافق الحقباني


ابو مشاري مكرم الضيف والجار =مدت يمينه ماحدن قد حصاها
ابو مشاري بمدحه سر وجهار =حقن علي ماقلتها ابغي جزاها
وعياله الي فالمواجيب ندار= اخوان رفعه مزبنه من نصاها
اهل البكار الوضح غاليت الاسعار =سندً غواربها كثيرن حلاها
لاهنت يالمنعور يانسل الاخيار =ياماخذ العليا على من بغاها
وبو مشاري ماتوفيه الاشعار= نجمن سطع بالكون فعلا سماها



يتناوب الرجال على فعل الكرم والطيب ويتسابقون في ذلك من باب التنافس الشريف ومن باب لم الشمل وتجديد الولاء والطاعة والمحبة في ظل القيادة الحكيمة ، ففي ليلةٍ فريدة وفي تجمع عـزٍ وطاعة وفي لقاء أنس ومحبة في جو أخوي زاد من جماله ذلك التجمع الرائع بين أبناء قبيلة الدواســر . حيث قدم الشيخ موافق بن عبدالله الحقباني الدعوة لقبيلة الدواسر لحضور الحفل المقام على شرف الشيخ الدكتور محمد بن مران بن قويد يوم الخميــس بتاريـخ 1434/3/5 هـ الموافق 2013/1/17م بمحافظة بقيق أحد معاقل قبيلة الدواسر .

وكذلك كان من أبرز الحضور محافظ بقيق الاستاذ عبداللطيف بن محمد العبدالقادر والشيخ /قبلان بن ظافر بن لويف الفهادي والشيخ محمد بن حسن جرشب القحطاني شيخ آل مهدي قحطان





من اليمين الشيخ احمد بن مران بن قويد وبجانبه الشيخ الدكتور محمد بن مران بن قويد وبجانبة محافظ بقيق الاستاذ عبداللطيف بن محمد العبدالقادر


من اليمين الشيخ /قبلان بن ظافر بن لويف الفهادي






في المنتصف الشيخ موافق بن فالح الحقباني


من اليمين مشاري بن عبدالله بن موافق الحقباني وبجانبه الشيخ عبدالله بن موافق



























فـقـرات الحـفـل



مقدم الحفل الأستاذ راشد بن حماد الغريري

إنطلقت فعاليات الحفل المنبري عند وصول جميع الضيوف التي قدمها
الأستاذ راشد بن حماد الغريري وقد بدأ الحفل بآي من الذكر الحكيم تلاها
عبدالله بن عبدالرحمن



عبدالله بن عبدالرحمن



الشيخ عبدالله بن موافق الحقباني

بعدها ألقى الشيخ عبدالله بن موافق الحقباني كلمة رحب بها بالحظور


الدكتور محمد بن مران بن قويد

بعدها ألقى الدكتور محمد بن مران بن قويد


الشيخ قبلان بن ظافر بن لويف الفهادي اليامي

بعدها ألقى الشيخ قبلان بن ظافر بن لويف الفهادي اليامي


[youtube]ولأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر : عبدالله بن صالح الصليبي الحقباني



الشاعر : عبدالله بن صالح الصليبي الحقباني

وسّعوا لي طاب لي نظم البيوت=بأنتقي للطّيبين الطّيبات
تنطلق شرْد القوافي بالرّيموت= ثم تقادح في الضّماير خذ و هات
وقفتي عند الّلوازم ما تفوت=في بني عمّي بدعت النّادرات
يرضخن لّي من سماء و الا خبوت=و تّتزاحم في فضاء الفكر البنات
قام يصفق في الحشا مثل الرّوبوت=يالله اني طالبٍ منك الثّبات
لا دعانا القرْم ما نبغي كروت=(ابو مشاري) يا زعيم المقدْيات
جعل حظّك دايمٍ فوق البخوت= واقفٍ للطّيب ضدّ الكايدات
عوّدك عودٍ عمى عين الشّموت= (ابو عبدالله) فعوله بيّنات
في بيان الحق ما يرضى السّكوت= و انشد من (موافقٍ) عند الثقات
تسبقه يمناه من عصر القتوت= يوم بعض النّاس ما يلقى زِتات
و يا هلا و يا مرحبا جهر و قنوت= بالضّيوف و بالحضور و بالدّعات
في مقرّ ابقيق خزّان الزّيوت= مصدر الطّاقه و طوقٍ للنّجات
استلم(عبداللطيف) الجالبوت= (ابن عبدالقادر) و ضمّ الوصات
لا لفا في ديرةٍ زادت نبوت=فرقها فرق الحيات من الممات
استوت فيه الحدايق و اليخوت=جنّةٍ ما بين دجله و الفرات
و نور شرق المملكه ما له خفوت=في قدوم (سعود) تبتلّ الشفات
شبل (نايف) جيّته تجلى الغموت=من كرَمْه تحسّ في كفّه ندات
ذا و اخصّ اللي جمعهن من شْتوت= الشّهامه و الشّهايد مردفات
ذاك (ابن مرّان) نحسب له وقوت= ترثة (ابن قويد) ممدوح الصّفات
يا (محمّد) تشتبك فيه النّعوت=حزْت كل الطّيب من كل الجهات
جعل يفداك المنافق و المقوت= يا عريب السّاس يا مروي الشّبات
من (بني زايد) رموزٍ ما تموت= شمّخٍ مثل الجبال الشّاهقات
شيخةٍ ما جات من نّصب البشوت= كون من ضرب السّيوف الماضيات
(تغلب و زايد) و لا نبغي اثبوت= معتلين المجد روس النّايفات
يوم جدّي جاوب لجدّك بصوت=فزعةً له من (صليب الصّوت) جات
حوّل بشلفاه و الجوّ مغَتوت= و احتمى الميقاف من قبل الفوات
(الدّواسر) صيتهم فوق الصّيوت= محتمين الوادي بسيف و قنات
جارهم في دارهم شبعان قوت= و ان وزاهم مجرمٍ ذبّ العلات
و القبايل كلّ قفلٍ له ابتوت=ما ننّقص حقّهم حضْر و بدات
و نحمد الله وامنينٍ في البيوت= في ذرا حكمٍ جمعنا من شتات
يالله المطلوب يا ذا الجَبَروت=يا عظيم المُلك يا محيي المَوات
نسألك و انت الوليّ ذا الملكوت= خلّ (ابو متعب) لنا سُقم العدات
صيرميٍّ لا احتمى الموقف بتوت= صيده الجزلات ما يرضى الفتات
و الصّلاة اعداد من صلّى الوقوت= للنّبي الهاشمي ازكى صلات



الشاعر خالد بن محمد العتيبي


ثم ألقى الشاعر خالد بن محمد العتيبي قصيدةً بهذا الحفل
، حيث يقول في قصيدته :



سلام تسليم من الصدر مبداه= وابديه سلم للنفوس السليمه
من مكسر الجاوي مساقه ومعناه=جمره خلاص وساكب العود غيمه
الا ولاكفه للارقام وانساه=عد النجوم وعد ماصب ديمه
لاهل الوفا روس الرجال المسماه=اللي على روس المعالي مقيمه
طلق الوجيه اللي على العز والجاه=عن جد جد من العصور القديمه
في محفل اللي تبذل الطيب يمناه= والراس صلب والروامع حكيمه
والجذر طيّب والمراجل سجاياه=والجود رسمه والمجمل نديمه
لولاه ماعاندت وقتي ولولاه= ماسقت بيت من بيوت الوسيمه
لبو مشاري قلت ماقلت واحماه=جار السعد جار الوفا والحشيمه
دعى وجيت ومرحبا حظ من جاه=واسم الكرامه للوجيه الكريمه
يالله عسى ربي يديمه ويحماه=وانه يجنبه الصدوف الوخيمه
من روس روس للمواقف مضّراه=اهل السطر واهل الضفر والعزيمه
واهل الفخر واهل البيوت المبناه=على الشرف والطايله والغنيمه
دواسر من ناصف الكف تملاه=وتقّنع الطاغي قناع الهزيمه
يبشربهم قبل الهبايب تنصاه=فوق النضا وملاويات الشكيمه
في ضف شيخ ناصف المجد مركاه= ابن قويد ومنه ذب الخريمه
هذا وانا لاعد من عدد اسماه=لي لابة وقع الرعد من رزيمه
يامن بنا الخايف ويضحك محياه=ويزود معنا اللي حظوظه سقيمه
وانّسي اقصى جار لدنى دناياه=وتجير باسمانا الثقال اليتميه
ربعي عتيبه لاعرب الرجل مجناه= روس العظام اهل الفعول العظيمه
والله يديم الله دعانا وجيناه=حب وكرامه والنوايا سليمه



الشاعر صالح بن محمد الصليبي الحقباني

ثم ألقى الشاعرصالح بن محمد الصليبي الحقباني قصيدةً بهذا الحفل
، حيث يقول في قصيدته
:

من فضل ربي ماعلينا قصيره =اسلام وامن وخير وافراح وانعام
الحمد للي ماسجدنا لغيره=الواحدالي في يده غيب الايام
ياالله يامنشي المزون الغزيره=تحي بها الارض المحيله والانعام
يالله تعز الدين واهل الجزيره=حكامنا اللي حاكمينن بالاسلام
درع الجزيره عن اوجيه المغيره=الي حموها من خبيثين الاوهام
يوم الحشود الغادرات الخطيره=تجمعوا في شور تقطيع الارحام
مافكروا في حق جارً وجيره=علي سواد اوجيهم جوك هيام
صاح الفهد وسط الجموع الغفيره=وجابر تنهض نهضة الحر لاقام
وارسل خليفه له سيوفن شطيره=وزايد فزع ماكن في راسه عظام
وعيسي من البحرين ساق الذخيره=وقابوس قام وحزم الجيش بحزام
الين ردوها عليهم كسيره=في ليلة يشهد لها كل ضرغام
واليوم في عصر السعد والبريره=جنوبها والشرق والغرب والشام
تساقطت كل الوجيه الشريره=والدور للي عاد في خشمه عرام
حنا وقادتنا بدرب المسيره=خليج واحد والهدف سامي وعام
مانختلف كلن رفيقه خشيره=البيت واحد لو حمل ستة اعلام
حكامنا للعدل عينن سهيره=وحنا سوا بدو وحضرن وحكام
حنا لقادتنا سيوفن شقيره=من جالهم عيال قدناه بخطام
حنا الدواسر والعزاوي كبيره=عونن لدولتنا علا كل من هام
حنا الدواسر جابرين العثيره=من تمن الجالي ليا جاك منظام
اهل الوفا واهل الوجيه السفيره=يشهد لنا من كان صلى ومن صام
وكل القبايل بالفعايل شهيره=قولن صحيح ًمايبي شرح واعلام
يالله تجمعنا علا كل خيره=وتعز منهو يجمع الشمل لاقام
شيخن وقرمن من قروم العشيره=هذاك ابو مشاري عما كل من زام
عبدالله اللي يرتكي للعسيره=من منهج موافق خذا درس والهام
غيثن علا ربعه مزونه مطيره=ينجا به اللي ضده الوقت باحكام
حر علي الجزلات دايم مسيره=شبحه بعيد وكل ممشاه قدام
هذا وحنا ماعلينا قصيره=امن وامان وخير وافراح وانعام
صلاة ربي عد نبت البذيره=علي النبي اللي هدم دين الاصنام



الشاعر مبارك بن عبدالله بن نقيزان الحقباني


ثم ألقى الشاعر مبارك بن عبدالله بن نقيزان الحقباني قصيدةً بهذا الحفل





الشاعر عبدالله بن سالم الحقباني


ثم ألقى الشاعر عبدالله بن سالم الحقباني قصيدةً بهذا الحفل
، حيث يقول في قصيدته :



الله ياعالم خفيات الاسرار =مجري سفينة نوح من فوق ماها
منجي نبيه من صلا لاهب النار =عفوك وغفرانك على من رجاها
يامرحبا بازفها عبر الاقمار =ترحيبتن تبقا ويبقا صداها
يامرحبا بقدوم وافين الاشبار = نصتهم الدعوه ولبو نداها
لفو عديمٍ ماكره ماكر احرار=عون الرفيق وللمعادي عماها
ابو مشاري مكرم الضيف والجار =مدت يمينه ماحدن قد حصاها
ابو مشاري بمدحه سر وجهار =حقن علي ماقلتها ابغي جزاها
وعياله الي فالمواجيب ندار= اخوان رفعه مزبنه من نصاها
اهل البكار الوضح غاليت الاسعار =سندً غواربها كثيرن حلاها
لاهنت يالمنعور يانسل الاخيار =ياماخذ العليا على من بغاها
وبو مشاري ماتوفيه الاشعار= نجمن سطع بالكون فعلا سماها
و في مدح ربعي باتنقاولاحتار =جزل القصايد ماتوفي ثناها
ولاجيت ابمدح بنظم الشعر وختار =ابيوت من صدري الساني تلاها
ربعي الدواسر تحشم الجار لو جار = بضلها الوافي تضل اقصراها
دواسرً تاطا على درب الاخطار=قبيلتن نفخر بوسمت عصاها
حريبنا نسقيه من كاس الامرار= تغلب وزايد ماحدن قد قواها
تغلب نهار الهوش بياعت اعمار= وعلى ظهور الخيل تكعم عداها
وزايد لها فالمجد مارد ومصدار = ستر الصبايا ليا تجلى غطاها
قلته وربعي متعبت قب الامهار = حقبان لامني بغيت اتباها
اهل الفعول الطيبه هم هل الكار = لاد العياضي ما تضام دخلاها
وختامها صلو على سيد الابرار =محمد رسول الامه هومصطفاها



الشاعر فالح بن هزاع الحقباني


ثم ألقى الشاعر فالح بن هزاع الحقباني قصيدةً بهذا الحفل




الـــــتــــــكريـــــم


وإيماناً من الشيخ عبدالله بن موافق الحقباني راعي الحفل أن يكرم الشعراء المشاركين واللجان المنظمه للحفل حيث تقدم الدكتور محمد بن مران بن قويد والشيخ موافق بن فالح الحقباني ليشاركوه بتسليم التكريم.




تكريم الشاعر خالد بن محمد العتيبي


تكريم الشاعر عبدالله بن صالح الصليبي الحقباني


الشاعر صالح بن محمد الصليبي الحقباني


تكريم ادري موقع قبيلة الدواسر الرسمي الاستاذ فهد بن هادي الغريري



تكريم الشاعر مبارك بن عبدالله بن نقيزان الحقباني



تكريم الشاعر فالح بن هزاع الحقباني



تكريم الشاعر عبدالله بن سالم الحقباني



تكريم تكريم مقدم الحفل الاستاذ راشد بن حماد الغريري


وبعد إنتهاء فقرات الشعر والإحتفال ، فتحت أبواب موائدالغداء ليتفضل الجميع ليتناولوا طعام الغداء على مائدة الشيخ عبدالله بن موافق الحقباني.


صــور عــــامــه من الحفل




















































































وختاماً، تتقدم إدارة الموقع الرسمي لقبيلة الدواسرتتقدم بخالص الشكر والعرفان لشيخ عبدالله بن موافق الحقباني على الإحتفاليّة وإن هذا ليس بمستغرب عليه أبداً والشكر على حسن التنظيم والترتيب المسبق المعدّ لهذه الإحتفاليّة المتميزه



(صوت قبيلة الدواسر)
منتدى قبيلة الدواسر الرسمي
www.alduwaser.org/vb

 

 

 

 

 

 

التوقيع


حسابنا في تويتر

@alduwaser1

    

رد مع اقتباس
قديم 21-01-2013, 07:46 PM   #3
 
إحصائية العضو







فلاح بن عايد غير متصل

فلاح بن عايد is on a distinguished road


افتراضي رد: التغطية المصورة لحفل الشيخ عبدالله بن موافق الحقباني

الله يديم أفراحكم ويحفظكم..

وكل الشكر والتقدير ل لشيخ عبدالله بن موافق الحقباني على هذا الحفل..

ويستاهل ابن قويد

والشكر موصول لكم يا إدارة على هذه التغطية..

واخص ابوهادي على جهوده

 

 

 

 

    

رد مع اقتباس
قديم 21-01-2013, 09:37 PM   #4
 
إحصائية العضو







حقباني الاحساء غير متصل

حقباني الاحساء is on a distinguished road


افتراضي رد: التغطية المصورة لحفل الشيخ عبدالله بن موافق الحقباني

بيض الله وجه الشيخ عبدالله بن موافق الحقباني على الحفل الكبير وبيض الله وجه الشيخ محمد بن مران تشريفه عند بين عمها كل الشكر والتقدير لموقع قبيلة الدواسر الرسمي. وعلى راسهم الاستاذ فهد بن هادي الغريري على عنوتهم عن بني عمهم وجهودهم في الحفل

 

 

 

 

    

رد مع اقتباس
قديم 22-01-2013, 02:00 AM   #6
 
إحصائية العضو







شافي بن راشد النتيفات غير متصل

وسام الدواسر الذهبي: للأعضاء المميزين والنشيطين - السبب: شكر وتقدير.. ونعتذر علي سقوط اسموسام شاعر التميّز .: وسام يقدم لمن يستحق أن يطلق عليه
: 2

شافي بن راشد النتيفات has a spectacular aura aboutشافي بن راشد النتيفات has a spectacular aura about


افتراضي رد: التغطية المصورة لحفل الشيخ عبدالله بن موافق الحقباني

الله يديم أفراحكم ويحفظكم..

وكل الشكر والتقدير ل لشيخ عبدالله بن موافق الحقباني على هذا الحفل..

ويستاهل ابن قويد

والشكر موصول لكم يا إدارة على هذه التغطية..

واخص ابوهادي على جهوده

 

 

 

 

 

 

التوقيع




لمتابعتي بتويتر

Shafi-1978

    

رد مع اقتباس
قديم 22-01-2013, 03:55 AM   #7
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: التغطية المصورة لحفل الشيخ عبدالله بن موافق الحقباني

بيّض الله وجه الشيخ عبدالله بن موافق الحقباني على هذا الحفل المميز والاجتماع المبارك

وعسى الرفاقة مايعسرون ، ومثل هذه الاجتماعات تزيد من اللحمة والتعارف بين الجميع

وشكر لجميع الحاضرين ومن لبوّ الدعوة

وشكر خاص للأخ فهد الغريري على التغطية المميز والحضور نيابة عن المنتدى

وللجميع ودي وتقديري ،،،،

 

 

 

 

    

رد مع اقتباس
قديم 27-01-2013, 11:19 AM   #9
 
إحصائية العضو







نآصر البدراني غير متصل

نآصر البدراني is on a distinguished road


افتراضي رد: التغطية المصورة لحفل الشيخ عبدالله بن موافق الحقباني



كُفو وبيض الله وجه الشيخ عبدالله بن موافق الحقباني


على الحفل الرائع يستاهل الشيخ محمد بن مران



بيض الله وجه كل من حضر هذا الحفل المميز


نشكر ابو راشد على جهوده الزاخره وتمثيله المنتدى ..

 

 

 

 

 

 

التوقيع




استغفر الله لي ولوالدي وللمسلمين والمسلمات


المؤمنين والمؤمنات الأحياء منهم والأموات


    

رد مع اقتباس
قديم 30-01-2013, 10:28 PM   #10
 
إحصائية العضو







بوراجس المشاوية غير متصل

وسام الدواسر الفضي: للأعضاء المميزين والنشيطين - السبب: المميزين والنشيطين
: 1

بوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to behold


افتراضي رد: التغطية المصورة لحفل الشيخ عبدالله بن موافق الحقباني

أسأل الله أن الله يديم أفراحنا ويحفظنا..

بيض الله وجه الشيخ عبدالله بن موافق الحقباني على هذا الحفل..

ويستاهل ابن قويد

والله يجمع الدواسر على المعزة والطاعة

والشكر موصول للإدارة على هذه التغطية..

 

 

 

 

 

 

التوقيع






اللهـــم إغفر لأمي وإرحمها وأجعلها في عليين برحمتك يا أرحم الراحمين - يا مال الجنة يا نور عيني

    

رد مع اقتباس
إضافة رد


الذين يشاهدون محتوى الموضوع الآن : 4 ( الأعضاء 0 والزوار 4)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة للحفل السنوي السادس لقبيلة الدواسر بإستضافة ورعاية الشيخ ابراهيم بن عبدالله الشتوي البدارين حفظه الله . الإداره :: قسم اللقــاءات والفعاليات والتغطيات الخاصة:: 23 08-07-2012 07:22 PM
التغطية المصورة لجولة موقع قبيلة الدواسر الرسمي لـ محافظة الشماسية الإداره :: قسم اللقــاءات والفعاليات والتغطيات الخاصة:: 32 19-05-2012 11:03 PM
التغطية المصورة لجولة موقع قبيلة الدواسر الرسمي بـ المذنب و بريدة الإداره :: قسم اللقــاءات والفعاليات والتغطيات الخاصة:: 20 09-05-2012 12:14 PM
دليل اسر دواسر الازد محافظة المذنب ابراهيم المطرودي :: قسم المـواضيع الـعامــة :: 1 16-04-2012 08:44 PM
التغطية المصوّرة للحفل السنوي الخامس لقبيلة الدواسر بإستضافة ورعاية الشيخ فيحان بن شجاع بن محماس بن سويلمه آل بريك حفظه الله ورعاه. الإداره :: قسم اللقــاءات والفعاليات والتغطيات الخاصة:: 39 30-04-2011 02:03 PM

 


الساعة الآن 09:49 AM


Powered by vBulletin® Copyright ©2000 - 2024, Jelsoft Enterprises Ltd.
---