الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين
الإخوة أعضاء وزوّار الموقع الرسمي لقبيلة الدواسر
أعدّ التقرير وشارك بتنسيق الصور
عضو مجلس إدارة الموقع فهد بن هادي الغريري والمراقب شافي بن راشد النتيفات والمراقب مبارك بن شافي النتيفات
يسر إدارة الموقع الرسمي لقبيلة الدواسر العريقة أن تضع بين أيديكم التغطية المصوّرة لحفل اهالي همجة النتيفات.
همجة النتيفات
يقول الشاعر: شافي بن راشد النتيفات
ياللي تبون الشحم والكيف والدله=وياللي تبون النشاما طوال الايماني
نصوه دار الكرم والطيب في حله=دار تعز الخوي والضيف والعاني
في عطف وادي الركا تلقا لهم حله =الهمجه اللي لها تاريخ يشعاني
تاريخها يحمل الامجاد بسجله=يشهد لها قاصي العربان والداني
ستارها رجالها قدم العدو عله= وحصونها ارواحنا في كل ميداني
لوكوكب سهيل يظهر عامنا كله=من دونها نهدي الارواح مجاني
ت را الطبيعه بدون رجال منحله= والعمر لو طال لابده بعد فاني
لو قالو اختار في وسط الخبر فله =والا بحي العليا حط دكاني
ما ابيع دار نشيت وعشت في ظله=حبه مع الدم سار بوسط شرياني
تقع الهمجة غرب محافظة الافلاج 160 كمويتبع لها 12 هجرة ويسكن الهمجة فخذ ال سويلم من النتيفات ويبلغ عدد سكانها اكثر من 1000 نسمه
ويوجد بها عدد من الدوائر الحكومية وتبعد عن الهدار 90 كم غرب شمال.
في ليلة من ليالي الأعياد والأجتماع والأنس والمحبة في ليلة ليست كباقي الليالي أجتمع فيها الأقارب .ليلة تعارف ولقاء وحب وصفاء وقلوب طاهرةٌ بيضاء
أقام اهالي همجة النتيفات بمناسبة احداث مركز الهمجة وتعيين الشيخ / راشد بن محمد بن بتال النتيفات رئيسا للمركز وقد حضر هذا الإحتفال عدد كبير من وجهاء القبيلة وأبنائها اللذين توافدوا استجابةً للدعوة ورغبةً في التعارف عن قرب وتجديد المحبة والألفة . وقد حضر هذا الاحتفال كلاً من:
شيخ شمل قبيلة النتيفات ورئيس مزكز الهدار الشيخ مطرف بن فهد بن نمشان والشيخ عويضة بن محمد ال عرفج والشيخ محمد بن شايع ال هذال الشكره الشيخ عبدالعزيز بن رشود والشيخ محمد بن رشود ومساعد مدير التربية والتعليم الاستاذ مبارك بن محمد بن زنان بمحافظة الافلاج وعدد من اعيان القبائل
حيث بدأمقدم الحفل المراقب بموقع قبيلة الدواسر الرسمي الاستاذ مبارك بن شافي النتيفات بتقديم فقرات هذا الحفل بالترحيب بالضيوف الكرام وبمشائخ ولأعيان
المراقب بموقع قبيلة الدواسر الرسمي الاستاذ مبارك بن شافي النتيفات
الذي بدأ الحفل بأيات من الذكر الحكيم تلاها القارئ / شنار الشكرة
شنار الشكرة
وبعد ذلك كان الجميع على موعد مع كلمة توجيهيةوبعد ذلك كان الجميع على موعد مع كلمة وعظية دينية تحث على الولاء والطاعة والتلاحم والتكاتف ألقاها الداعية / مدهش بن محمد النتيفات
الداعية / مدهش بن محمد النتيفات
يليه كلمة راعي الحفل الشيخ محمد بن بتال النتيفات القاها نيابة عنه ابنه رئيس المركز الشيخ / راشد بن محمد النتيفات والتي رحب بكل حفاوه بجميع الحضور وشكرهم على تلبية الدعوة وتحمل متاعب السفر لمشاركة فرحة الحفل كما حمد الله على نعمه وشكره و اثنى على خادم الحرمين الشريفين وولي عهده وعلى وزير الداخليه وامير منطقة الرياض ونائبه على المكرمه اللتي منحت له وسأل الله ان يعينه على بذل الجهد في خدمة دينه ووطنه ومواصلة سيره في مايرضى الله ونبيه
رئيس مركز الهمجة الشيخ / راشد بن محمد النتيفات
ثم بعد ذلك القى شيخ شمل قبيلة النتيفات الشيخ / مطرف بن نمشان كلمة بهذه المناسبة بارك فيها لصاحب المركز وشكره على الدعوة وحث فيها على تلاحم القبيلة بمثل هذه الاحتفالات المباركة
شيخ شمل قبيلة النتيفات ورئيس مركز الهدار الشيخ مطرف بن فهد بن نمشان
ثم بعد ذلك القى الشيخ / وقيان بن زيد الشكرة كلمة بهذه المناسبة
الشيخ / وقيان بن زيد الشكرة
ثم بعد ذلك القى شيخ ال عرفج الشيخ عويضة بن محمد كلمة بهذه المناسبة واهداء درع تذكاري لرئيس المركز الشيخ / راشد بن محمد بن بتال النتيفات
الشيخ / عويضة بن محمد يسلم الدرع لشيخ راشد بن محمد
ثم القى الاستاذ / غريب ال عمار كلمة بهذه المناسبة شكر فيها اصحاب الحفل على الدعو
الاستاذ / غريب ال عمار
ونيابةً عن الطاقم الإداري والرقابي والإشرافي للموقع الرسمي لقبيلة الدواسر إعتلى منصة الحفل الشاعر / شافي بن راشد النتيفات المراقب بالموقع الرسمي لقبيلة الدواسر ليلقي كلمة موقع القبيلة،
حيث رحب بالبداية بمشائخ القبائل الحاضرين ر ومشائخ وأعيان ووجهاء وأبناء قبيلة الدواسر
الشاعر / شافي بن راشد النتيفات المراقب بالموقع الرسمي لقبيلة الدواسر
ثم القى الاستاذ حسين بن بتال ال ماضي النتيفات كلمة نيابة عن والده وربعه بهذه المناسبة
الاستاذ حسين بن بتال ال ماضي النتيفات
ولأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر شافي بن راشد النتيفات
الشاعر / شافي بن راشد النتيفات
بسم الله الرحمن مالجا الاله=الهنا اللي مانعد افضاله
رب كريم مايخيب عبده=اللي نصاه ويلتجي بظلاله
استفتح بذكره بداية قولي=من هاجس يتعب على مواله
اسرجت خيل الشعر من مربطها=ماهوب هرج اللي يالالي لاله
انقا بيوت الشعر لجل الحاضر=يقول صح لسان منهو قاله
واتعب على تركيبها وانقدها=واقفل البيبان للحياله
اثبت اهدافي قبل لا ارسمها=وابعد شوايبها من العذاله
وآقف هنا عن ربعي اهل الوقفه=واقدم الترحيب من مدهاله
يامرحبا ثم ارحبو وادبلها=ترحيب للي زارنا يثناله
اهلا هلا لضيوفنا نهديها=وللي حضر لديارنا تهداله
الهمجه لشوف النشاما تطرب=وتلبس من عقود الفرح سلساله
النور زاد بشوفة الضيفاني=وانساق فوق الدار من شلاله
وانا ليامنه دعاني موقف=ناديت فكر ماتغوض دلاله
كله لجل من دعوته وصلتني=في شاشة الجوال جا برساله
اسم لياشفته كفاني شوفه=يقول راشد يتصل جواله
رميتنا ظروف الزمان خلافي=وسخرت وقتي والفكر وامثاله
لجل الحضور ولجل شوفة ربعي=في محفل قاده زعيم الطاله
شيخ المكارم والظفر والفزعه=ابوك لا ذكر الوفا يبناله
محمد اللي يبذل المعروفي=عدا رهيا منهل لمن جاله
مبروك ختم المركز وتستاهل=الختم يفخر بك قبل تشتاله
ومادام حنا ربعك ومركلك=اهل الحسب واهل النسب والقاله
سور يذري من تذرا حوله=خيالة البل من زحول جماله
ربع مواقفنا ليامن عدت=تصعب على الكتاب والنقاله
حنا هل الوقفات في الشداتي=رجالنا ينطح جموع الحاله
وحنا حماة الدار واهل الديرة=والدار يفخر لاذكرنا رجاله
ارواحنا سترا لها وحجابي=ونفوسنا من دونها مياله
نصد منهو جالها طمعاني=عقب الطفر تطيح كل آماله
ياما نحينا دونها من هية=من جالها يبطي كمال هلاله
ومن قال حنا شوي مازعزعنا=الفرق والله بالفعل واشكاله
وافعالنا غطت على لاعدادي=واللي يقالط يقلط بمعداله
شمس الضحا تفضح ظلام الغدرا=والغيث يسقي لارض من هماله
لكن في ذا الوقت مايحتاجي=بامن وامان وكلا بمنزاله
في ظل حكم اخوان نوره عشنا=حكم السعودي مانريد ابداله
الله يعز الدين واللي قاده=والله يقوي من يريد اكماله
عهدا علينا من قديم وتالي=واللي يخون العهد يهدم جاله
لكل حاكم لاحكم نهديله=السمع والطاعه مع الولاله
لكن به ثنتين لاننساها=الشكر لله واجتماع القاله
فالتفرقه مامن وراها نفعه=لويدفع الرجال كل امواله
رجلا بليا ربع كلا هازه=ويزيد همه ويتكدر باله
ورجلا بليا ربع ماله قيمه=لوكثرت امواله وزاد عياله
ورجل بليا ربع يمشي حافي=لاباع ربعه كثرو العياله
ورجل بليا ربع ينسا صيته=لاشذ بالحاله لقى عداله
ورجل بليا ربع عاش بحسره=يشوف غبنه قبل شوف اعماله
ورجل بليا ربع ماله ناهه =يهاب من جمع الرجال لحاله
ورجل بليا ربع عودا لحاله=ورجل بربعه يتعب الشياله
ياعز منكم ربعه وذخرا له=عون الرفيق وللعدو سلاله
يقولها اللي حب ربعه قاده=وحضرت شعري لجلكم بجزاله
من دونكم شعري تراه سلاحي=في كل ميقاف افك عقاله
واشهر بكم بين القبايل وافخر=ياعز منكم عزوته وآماله
من غير قاصر في القبايل واختم=قاف كتبته لجل من جيناله
الشاعر / شافي بن وثيلان المسعري
ثم القى الشاعر / شافي بن وثيلان المسعري قصيدتين تفاعل معها الجمهور الاولى بالمناسبة والثانية في قبيلة النتيفات والمصارير قال فيها
بدينا بذكر الله ربي عظيم الشان = هو الواحد اللي مابعد خاب طلابه
هو الخالق الرازق هو الهادي الرحمن = والى الله كتب شي علينا رضينابه
الى راد شي كاتبه قال كون وكان = وحنا على صكات بقعا استعنابه
سبحانه اله راعي الفضل والاحسان = ولا رد عبد تايب يطلب التابه
وعند العشي عديتنا في طويل بان = ولاعاد رجم تالي اليوم سرنابه
قعدت اتذكر في المناعير والرديان = ولا اللاش ماينفع ولا من الردي ثابه
ترى اللاش ماينفعك الى من بدا لك شان = وعود العشر ماينفع اللي تعصابه
تضايقتنا والصدر معاد له ميدان = ولا كلم الجوال يوم اتصلنابه
نصيت المبزر يوم هو مارثة شجعان = وسد اللزوم ومرقب الطيب عدابه
سلامي على مدهش سلامي على سلطان = ابوناصر اللي كل طيب تهقوابه
وسلم على بتال بتال بن حشان = الى عدو اهل المرجله فاحسب حسابه
ابونايف ن تلقاه الى فشلو الرديان = الى صك جال جال ما ودك الا به
نتيفات تلقاهم الى حدك الزمان = سعد للرفيق وساعة الحرب حرابه
سلامي عليهم عد ماهمل الودان = وماسال سيل ينهب القشع وترابه
ولا انسى شبيب جعل يفداه كل هدان = ابن برجس طيبه وذكره سمعنابه
ولاد الحبيبي طيبهم من على الجدان = عوايدهم العليا وللطيب كسابه
اعد الصحيح ومن يعد الصحيح معان = ولا خير في ناس تجامل وكذابه
لشاعر / سالم بن ودان النتيفات
ومن ثم ألقى الشاعر سالم بن ودان النتيفات قصيدةً بهذا الحفل، حيث يقول في قصيدته :
عد ماهلت هماليل القنوف=وعد مابرقآ تكاشف فالظلام
ياسلامي والتحيه للضيوف=ياسلامي والتحيه للكرام
ارحبو ثم ارحبو سلم معروف=عند ربعي لابتي درع وحزام
فحفل راشد جيت ابارك له واشوف=لمة اللابه وهي شف ومرام
لاد العميري عزوتي حد السيوف=يامعاطيب الضرايب للخصام
والله انكم فخر في كل الضروف=ربعي النتيفات ماوفى الكلام
لو تعلى الصوت من بين الصفوف=جيت ابارك والسلام ازكى ختام
ثم بعد ذلك قصيدة للشاعر / بتال بن محمد بن مقيت النتيفات القاها نيابة عنه فهد بن بتال النتيفات
فهد بن بتال النتيفات
ثم القى صاحب الصوت العذب الشاعر والمنشد المعروف فهيد بن محسن قصيدة شلة بهذه المناسبة قال فيها
الشاعر والمنشد المعروف فهيد بن محسن النتيفات
استعدي ياهجوسي ترا المسرا طويل = والمسافه تتعب اللي مايعرف لاتجاه
والا انا في الدرب مبغي على المسرا دليل = شاعر موهوب والله بخيره قد عطاه
وعقب اللي في حياته ماحصل له جميل = وعند ربعه لاحضر مايشرفهم نباه
والا انا من دون ربعي كما السيف الصقيل = والكلام اللي بقوله بوقف وحماه
بعدها في حفل ربعي هل الفعل الجزيل = مرحبا بضيوفنا عد نجم في سماه
مرحبا باللي حضر عد همال المخيل = بالشيوخ وكل قرم وصلنا من وفاه
مرحبا في حلة ماتعرف المستحيل = الوفا في سلمها والفخر تمشي وراه
جيت اباركلك ياراشد عسا عمرك طويل = ياكريم عاشق المراجل من صباه
المعالي ماتجي في طرف يوم وليل = ومكسبك بين العرب طيب ساس وطيب جاه
والحمل لاثقل ماله سوا متن يشيل = وانت قد للمهمه ولاتبغي وصاه
ثم بعد ذلك القى الشاعر مبارك بن شافي النتيفات قصيدة قال فيها
الشاعر مبارك بن شافي النتيفات
مبدا سلامي على الحفله ومن فيها = ترحيبة قالها مبارك من لسانه
ترحيبه عد ماتذري ذواريها = واعداد ماغرد القمري من الحانه
غنيت قافية تعجب مغنيها = مانيب اجمع حكايا مالها خانه
اصوغ زين المثايل وابتدي فيها = والقلب فتح على الطاروق بيبانه
نصيتها ابومحمد وامدحه فيها = وحظرت فكري وكرسته علشانه
ثم بعد ذلك قصيدة نصيحة للشاعر عويض بن راشد النتيفات
بعد ذلك بدأت الأمسية المقامة في هذا الحفل حيث رحب عريف الحفل الاستاذ / راشد بن محمد النتيفات بالشعراء ، وهم : الشاعر شافي بن راشد النتيفات والشاعرشافي بن وثيلان المسعري . والشاعر راشد بن دحيمالنتيفات.والشاعر فهيد بن محسن النتيفات , ثم تبادل الشعراء الادوار بإلقاء القصايد الرائعه التي نالت استحسان الحضور وتفاعل معها الجميع بهذه المناسبة الكبيرة.
وبعد إختتام فعاليات الحفل المنبريّ والامسية الشعرية تناول الجميع طعام العشاء.وبعد ذلك كان الجميع على موعد مع العرضة وسط تفاعل كبير من الحضور.
لقطات مصوّرة لفعاليات العرضة:
لقطات مصوّرة للحضور بالإحتفال:
من اليمين رئيس مركز الهدار الشيخ / مطرف بن نمشان وبجانبه رئيس مركز الاحمر الشيخ / محمد بن شايع بن وقيان
على اليمين الاستاذ مبارك بن محمد بن زنان مساعد مدير التربية والتعليم بمحافظة الافلاج وفي الوسط الشيخ محمد بن بتال وابنه رئيس المركز وفي اليسار الاستاذ بتال بن عامر
لحظة وصول الشيخ عبدالعزيز بن رشود والشيخ محمد بن رشود ومساعد مدير التربية والتعليم الاستاذ مبارك بن محمد بن زنان
على اليمين الشيخ براهيم بن جعشة يليه الاستاذ معيض بن حسين بن نمشان عضو المجلس البلدي بالهدار يليه الشيخ ظافي بن نمشان
من الشيخ عويضة بن محمد النتيفات ورجل الاعمال الشيخ راشد البحري النتيفات
الشيخ حشان بن بتال النتيفات والاستاذ سعد بن ظافي بن حسن النتيفات
من اليمين الشيخ محمد بن وطبان يليه ضويحي بن بتال يليه الشاعر شافي بن خلف يليه وطبان بن مبارك
وختاماً، تتقدم إدارة الموقع الرسمي لقبيلة الدواسرتتقدم بخالص الشكر والعرفان لرئيس مركز الهمجة على الإحتفاليّة وإن هذا ليس بمستغرب عليه أبداً والشكر على حسن التنظيم والترتيب المسبق المعدّ لهذه الإحتفاليّة المتميزه
(
صوت قبيلة الدواسر)
منتدى قبيلة الدواسر الرسمي
www.alduwasser.org/vb
14-06-2011, 08:20 PM
التغطية المصوره لحفل قبيلة النتيفات لفتتاح مركز همجة النتيفات
رد: التغطية المصوره لحفل قبيلة النتيفات لفتتاح مركز همجة النتيفات
العرض العادي
