محاوره بين شاعر وشاعره - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم المــحــاورة والألــغـاز::

إضافة رد
انشر الموضوع
 
أدوات الموضوع انواع عرض الموضوع
قديم 04-09-2010, 01:15 PM   #1
 
إحصائية العضو







محمد الهويشلي غير متصل

محمد الهويشلي is on a distinguished road


افتراضي محاوره بين شاعر وشاعره

السلام عليكم ورحمة الله وبركاته

لقيت هذه المحاوره بين شاعر وشاعره

في منتدى خاص بالشعر

وقد اعجبتني هذي المحاوره وحبيت انقلها لكم


اتمنى لكم وقتا ممتعاا



الناااايفه




سـلام رديـه علـى مـن هــو لـبـس بـشـتٍ طـويـل ***والمـلـعـبـه مــيــدان والــفــارس يــصـــوّت لـفــرســه




الشـعـر ديــوان الـعـرب محـفـوظ مايـبـغـى دلـيــل ***صاغوه من صوغ الذهب والشاطراللي يدرسه








ولد الشريا




تبقـيـن يابـنـت النشـامـا يــا سليـلـة مــن سـلـيـل***فـي منتـدى اللـي للمراجـل والعوالـي مـدرسـة




والملعبة تبغى رجال ولاهي للطرف الكحيل***والشـعـر محـفـوظ ن ولايبـغـى حـريـم تحـرسـه









الناااايفه




حييت ياللي تفتل المعنى على الوزن الثقيـل***الحرب دارت وابتدت والفكر مـادق جرسـه




ياستـاذنـا الفـاضـل تــرا هالـهـرج هــذا للذلـيـل***بدل كلامك والا خله داخل القلب احبسه







ولد الشريا




الله ولا كثر التراحيب اللي ما تشفي غليل***الزبدة إن الكل في حصنـه ويشـل مسدسـه




النـاس ترقـب والسنـا فـي جونـا قـرب يمـيـل***متحمسـة يـا بنيـتـي ولا انــت مــو متحمـسـة









الناااايفه




انــا هـنـا فــي وقفـتـي أكــرم ولايـكـرم بخـيـل***وراع الطويلـه جعلهـاااا سـود الليالـي تفـرسـه




شــد الـحـزام ورتــب الجـزلـه وجنبـنـا الـهـزيـل***جمل ترى المجمول لاااضاق يتنهد بنفسه









ولد الشريا




شفت الهنوف اللي سرت من جاش بالزاد القليل***ضـاقـت بـهـا كــل الــدروب ومــا لـقـت مـــا تلـبـسـه




اظــاهــر انــــس مـثـلـهــا والــفـــرق يـكــمــن بـالـرحـيــل***اهـــي ســـرت تـبـغـى الـسـعـة وانـــت تـبـيـن الـبـربـسـة









الناااايفه





تبغى الصراحه ياولد مالك ومـال المستحيـل***خــل الجـبـال النايـفـه لـلـي جعلـهـااا مجـلـسـه




السيف ابو حدين والبندق وشرهات العميل***هــذي زهـابـي فالرحـيـل ولانـويــت المنـجـسـه








ولد الشريا





مـا مـدام مالـك بالهجـوم ولاتبـي غيـر المقـيـل***باشيلهـا يالله عسـى الشاشـة مـاهـي بمضبـسـة




شفت البنات اللي على بنده يبيعون الصميل***تـقـاد قــدم المشـتـري مـثـل الأوانـــي مقـرطـسـة








الناااايفه




يالربع شوفوا وش بلا صاحبكم الليله خبيل***ضيـع عنـان الخيـل واستخـدم بدالـه مكنسـه




امــا نــدور لــه طبـيـبٍ يـشـفـي الـفـكـر العـلـيـل***والا كـويــنــااا قــلــتــه فــــــي مــيــســمٍ بـيـونــســه









ولد الشريا




ياكم سمعنا مـالحكي ونفوسنا يا كم تشيل***مـا همنـي لجـات مـاللـي تــو بـاقـي مضـرسـة




واللي يبيع الشاي الأخضر مايبيع الزنجبيل***مقيـاس ريختـر مايـهـم الـلـي درس بالهنـدسـة









الناااايفه




جالـك كلامـي ياولـد عـانـه عـلـى راس الفتـيـل***والـشـك زايــل و الـرمــل مـهـمـا كـثــر بنـدعـسـه




في سلمانا نقدع مع الفنجال من تمر النخيل***والا الرطب في سلمكـم الرجـل لازم يلحسـه








ولد الشريا




لاصبـك الله فــي الــردى والـهـرج مامـنـه ذبـيـل***وشفت من قدمك على مدري يشل الغطرسـة




جنب ترى الرحمن يجعل للكفو درب وسبيل***بالـذات لاصــرت الصـريـح ولادانــي اللسلـسـة








الناااايفه




عيـنـك تناظـرنـا مـثـل عـيـن الـجـراده ياجمـيـل***وش حيلة الي لامشى دربٍ تراجع وعكسه




وقف مواقيف الرجال الي لهـم شـانٍ جليـل***والا تــريــح واســتــرح والـــــراس زود فـعـمـســه








ولد الشريا




الله ولــي لـمـا خـلـق مـانـي عـلــى خـلـقـه وكـيــل***بــأغــيـــر الـــمــــوال دام ان الــعـــقـــول مــجــبــســة




ميقافنا لامن غدا لصم الرمك صوت وصهيل***نعـطـي بلامحـسـوب يــوم ان الجـيـوب مفلـسـة








وسلاااااامتكم..



,,,

 

 

 

 

 

 

التوقيع


    

رد مع اقتباس
قديم 07-09-2010, 04:11 AM   #4
 
إحصائية العضو







محمد بن فهد الرجباني غير متصل

وسام الخيمة الرمضانية 1430هـ البرونزي لصاحب المركز: الوسام البرونزي لصاحب المركز الثالث بالأفضلية بالخيمة الرمضانية 1430هـ طيلة شهر رمضان المبارك - السبب: وسام الدواسر الفضي: للأعضاء المميزين والنشيطين - السبب: النشاط والتميز
: 2

محمد بن فهد الرجباني is on a distinguished road


افتراضي رد: محاوره بين شاعر وشاعره

يعطيك العافية اخوي محمد ولاهنت على النقل

تحياتي وتقديري~ْ،

 

 

 

 

 

 

التوقيع

تستاهل مراقب وتستاهل الطيب=ياللي على خدمة بني عمك حضاب
ياذيب ياللي جيت فوق المراقيب=وياحر ياللي ماكرك عالي هضاب
يابوفهد عداك لوم وعذاريب=في طلتك مثل الجدي مابعد غاب
من لابة هداتكم تشبع الذيب=تقدم نهار الهوش وتقيد ركاب
ماهيب ترسل للمعادي مناديب= تقدم لامن ولد الردي وقف وهاب

الشاعر/شافي النتيفات


    

رد مع اقتباس
قديم 07-09-2010, 10:02 AM   #5
 
إحصائية العضو







صملول الدوسري غير متصل

صملول الدوسري is on a distinguished road


افتراضي رد: محاوره بين شاعر وشاعره

(يعطيك العافيه على المحاور الجزله والابيات الجميله
مشاء على ولد الشيريا تهجج منها اما النايفه الاقيها ذكر
ماكنها الا رجل عالابيات السمينه والتي تتجرد من الانوثه
وان كانت انثي فانها تتمتع بذكاء وشاعريه كيبر
لا هنت على النقل الموفق

 

 

 

 

 

 

من مواضيع: صملول الدوسري

التوقيع

قلبي كما طير تتله سبوقه*****متبرقع راسه على كف راعيه
يبي المطير وفي عوق يعوقه****معق(ن)ول بعيد عن مغانيه

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 10:36 PM


Powered by vBulletin® Copyright ©2000 - 2024, Jelsoft Enterprises Ltd.
---