بيت القصيد

[معلومات العضو ساقان الدواسر]

بيت القصيد : راشد الخلاوي

مقام الفتى في منصب العز ساعة
ولا ألف عامٍ يصحب الذل صاحبه
والذل داء للضواري يسلها
كما يسل داء السل معلوق صاحبه
حياة بلا عزٍ محا الله حظّها
وحياة الفتى إلى فاتها العز خايبه
فإلى المرء صار العار والذل حظه
فالموت ستر له يغطي معايبه
إذا الحر قلت حيلته ثم صارت
تصفق به الدنيا وضاقت مذاهبه
يبدل بداره دار عزٍ يرومها
عنها ولا دار به الغبن شاربه
وترى أبرك ساعات الفتى ما بها الفتى
وما فات مات وساعة الغيب غايبه
فلا بالتمني تبلغ النفس حظها
ولا بالتأني فاز بالصيد طالبه
من عاب شخص قبل يبصر بعيبه
يرى فيه ما لا ينحصر من معايبه
ولا يعيب القوم إلا حسودهم
ومن عاب شخصًا عاجز عن مراتبه
وترى أحسد الحساد ما ضر غيرهم
ولا حاط مكر السوء إلا بصاحبه