الفيصل

[معلومات العضو عبدالله الدوسري]

اهداء للأخ طواري بن مطرف الخييلات بمناسبة فوزه بالمركز الثاني في مزاين الكويت بالفحل (الفيصل)

الراس شاش و عادةً له يشوشي
يا جعل ابو حماد راسه يعيشي

طواري بن مطرف يمينه تحوشي
كفّه على الناموس دايم نويشي

مبروك يا طلق الحجاج البشوشي
الله لمن مثلك عوينً حويشي

يا شوق من تزهى جديد النقوشي
بنت الحصان اللي فداها الكديشي

ماريت بالفيصل و خلّا الخدوشي
حرّ تعلوى في السماء دون ريشي

جعله مجارٍ من عيون الغشوشي
و اهل الحسد و اهل الوجيه الكشيشي

و بداح له الأمداح هيف الكبوشي
اخوك هو محزم ظهَرك النّعيشي

يا نسل ربعٍ يعتلون العروشي
دايم على فعل المراجل تطيشي

آلاد ابن الأخيل سواة الوحوشي
لا جاء نهارٍ للبنادق وشيشي

من ضربهم راس الصّميدع يدوشي
و تعطي عطاياً ما عطاها الطبيشي

قلته و ربعي متلفين القروشي
لا من عطوا ما كنّ فيهم محيشي

حقبان نهدي للخصوم النّعوشي
لاد العييضي ممّنين الخريشي

حنّا بني تغلب عدام الجيوشي
و اهل الكرم لا شحّ وقت المعيشي

و آلاد زايد مدركين العطوشي
هم درعنا لا اصّطك جمعٍ مهيشي

و كلّ القبايل للفعايل تنوشي
الكفو كفوٍ و المتايش يتيشي

صلاة ربي عدّ هلّ الطشوشي
على النبي و عداد ما نبّت حيشي

 

 

 

 

[معلومات العضو سعيد ال سعد]

عبدالله صح لسانك قصيده طيبه من شاعرا
جزل يستأهل المدح بن مطرف تقبل تحيات اخوكِ سعيد والاهنت يبطل

 

 

 

 

[معلومات العضو راشد المسعري]

الله الله

صح لسانك ياعبدالله

الجزاله من منبعها ياكحيلان

دمت ودام إبداعك كمثل هذه القصيدة التي قيلت فيمن يستاهلها الشيخ طواري بن مطرف الخييلات وأخوه الشيخ بداح بن مطرف الخييلات وكل الخييلات عامة يستاهلون المدح لاد ابن الاخيل.

تقبل ودي وتقديري ،،،

 

 

 

 

[معلومات العضو عبدالله الدوسري]

اقتباس:
المشاركة الأصلية كتبت بواسطة سعيد ال سعد
عبدالله صح لسانك قصيده طيبه من شاعرا

جزل يستأهل المدح بن مطرف تقبل تحيات اخوكِ سعيد والاهنت يا بطل



شكرا لك اخي سعيد


و تشرفت بمرورك

لا هنت و دمت بخير،،،

 

 

 

 

[معلومات العضو نآصر البدراني]

كُفو يا عبدالله وصح لسانك لين ترضى وراسن ما يشوش لربعه مافيه خير




نبارك للشيخ طواري بن مطرف الخييلات فوزه بالمركز الثاني في مزاين الكويت بالفحل (الفيصل)



والله يبارك له في بدنه وأهله وماله

 

 

 

 

[معلومات العضو موسى ابومشهور]

الله الله ابداع صح السانك