ياللي تقولون المره ماتحفـظ السـر الصغيـر ... انا اللي بعطيكم علووم البنـت ويـا اسراها

[معلومات العضو شيهانه على كف صقار]

	ياللي تقولون المره ماتحفـظ السـر الصغيـر ... انا اللي بعطيكم علووم البنـت ويـا اسراها -------------------------------------------------------------------------------- ياللي تقولون المره ماتحفـظ السـر الصغيـر انا اللي بعطيكم علووم البنت ويـا اسراارهـا اللي تربت في بيوت العـز بتشـوف الكثيـر ومهما تشوف وتستمـع مافرطـت بخبارهـا لاجات اميره طيبه من نسل اميـر ابـن اميـر اسرارها تبتندفـن فـي قلبهـا وفـي دارهـا يمكن يضج بها الفكر مره وتخطـي فالمسيـر لاشك طبـع الطيبـه يغلـب علـى افكاارهـا العاطفه تسرح بها مرات فـي مـوج الاثيـر لكنهـا تبقـا حبيسـه صدرهـا واسـوارهـا امي تعلمني العلووم بقلبهـا الحانـي الكبيـر لين افرقت طبعي عن العالـم وشبـت نارهـا اسااير الواقع واشوف الناس يجذبها الحريـر يوم الحقيقه وااضحـه مانستطيـع انكاارهـا انا اشهد اني عارفه منهو باخلاصـي جديـر اللي عطاني من سنين العمـر كـل انواارهـا اللي معلمني علووم الخيـر بعلوومـه خبيـر اللي عطا نفسي مواازيـن الحيـا وعياارهـا اللي حماني من الزلل يضحك ولو وضعه خطير اللي ملك رووحـي وخلاهـا تجنـب عاارهـا هذاك ابووي اللي عرف وشلوون يملاني عبير وهو الوحيد اللي فهم نفسـي وادق اسرارهـا اختـــــــــــكم /شيهانه على كف صقار

 

 

 

 

[معلومات العضو ابن مطوع الودعاني]

صح لسانك ياشيهانه ، ومشكوره ، المعنى في هذه القصيده أعجبني لأن الكثير يتجاهلونه لكن صحيح بعض النساء أكتم من بعض الرجال .

 

 

 

 

[معلومات العضو أبونواف الدوسري]

الأخت شيهانه

صح لسانك ..فعلا قصيده ذات معني كبير

تمنياتي لك بالتوفيق

أخوك أبو نواف الدوسري