جــرب..!!

[معلومات العضو الهاج ـري]

جرب طبع غيري عساك تقول : الله يـا الخليـل=يمكن ببعدي لا عرفت الذل تعرف مـن خليلـك
يمكن تصحيك الصدف يمكـن يشافيـك البديـل=أو يمكن أن التجربة تعطيك من عـزك ذليلـك
ولّا تلاقي فـي دروبـك للقسـاوة ألـف سيـل=ولّا تلاقي شي يمكن مـا قـدرت أنـا اعطيلـك
ولا تلاقي من عطاك الـروح وخـلاك العديـل=ولا حنان ٍ ما عطيتـه فـي كثيـرك أو قليلـك
من يعتذر لك لو خطيت ولو خطاك أنت جزيـل=من يفرح إن شافك هني وويلته بأسبـاب ويلـك
من هو يساهر همـك ويهديـك فرحتـه منديـل=من ضحّكك مثلي علي وياما بكى من هجر ليلك
من لك عيونه إن عمتْ عينك وتاهت هي دليـل=واللي عذابه لك عذب لو تعطش أصبح هو سبيلك
من يكتم الآهات في صـدره ولـو همّـه ثقيـل=من صارت أحواله مرايا تتبعك في كـل ميلـك
من مهمل ٍ روحه عشانك وارتحل لك ألف ميـل=من هو يسابق كل ريح ولو تبي منه يجـي لـك
من ذاب حتى في عيوبك وصار شينك به جميـل=من صدّقك لو كنت كاذب وامتدح من هو مثيلـك
من هو عطاك أعظم غرام ٍ وارتضى منك قليـل=من زعّل الدنيا عشانك وبالحـزن قلبـه كفيلـك
من يسرق البسمة من شفاه البشر وسط الشليـل=يركض بها يمك يبي قربك وكنـه هـو دخيلـك
من يفهمك , من يسمعك لا قلت آه وقلـت ويـل=يتحمّلك يقبل مزاجك .. وكنـه بهمـك زميلـك
من فكّر بدنيـاك لـو بعـد ٍ يباعدكـم طويـل=من هو يحبك وانت باقي وحتى في لحظة رحيلك
جرّب ودوّر زي حبي واعـرف انـه مستحيـل=وإن شفت مثلي بالوفا ولا الغلا لك شـد حيلـك

 

 

 

 

[معلومات العضو شيهانه بكف صقار]

جرب طبع غيري عساك تقول : الله يـا الخليـل
يمكن ببعدي لا عرفت الذل تعرف مـن خليلـك

رووووووووووووووووووووووووووووووووعة

تحياتي

 

 

 

 

[معلومات العضو الهاج ـري]

مرحبا بس اختي على مرورس المميز دائماً

 

 

 

 

[معلومات العضو دهن عود]

صح السااانك

ربي يعطيك عافيه

ولايحرمنااا منك ومن جديدك

 

 

 

 

[معلومات العضو الهاج ـري]

مرحبا بس اختي الفاضله على مرورس الطيب