الدواسر 502

[معلومات العضو سالم الغريري]

الدواسر 502
السلام عليكم ورحمة الله وبركاته
اخواني وبني عمي في هذي الايام بدينا نشوف ونسمع عن هذا الشعار
502 انه لقب او رمز لقبيلة الدواسر نلقاه مكتوب على الجدران
او على السيارات واصبح مشهور عند الشباب وصغار السن
وكأنه فتح خط او رمز معتمد لقبيلة الدواسر
سئلت بعض الشباب عن قصة هذا الرقم وقالوا
كان فيه دوسري عنده سياره متعبث فيها وحجم مكينة السياره 502 وتحدى مع
عجمي حجم مكينة سيارته 511 ومعهم قحطاني حجم مكينة سيارته 505
وفاز الدوسري صاحب المكينه 502 في السباق
وبعدها صار رقم 502 مخصص للدواسر
و 505 مخصص للقحاطين
و 511 للعجمان
ولكن 502 اصبح هو الاشهر بحكم فوزه بالسباق
وبعد ها اخذ بعض الشباب من القبائل الاخرى بالتقليد وتأليف ارقام و رموز لقبيلتهم
ومنهم من اتخذ له عباره كلقب لهم مثل قبيلة المره وشعارهم ( ما يهزك ريح )
وقبيلة بني هاجر ( المافيا )
وكذلك قبيلة العجمان لديهم لقب غير 511 وهو ( ألمان العرب )
مع العلم اني افضل هذي العبارات على الارقام
لكن السؤال هنا
هل تستحق قبيلة الدواسر العريقه ان تلغى جميع القابها المشرفه وتنحصر على رقم 502 ؟
هل يرضى شباب قبيلة الدواسر ان يكون لقبهم برقم 502 ؟
اين ذهبت القاب ومسميات قبيلة الدواسر المشرفه والتي يعتز بها كل دوسري
لماذا شبابنا لا يستعمل بدل 502 عبارة ( خطلان الايدي ) وهو اللقب الاشهر للدواسر
من هنا من منتدى قبيلة الدواسر الرسمي اناشد واحث جميع شباب قبيلة الدواسر
ان يظهروا القاب قبيلتهم المشرفه المتوارثه عن الاباء والاجداد والتي يفتخر بها الجميع
وان يتركوا الارقام لاهل الارقام الذين ليس لديهم أي لقب او مسمى
وان يتمسكوا بلقب ( خطلان الايدي ) وإظهاره للجميع
فأنه بحق لقب مشرف ويرفع الرأس
ودمتم سالمين
اخوكم سالم الغريري

 

 

 

 

[معلومات العضو الصقر الحر]

أشكرك أخوي سالم الغريري على الموضوع المهم

وأتمنى من الشباب أن يتمسكوا بلقب ( خطلان الايدي )

وتقبل تحياتي

أخوك

الصقر الحر

 

 

 

 

[معلومات العضو نايف الخييلي]

الاخ \ ســالم الغريري


الله يعطيك العافــيه على هالموضوع الجــميل و المضحك بعض الشي



انا حبيــت أضيف نقطه بسيـــطه لموضوعك وهي : ان هالالقاب التي تطلق


على بعض القبايــل لاتشتهــر الا عند شباب أهــل الشرقيه فقــــط


يعني أهل الخرج والافلاج والوادي مايــعرفون هالكلام وهالالقاب . ولو تسئل


راح تتأكد .


اما بالنسبه لالقاب الدواسر الشهيــره فـــلا تخاف عليها ماراح تتحول

لاسامي مكاين سيارات ولا لارقام لايعرف لها ماضـــي



تقـــبل ســلامي .

 

 

 

 

[معلومات العضو بنت القبيلة]

الأخ ( سالم الغريري )

اشكرك على طرح هذا الموضوع الذي كنت ناويه اطرحه ولكن

بصيغة ثانية ، و دامك طرحته أنا أحب اضيف نقطة ألا وهي

إني سمعت أن هذا الرمز ( 502) هو رمز الدواسر في قطر

فما أدري مدى صحة هذي المعلومة

على العموم أخوي ألف شكر على طرح هذا الموضوع

 

 

 

 

[معلومات العضو سالم الغريري]

العفو اخوي الصقر الحر

اسعدتني مشاركتك وحضورك الكريم


واتمنى مثل ما تتمنى

 

 

 

 

[معلومات العضو سالم الغريري]

الغالي ابو فهاد

يمكن بعض المناطق ما يعرفون هذي السالفه لكن بيجي يوم وتشتهر عندهم

وانا اصلا كنت متردد اطرح هذا الموضوع قلت يمكن ما احد يعرفه

لكن بالعكس احس انه اشتهر اكثر حتى لو تلاحظ بعض الاسماء في منتدانا تحمل

رقم 502


والمشكله على قولتك الشهر في المنطقه الشرقيه

والمنطقه الشرقيه فيها من جميع القبايل بعكس الخرج والافلاج

يعني الشهره تكون اكبر وخصوصا عند القبايل الثانيه مشتهر ان رمز الدواسر 502

وان شاءلله يصير حد لهذا الرمز


وتحيه خاصه لك يا ابو فهاد

على المداخله العطره

 

 

 

 

[معلومات العضو بو مرداس / المشوي]

تسلم أخوي سالم الغريري
عندنا في البحرين أغلبية شباب الدواسر يستخدمون( الـــــداء الــــســـــائــــــر )
و البعض قلة منهم يستخدم 502

 

 

 

 

[معلومات العضو سالم الغريري]

اختي بنت القبيله

ما هنا فرق سوا انا كتبت الموضوع ولا انتي اهم انه ينكتب

وكل واحد يبدي رأيه ولا لنا غنى عن مشاركتك الثمينه


انتي تقولين الرمز هذا مخصص لدواسر قطر ( وهذا اللي اتوقعه )

وانا سمعت انه اول ما بدء في الخرج والاقوال كثيره


والواقع انه منتشر في مناطق كثيره

واتمنى ان الشباب يركزون على هذا الرمز ويغيرونه افضل


واشكرك اختي على المشاركه العطره

ولك مني كل تقدير

 

 

 

 

[معلومات العضو عبدالرحمن الشرافي]

اخوي سالم


لاهنت وبيض الله وجهك على المبادره بــطرح هذا الموضوع القيم


وانا حصلت واحد دوسري اعررفه حاط على سيارته (( 502 ))

وبادرت بأعطائه أستكر مكتوب عليه (( خطلان الايدي ))


وانا مستعد لتصميم شعار مكتوب عليه خطلان الايدي لكي يعتمد بدال 502


وانتظر شوركم


تحياتي للجميع

 

 

 

 

[معلومات العضو مبارك الدموخ]

كلام اعجبني وبارك الله فيكم يا خطلان الايدي

 

 

 

 

[معلومات العضو العماني]

نطلب من ابناء القبيلة الغيورين على اسم قبيلتهم عدم استخدام هذا الرقم وتقدير اسم قبيلته وانهم يحشمونه من ذي الارقام .

يالربع اكثر ما به ألقاب الدواسر ولله الحمد طبوا وتخيروا بس الرقم هذا فكونا منه


شكرا اخوي بومشنان على اثارة الموضوع المهم

وسلم لي على العزبة

تقبل تحياتي،،

 

 

 

 

[معلومات العضو ابوعبدالرحمن الودعاني]

	أضم صوتي لصوت إخواني وبني عمي جميعاً أتركونا من هذا الرقم وهذا الرمز الخاطئ الذي سوف يضيع الألقاب التي عرفنا بها وأفتخرنا بها ولا نغتر بغيرنا يا أحباب بل نجعلهم هم الذي يقلدونا ..

 

 

 

 

[معلومات العضو سالم الغريري]

هلا والله اخوي ابو مرداس

شئ طيب ان قلة اللي يستعملون هذا الرقم

اهم شئ يكون الشباب واعين


وشاكر لك مشاركتك العطره

 

 

 

 

[معلومات العضو سالم الغريري]

الاخ العزيز عبدالرحمن الشرافي

بيض الله وجهك على فعلك الطيب

وعلى اهتمامك بهذا الموضوع ويا ليت يشتهر ستكر خطلان الايدي بدل الرقم


وعساك على القوة

 

 

 

 

[معلومات العضو سالم الغريري]

اللي اعجبني كلامك وتأييدك

اخوي قرناس

وشاكر لك مرورك الكريم