لاد الحريجي في الملاقا صاملين - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم الـشعر العــام ::

إضافة رد
انشر الموضوع
 
أدوات الموضوع انواع عرض الموضوع
قديم 09-11-2017, 06:26 PM   #1
 
إحصائية العضو







ابن مدعث متصل الآن

ابن مدعث is on a distinguished road


Poet2 لاد الحريجي في الملاقا صاملين

في خاطري مدح الرجال الطيبن
اللي ينومس ذكرهم لامن طرا

شرواك يا محمد عشير الغانمين
ياللي اعلومك طيبه عند البرا

بنيت لك قصرٍ يشوق الناظرين
مبناه من مبنا ملوكٍ واوزرا

في الخرج شرقٍ مع حرض للحادرين
على يمين الخط ماهوب ايسرا

مجالسٍ يلقا بها سمن وسمين
وصدر ٍ رحوبٍ فيه من وسع الثرا

وانته احزامٍ ما يخجل وانت دين
في شان من يبغي الفزايع تنحرا

يالهيلع الصمصام ياذرب اليمين
ياللي فعولك واجدٍ ماتحصرا

مواقفك ماهيب وحده واثنتين
نشهد ويشهد غيرنا كل الورا

مواقفك تاج الفخر والفعل زين
بفعلك نماري يالشجاع ونفخرا

مايشبهك ياكود نهر الرافدين
خيره يعم اهل المدن واهل القرا

ومن قبل فعلك فعل جدك يالفطين
وانته على دربه تحث الامهرا

جدّك عذاب الخيل مزبان الزبين
صميدعٍ لارد مردود البرا

ذاك علمان مورد السيف السنين
مضراب كفه في عدوّه مابرا

لامن تعزوى ببن ملحم مايلين
كمٍ عقيدٍ قد جرى له ماجرا

وانتو سنام المجد والحصن الحصين
من ساسكم وانتو شيوخٍ واومرا

ولاد الحريجي في الملاقا صاملين
مامنهم اللي لاقدم يرجع ورا

اهل الوضاح اللي بها الحلقة تزين
تقصر يمين اللي بغاها تقصرا

الفعل بيّن والقبايل خابرين
مافيه لاشكٍ ولا فيه اغبرا

يشهد لهم يوم العراص الشاهدين
نهار ردّو ردةٍ ماتنكرا

ويومٍ على الأتراك جاهم يوم شين
اخذو وذبحو قدم عباسٍ يرا

ويوم اخذت البل من الغزاة الكاسبين
وقدهم ورا العارض مع حم الذرا

منهم ومنا عصبة تروي السنين
الين جبناها من القوم اجهرا

وانتو مسامير الشداد البارزين
ودماحة الزله عليكم تحصرا

وانتو حماة البل من اللي طامعين
يومٍ غدا في السيح عجٍ وكدرا

من دون حسكات الوبر سقتو الثمين
ارواحكم من دونها ستر وذرا

ميقافكم محفوظ من ماضي السنين
واللي درا يعلم اللي مادرا

لاد الحريجي وال عمار اخوين
امجادهم ترقا على قمة كرا

منهو نواهم بالقشر جاوه بحين
الين يلعف حظه اللي مدبرا

الصف واحدمن عصور الاولين
من قبل تاتي في الحكومات وزرا

اختامها يابو فهد ليث العرين
حنا نعدك انت والطيب اخشرا


الشاعر/ناصر بن مدعث آل عمار

 

 

 

 

    

رد مع اقتباس
قديم 10-11-2017, 04:10 PM   #2
 
إحصائية العضو








ساقان الدواسر غير متصل

ساقان الدواسر is on a distinguished road


افتراضي رد: لاد الحريجي في الملاقا صاملين

ابن مدعث الغالي والعالي

الشاعروابن العم ناصر بن مدعث آل عمار يحفظه الله
كفوء مليون ياشاعر قبيلتنا وعساك دوم على القوة
ولآد الحريجي يستاهلون الطيب وعلومهم من طيب في طيب من سيسان جدانهم من أول وتالى والنعم ولا يهون ربعنا باقي الدواسر




ميقافكم محفوظ من ماضي السنين
واللي درا يعلم اللي مادرا

لاد الحريجي وآل عمار اخوين
امجادهم ترقا على قمة كرا



 

 

 

 

 

 

التوقيع

ناصر بن عبدالرحمن آل ساقان بن خلف آل مانع آل عمارالدوسري

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حمود الحريجي (( الفراق والذكرى )) اهدائي لكم.. حمود الحريجي :: قسم قصائد الشعراء الموهوبين :: 3 18-02-2016 01:32 PM

 


الساعة الآن 10:38 PM


Powered by vBulletin® Copyright ©2000 - 2024, Jelsoft Enterprises Ltd.
---