مساجله بين بن بطحيه وشاعر يام

[معلومات العضو عبدالله بن بخيتان]

السلام عليكم ورحمة الله وبركاته


هذه مساجله بين الشاعرين

الشاعر حسن بن عبدالله بن بطحيه الودعاني

والشاعر علي بن بلال اليامي (شاعر يام )


يقول الشاعر حسن

ماجور ياقلب غرامه عزايمه = مثل الكريم اللي غرامه عزايمه
عن حالته حال عن الناس ماخفا =وهم مقيم وثورة الهم قايمه
لو اجحد اللي بي تضاعف هواجسي =لا النفس مرتاحه ولا العين نايمه
ماهاضت النفس الجموحه هوى اللذي =في وصفها نفوس المحبين هايمه
ولادارت عيوني بصدفات لحظها =مستورة شامت والاطباع شايمه
الا دوافع ماسكن داخل الحشا =وعشق عزيز رايم العز رايمه
غرام من يشري معرفة هل العلا =لاعد راعي السمت غالي غنايمه
مابين اصاحيبه وشعره وسيرته = علاقة مهما قسا الوقت دايمه
وليا انتقا من عالي القوم صحبته =مايلحقه من لايم الناس لايمه
ولا للعظايم غير دفة عظيمها =وعين العظيم تمكنه من عظايمه
امثال من حاز الغوالي وصانها = واجزل ثلاث نالها في قدايمه
شيخ القبيله والنواميس والمثل = فيها العموميه ومنها عمايمه
يشهر بها بن بلال من طيب سمعته =ويمشي بها عطر النبا مع نسايمه
وشاعر معاصير الدول جاد واجتهد=واثبت لشعار الادب وش دعايمه
يحيي سلوم ويطلق قيود مبتلا =شيخ مقابيل الهشالا كرايمه
هذا نصير السلم والشعر والادب =وعهود وافين الذمم من لزايمه
متذوق الشعر الحقيقي يتوق له = نعم الوسايم يوم تصبح وسايمه
استاذي ونبراس قافي ومنهجي =وياكثر طلابه وماابين علايمه
نرجو حضوره ونتلهف لشوفته = في منبر يشكي لمثله ظلايمه
مطلب وشاعر يام للشعر مفخره =لو جيش شعر اليوم كثرت هزايمه

وكان رد شاعر يام

بيوت وقصور القصيد وقسايمه =فيها نديمي وافيات قسايمه
يامرحبا عداد مايدفع النهر = بحر غزيز فيه الامواج عايمه
يهمني بحر الندا واسمع الندا =ولو سما فكري من العام غايمه
قدر لمن قدّر عوانيه واقتدر =يقول وافعاله لقوله ملايمه
شاعر ولقروم الوداعين ينتمي =قطاعة الجو المخيف وخرايمه
وريث اهل مثلوثة الجود والثنا =وكعام من كبده من المر زايمه
قوم من العصر القديم ارهو العشا =للناس وسباع الخلا ولحوايمه
اجداد ابن بطحيه المبدع العلم = الثابت اللي ماتراعد قوايمه
حسن ولد عبدالله النادر اللذي = يبني على سطح الثريا مخايمه
بنا على ساس البنا واتقن البنا =وديع جزلات القديم وجسايمه
وطرى علي من واقع البين ماطرى =مابين عمران الزمان وهدايمه
ومجرب دنياي واللين والقسا = والود وجروح الفراق وحثايمه
ياصاحب المعروف والعرف والوفا =مراجلك ماهي عن الشعر صايمه
منا لك الموجود والجاه والجدا =والراس دونك ماترده شكايمه
اول مواجيبك علينا حضورنا = نبري صدا كبد الصديق وسقايمه
والليله الغرا تراها ليا اقبلت =مالبست اقنعت الفراق ولثايمه
ليا استهلت سيلها يسبق الرعد =بفضل من عز الخليج وحكايمه
لاهنت ياللي ماقصر سبر هاجسك =زوّد من البحر الهلالي رسايمه
ولاضني احد يعرفك ويتجاهلك = الاحقير مايعوض تمايمه
يانادر الاحفاد والجيل والنسب = من كل اصيل مبهمات صرايمه

وسلامتكم

 

 

 

 

[معلومات العضو شافي بن راشد النتيفات]

الله على هذه الهلاليات الكايدة والكايفه من فطاحلة كبار
صح الله لسانهم وادام ابداعهم
ولاهنت يابن بخيتان على النقل
الموفق والمميز
تحياااااااااتي لك

 

 

 

 

[معلومات العضو مبارك بن شافي النتيفات]

صح الله السنة الشعراء ودام ابداعهم

ولاهنت يابن بخيتان على النقل الرااائع والجميل

تحياتي وتقديري

 

 

 

 

[معلومات العضو محمد راشد النتيفات]

صح الله السنة الشعراء ودام ابداعهم

ولاهنت يابن بخيتان على النقل الرااائع والجميل

تحياتي وتقديري