مجاراة .ذيب الشمري والقبر

[معلومات العضو مبارك بن شافي النتيفات]

محاوره بين الشاعر ذيب الشمري والقبر

يقول ذيب/
ياقبر قلي عن زمــــان الاقامـــــه
كم عام يقدر ينتقل منـك راعـــــيك
ودي توضح لي شروط السلامـــه
من ضمتك من ظلمتـــك من بلاويك

رد عليه القبر /
ياذيب من ينشد يثمـــن كلامـــــه
راجع خطياتك وراجع حسانيـــك
تبقى بجوفي لين يــوم القيـــــامه
محدن يجي عندك ولا يتصل فيك


رد عليه ذيب /
وان كانت الاعمال خامه وخامـــه
منها ذهب صافي ومنها سراميك
ممكن تفيد المعـــــذره والنـــــدامه
بعد نزولي بالكفن في ضواحيــك

رد عليه القبر /
فوقك ليا جات النصايب علامـــه
ثنتين توضع عند راسك ورجليك
ماعاد ينفعـك العتــب والملامـــــه
من حين روحك ترتفع عند باريك

رد عليه ذيب /
ياقبر ما دورت منــك الكرامـــه
ارجو عفو ربي ولاني براجيك
اللي بديه الامر ماسك زمامــه
رب الملوك ورب كـل المماليـــــك


رد عليه القبر/
ياذيب في هذا التحدي غشامــه
بلا عمل ماهو مناسب تحديـــــك
اوصيك عهد الله صون التـــزامه
مني ومن بعدي من النار ينجيك

رد عليه ذيب/
ياقبر زودت المخـــاوف جسامـــــه
زدني نصايح نافعه قبل ما جيـــك
اخاف اجي لك فوق ظهري غرامه
وتسديدها ما يقبل الدفع بالشــيك

رد عليه القبر /
اقرأ كتاب الله وافهــــم نظامـــــه
وتلقى الذي يعني لغيرك ويعنيـــك
واختار ما يعنيك وامسك خطامـــه
ما دمت حي خطام الاعمال بيديك

 

 

 

 

[معلومات العضو انا ابو نايف]

مالقا الا القبر يادفع البلا ههههههه
الله يجعلنا من الناجين يوم الحساب
وصح السان ذيب والقبر ولاهنت يابوشافي
على النقل

 

 

 

 

[معلومات العضو مبارك بن شافي النتيفات]

هههههههه الله يحسن الخاتمة لنا ولك ولجميع المسلمين

ولاهنت على مرورك العطر اللذي اضاف للموضوع روعة وجمالا

وحلوووووه صح لسان القبر هههههه

تحياتي ووافر احترامي

 

 

 

 

[معلومات العضو عقاب العتيبي]

الله الله الله



صح لسانه ورد القبر أقوى من رده



لاهنت ع النقل

 

 

 

 

[معلومات العضو مبارك بن شافي النتيفات]

صح بدنك ياعقاب

ولاهنت ع المرور العذب

تحياتي وتقديري