الشاعر(محمد بن مبارك الدوسري) قصيده ورد عبدالله ابن عون

[معلومات العضو بن مشخص المسعري]

سرى الليل وانا والهواجيس في مسراي = اطالع نجوم غربت عقب مطلعها
اسرح معا الهوجاس واضرب راي براي = ابدد همومي والهواجيس تجمعها
هواجيس قلبي ذاك رايح وهذا جاي = تخالف علي بالليل والصبح أودعها
على الصاحب اللي بالغلى حدنا لقصاي = غرام لعب بالقلب والنفس مجزعها
تسيطر بقانون الهوا واستباح حماي = لو اني عزيز وعزة النفس ترفعها
انا كان مقفي من دروب الغرام اقفاي = معزل ومعذر فالمحبه وبايعها
لكن المحبه لو تخفت بكل خفاي = تجيها الصدوف اللي تبين مواجعها
الا واشقى روحي والا واكبر بلواي = اجامل وعيني لايع البين لايعها
تولعت فالذي من ورا هقوة الهقاي = هنوف جذبني في هواها تواضعها
عليها عروق القلب من هالسنه ضماي = وبساتين قلبي يابسات(ن)مزارعها
تتل الضماير تل دلو لها لقاي = اليا هزها مياحها جاك شالعها
وليف مرابيه ابعدت وافختت برباي = تنحا وامان الوصل مانيب قاطعها
انا يوم هلت دمعته ظلمت دنياي = وباشر عيوني عبرة ماتوقعها
يوم انه وقف ثم حط يمناه في يمناي = تقل ان روحي نازع الموت ينزعها
من الحسره اضرب كف يمناي في يسراي = على وقفتي والعين تذرف مدامعها
تنحت بي الايام لين قلعت مرساي = والايام تفريق الولايف طبايعها
الا يالطيف الروح ياغايتي ومناي = ترى القلب معكم وداعت (ن)لاتضيعها
اسامر نجوم الليل وانا على مركاي = واعود على الذكرى القديمه واراجعها
ذكرت الوصوف اللي سبب علتي ودواي = ضاقت بي الدنيا وربي موسعها
ذكرت العيون اللي ليا سلهمت بظباي = زرق رماح في ظميري مواقعها
عيون اشقر يرهي من بعد اللحوق ارهاي = لاحول على جول الحباري نبرقعها
وجيد تغشاه اشقر للنحر كساي = كما ليل شقرا هزته في تشعشعها
تحت شيخ قوم وكل يوم(ن) وهو غزاي = ليا قيل ياهل الخير يرخي مصارعها
شبيه العنود اللي تحاوز من الرماي = نعرها اشهب البارود والريح صايعها
هنوف خذت قلبي ومنها قصرت اخطاي = سبب عالم(ن)ماعاد نعرف طبايعها
ابنخاك يبن عون يامنتهى شكواي = وانا اخبرك ليا جتك الدعاوي تسنعها
نصيتك يبو نايف وانا خابر منصاي = منصا الرجال اللي على الطيب تجمعنا

 

 

 

 

[معلومات العضو العضوالمنتدب]

ارحب يبن مشخص ماتجيب الا الجواهرالنفيسه وصح لسان ابن عون والصخيبري من اجمل ما قرأت
في الفتره الاخيره على فكره ابونايف اعتزل الشعر وهذا اكبرخساره للشعر ومتذوقيه تسلم يالمسعري
مره ثانيه

 

 

 

 

[معلومات العضو صالح الجعيدي]

لا هنت يا أبن مشخص المسعري ،، بيض الله وجهك ،،

لا تبطي علينا بجديدك وإبداعك،، مع خالص التحية والاحترام.

 

 

 

 

[معلومات العضو بن مشخص المسعري]

العضو المنتدب

والبقاااااااااااااا مليون ياذيب مرحبابك وابرك الساعات مرورك وتعقيبك الطيب


صالح الجعيدي


مرحباااااااااااااااااااااااااااااااااا ومالله ومسهلااااااااااااااااااااااااا
منور الموضوع يالذيب وحياك الله